വടിയെടുത്ത്​ കാവൽനിന്ന്​ സ്​ത്രീകൾ; കോവിഡിന്​​​ കടന്നുചെല്ലാനാവാതെ ഒരു ഗ്രാമം

ഭോപ്പാൽ: രാജ്യം കോവിഡ്​ രണ്ടാം തരംഗത്തിന്​ മുന്നിൽ ശ്വാസം കിട്ടാതെ പിടഞ്ഞുവീഴ​ു​േമ്പാൾ, ​ഒരൊറ്റ രോഗികൾ പോലുമില്ലാതെ ഇവിടെയൊരു ഗ്രാമമുണ്ട്​. മധ്യപ്രദേശിലെ ബെതുലിനോട്​ ചേർന്ന ചിക്കലാർ ഗ്രാമമാണ്​ ഇന്ന്​ ദേശീയ ​ശ്രദ്ധയാകർഷിക്കുന്നത്​. അഞ്ച്​ ലക്ഷത്തിലധികം കോവിഡ്​ കേസുകളാണ്​ സംസ്​ഥാനത്ത്​ ഇതുവരെ റിപ്പോർട്ട്​ ചെയ്തത്​. ഇതിൽ ഒന്നുപോലും ഇൗ ഗ്രാമത്തിൽനിന്നല്ല.

ഇതി​െൻറ എല്ലാ അംഗീകാരവും നൽകുന്നത്​ ഇവിടത്തെ സ്​ത്രീകൾക്കാണ്​. പുറത്തുനിന്ന്​ ആരെയും ഇവർ ഗ്രാമത്തിലേക്ക്​ പ്രവേശിപ്പിക്കുന്നില്ല. ലോക്​ഡൗണിന്​ സമാനമായ നിയന്ത്രണങ്ങളാണ്​ ഏർപ്പെടുത്തിയിരിക്കുന്നത്​. ഇതുവഴി ​കൊറോണ വൈറസിൽനിന്ന്​ ഗ്രാമത്തെ സുരക്ഷിതമാക്കാൻ ഇവർക്ക്​ കഴിഞ്ഞു.

വ്യാജ മദ്യവിൽപ്പനയിലൂടെ കുപ്രസിദ്ധിയാർജിച്ച നാടാണ്​ ചിക്കലാർ. എന്നാൽ, സ്​ത്രീകൾ മുൻകൈയെടുത്ത്​ തുടങ്ങിയ നിയന്ത്രണങ്ങൾ ഇവരെ പ്രശസ്​തിയിലെത്തിച്ചിരിക്കുന്നു. സാരി ധരിച്ച സ്​ത്രീകൾ കൈയിൽ വടിയുമേന്തി ഗ്രാമത്തിന്​ കാവൽ നിൽക്കുന്ന ചിത്രങ്ങൾ സമൂഹ മാധ്യമങ്ങളിൽ വൈറലാണ്​.

പുറത്തുനിന്നുള്ളവരുടെ പ്രവേശനം നിരോധിക്കാൻ റോഡുകൾ മുളകൊണ്ട് കെട്ടി​ അടച്ചിട്ടുണ്ട്​. ഇതിന്​ സമീപം മുന്നറിയിപ്പുമായി ഒരു പോസ്റ്ററും സ്​ഥാപിച്ചത്​ കാണാം. ഗ്രാമത്തിന് സമീപം കടന്നുപോകുന്ന സംസ്ഥാനപാതയിലൂടെ വരുന്നവരെയും ഇവർ നിരീക്ഷിക്കുന്നുണ്ട്.

സ്വന്തം ഗ്രാമത്തിലുള്ളവർ അലക്ഷ്യമായി ചുറ്റിക്കറങ്ങിയാലും ഇവരുടെ കൈവശമുള്ള വടിയുടെ ചൂടറിയും. നാട്ടുകാർക്ക്​​ പുറത്തുപോകാനും വിലക്കുണ്ട്​. പുറമെ നിന്നുള്ള ആവശ്യമായ ജോലികൾക്കായി രണ്ട് യുവാക്കളെ ഇവർ നിയമിച്ചിരിക്കുകയാണ്​​.

തങ്ങളുടെ ഗ്രാമത്തെ ​ൈവറസിൽനിന്ന്​ രക്ഷിക്കാനാണ്​ ഇത്തരം കടുത്ത തീരുമാനം എടുത്തതെന്ന്​ സ്​ത്രീകൾ പറയുന്നു. തങ്ങളുടെ കഠിനാധ്വാനവും അർപ്പണബോധവും ലക്ഷ്യം കാണുന്നുണ്ടെന്ന ആശ്വാസത്തിലാണ്​ ഇവർ.