Begin typing your search above and press return to search.
exit_to_app
exit_to_app
Women stages dharna outside Husbands home with wedding dress
cancel
Homechevron_rightNewschevron_rightIndiachevron_rightവിവാഹവസ്​ത്രം ധരിച്ച്​ ...

വിവാഹവസ്​ത്രം ധരിച്ച്​ ഭർതൃവീടിന്​ മുന്നിൽ ഭാര്യയുടെ പ്രതിഷേധം

text_fields
bookmark_border

ഭുവനേശ്വർ: ഒഡീഷയിൽ വിവാഹവസ്​ത്രം ധരിച്ച്​ ഭർത്താവി​ന്‍റെ വീടിന്​ മുമ്പിൽ ഭാര്യയുടെ പ്രതിഷേധം. ബെർഹാംപുർ പ്രദേശത്താണ്​ സംഭവം.

ഒരുവർഷം മുമ്പ്​ നിയമപരമായി രജിസ്റ്റർ വിവാഹം കഴിച്ചവരാണ്​ ഡിംപിൾ ഡാഷും സുമീത്​ സാഹുവും. സുമീതിന്‍റെ കുടുംബം ഇരുവരുടെയും ബന്ധം അംഗീകരിക്കാൻ തയാറായിരുന്നില്ല. ഒരു വർഷത്തിന്​ ശേഷം ഇരുവരുടെയും വിവാഹം അടുത്ത ബന്ധുക്കളെ മാത്രം നടത്താൻ ആചാരപ്രകാരം നടത്താൻ വരന്‍റെ കുടുംബം തീരുമാനിക്കുകയായിരുന്നു.

തിങ്കളാഴ്ച ആചാര പ്രകാരം വിവാഹം കഴിക്കുന്നതിനായി ഡിംപിളും ബന്ധുക്കളും വിവാഹ വേദിയിലെത്തി. എന്നാൽ, അവിടെ സുമീതിന്‍റെ കുടുംബം എത്തിയില്ല. വിവാഹത്തിന്​ ആവശ്യമായ ഒരുക്കങ്ങളും അവിടെ നടത്തിയിരുന്നില്ല. ഇതോടെ ഡിംപിളും കുടുംബവും സുമീതിനെയും ബന്ധുക്കളെയും ഫോണിൽ ബന്ധപ്പെടാൻ ശ്രമിച്ചു. എന്നാൽ യാതൊരു പ്രതികരണവും വരന്‍റെയും കുടുംബത്തിന്‍റെയും ഭാഗത്തുനിന്ന്​ ഉണ്ടായില്ല. ഇതോടെ ഡിംപിളും മാതാവും സുമീതിന്‍റെ വീട്ടിലെത്തുകയും മുറ്റത്ത്​ ധർണ നടത്തുകയുമായിരുന്നു.

'2020 സെപ്​റ്റംബർ ഏഴിനായിരുന്നു ഞങ്ങളുടെ രജിസ്റ്റർ വിവാഹം. അന്നുമുതൽ ഭർതൃമാതാപിതാക്കൾ എന്നെ ഉപദ്രവിക്കുമായിരുന്നു. ഒരിക്കൽ മുകളിലെ മുറിയിൽ പൂട്ടിയിടുകയും ചെയ്​തു. നേരത്തേ, ഭർത്താവ്​ എന്നെ പിന്തുണച്ചിരുന്നു. എന്നാൽ ദിവസങ്ങൾ കഴിഞ്ഞതോടെ അദ്ദേഹവും കുടുംബത്തിനൊപ്പം ചേർന്നു. തുടർന്ന്​ മഹിള പൊലീസ്​ സ്​റ്റേഷനിൽ പരാതി നൽകി. ഇതോടെ ഭർതൃപിതാവ്​ വീട്ടിലെത്തി എല്ലാം മറക്കണമെന്നും ഹിന്ദു ആചാരപ്രകാരം വിവാഹം നടത്താമെന്നും അറിയിക്കുകയായിരുന്നു' -ഡിംപിൾ പറയുന്നു.

നവംബർ 22നാണ്​ വിവാഹം നിശ്ചയിച്ചിരുന്നത്​. ഭർത്താവ്​ മണ്ഡപത്തിൽ വരാത്തതിനാൽ വീട്ടിലെത്തി ഞങ്ങൾ ധർണ നടത്താൻ നിർബന്ധിതരാകുകയായിരുന്നു -ഡിംപിൾ കൂട്ടിച്ചേർത്തു.

മകളെ നിരന്തരം ലൈംഗികമായി ചൂഷണം ചെയ്​തെന്ന്​ ഡിംപിളിന്‍റെ മാതാവ്​ പറഞ്ഞു. അ​േതസമയം സുമീതിന്‍റെ കുടുംബം പ്രതികരിക്കാൻ തയാറായില്ല.

വീടിന്​ മുമ്പിൽ യുവതിയു​ം മാതാവും പ്രതിഷേധം ആരംഭിച്ചതോടെ പൊലീസ്​ സ്​ഥല​ത്തെത്തി. നേരത്തേ, മഹിള പൊലീസ്​ സ്​റ്റേഷനിൽ ഇരുവരുടെയും വിവാഹബന്ധത്തെചൊല്ലി തർക്കമുണ്ടായിരുന്നുവെന്ന്​ ബെർഹംപൂർ പൊലീസ്​ സുപ്രണ്ട്​ പിനക്​ മിശ്ര പറഞ്ഞു.

'എഫ്​.ഐ.ആറിൽ സൂചിപ്പിച്ചിരിക്കുന്നവർക്ക്​ നേരത്തേതന്നെ നോട്ടീസ്​ അയച്ചിരുന്നു. പിന്നീട്​ വരന്‍റെ വീട്ടുകാർ വധുവിന്‍റെ കുടുംബത്തിനെതിരെ പരാതി നൽകിയിരുന്നു. കോടതിയിൽ കേസുകളിൽ കുറ്റപത്രം സമർപ്പിക്കുകയും ചെയ്​തു' -പിനക്​ മി​ശ്ര പറഞ്ഞു. അതേസമയം സുമീതിന്‍റെയും കുടുംബത്തിന്‍റെയും അടുത്തുനിന്ന്​ പൊലീസ്​ കൈക്കൂലി വാങ്ങിയാണ്​ പ്രവർത്തിക്കുന്നതെന്ന്​ വധുവിന്‍റെ മാതാവ്​ ആരോപിച്ചു.

Show Full Article
TAGS:Wedding Bride 
News Summary - Women stages dharna outside Husbands home with wedding dress
Next Story