ലഖ്​നോ ഏ​റ്റ​ുമുട്ടൽ: രാജ്യദ്രോഹിയുടെ മൃതദേഹം എറ്റുവാങ്ങി​ല്ലെന്ന്​ സെയ്​ഫുല്ലയുടെ പിതാവ്​

ലഖ്​നോ: ലഖ്​നോവിൽ സുരക്ഷ സേനയുമായുള്ള ഏറ്റുമുട്ടലിൽ കൊല്ലപ്പെട്ട സെയ്​ഫുല്ലയുടെ മൃതദേഹം ഏറ്റുവാങ്ങില്ലെന്ന്​ പിതാവ്​ സർതാജ്​. രാജ്യദ്രോഹിക്ക്​ ത​​െൻറ മകനാകാൻ സാധിക്കുകയില്ല. തങ്ങൾ ഇന്ത്യക്കാരാണ്​ തങ്ങളുടെ പൂർവികരും ഇവിടെ ജനിച്ച്​ വളർന്നവരാണ്​. രാജ്യത്തിന്​ എതിരെ പ്രവർത്തിച്ചവൻ ​ ത​​െൻറ മകന​ല്ലെന്നും ഒരു കാരണവശാലും സെയ്​ഫുല്ലയുടെ മൃതദേഹം ഏറ്റുവാങ്ങില്ലെന്നും സർതാജ്​ പറഞ്ഞു.

ജോലിക്ക് പോകാത്തതിനെ തുടർന്ന് രണ്ടരമാസം മുൻപ് സെയ്​ഫുല്ലയെ തല്ലിയിരുന്നു. ഇതിനു പിന്നാലെ, അവൻ വീടു വിട്ട് പോയി. പിന്നെ എന്താണ് സംഭവിച്ചതെന്ന് ഞങ്ങൾക്ക് അറിയില്ല. സൗദിയിലേക്ക് പോകുന്നുവെന്നാണ് കഴിഞ്ഞ തിങ്കളാഴ്ച വിളിച്ചു പറഞ്ഞതെന്നും സർതാജ്​ വ്യക്​തമാക്കി.

ഉത്തര്‍പ്രദേശിലെ താകുര്‍ഗഞ്ചില്‍ വീട്ടില്‍ സുരക്ഷ സേനയുമായുള്ള 12 മണിക്കൂർ നീണ്ട ഏറ്റുമുട്ടലിനൊടുവിലാണ്​ സെയ്​ഫുല്ല കൊല്ലപ്പെട്ടത്​. പിസ്​റ്റൾ, റിവോൾവർ, കത്തി തുടങ്ങിയ ആയുധങ്ങളും വീട്ടിനുള്ളിൽ നിന്ന്​ കണ്ടെടുത്തിരുന്നു. അതേ സമയം സെയ്​ഫുല്ലയുടെ ​െഎ.എസ്​ ബന്ധം സ്ഥിരീകരിക്കുന്നതിനാവശ്യമായ തെളിവുകളൊന്നും ലഭിച്ചിട്ടില്ലെന്നാണ്​ റിപ്പോർട്ടുകൾ.