Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightമുംബൈയിൽ വനിതാ...

മുംബൈയിൽ വനിതാ ​ഒാ​േട്ടാ ഡ്രൈവർമാർക്കെതിരെ ലൈംഗികാധിക്ഷേപമെന്ന്​ പരാതി

text_fields
bookmark_border
മുംബൈയിൽ വനിതാ ​ഒാ​േട്ടാ ഡ്രൈവർമാർക്കെതിരെ ലൈംഗികാധിക്ഷേപമെന്ന്​ പരാതി
cancel

താനെ: മുംബൈയിൽ ​വനിതാ ഒ​േട്ടാഡ്രൈവർമാർക്കെതിരെ ലൈംഗികാധിക്ഷേപമെന്ന്​ പരാതി. താനെയിലെ തെരുവകളിൽ ഒാ​േട്ടാറിക്ഷ ഒാടിക്കുന്ന വനിതകൾക്കെതിരെ പുരുഷ ഡ്രൈവർമാർ അസഭ്യവർഷം നടത്തുന്നതായാണ്​ പരാതി. സർക്കാർ പദ്ധതി പ്രകാരം അനുവദിച്ച റിക്ഷ ഒാടിക്കുന്ന മനീഷ രവീന്ദ്ര കോഹ്​ലിയാണ്​ തങ്ങൾക്കെതിരെ സഹപ്രവർത്തകർ ലൈംഗികാധിക്ഷേപം നടത്തുന്നുവെന്ന പരാതിയുമായി പൊലീസിനെ സമീപിച്ചിരിക്കുന്നത്​.

നഗരത്തിൽ അഞ്ചു ശതമാനം റിക്ഷ സർവീസുകൾ വനിതകൾക്കായി സംവരണം ചെയ്​തിട്ടുണ്ട്​. ഇതു പ്രകാരം 150 ഒാളം വനിതകളാണ്​ ഒ​േട്ടാറിക്ഷ ഒാടിക്കുന്നത്​.  താനെയിലെ റെയിൽ വേ സ്​റ്റേഷനു മുന്നിൽ സ്​ത്രീകൾക്കായി വനിതാ റിക്ഷാ സ്​റ്റാൻഡും അനുവദിച്ചിട്ടുണ്ട്​. എന്നാൽ നിരത്തിലിറങ്ങു​േമ്പാൾ പുരുഷൻമാരായ സഹപ്രവർത്തകർ നിരന്തരം അസഭ്യവാക്കുകളുപയോഗിക്കുകയും മനോവീര്യം കെടുത്തുന്ന വിധത്തിൽ പരിഹസിക്കുകയും ചെയ്യുകയാണെന്ന്​ 32 കാരിയായ മനീഷ പരാതിപ്പെടുന്നു​.  ‘‘നിങ്ങൾക്ക്​ ബിസിനസ്​ ചെയ്യണമെങ്കിൽ, വേശ്യകൾ പോകുന്നിടത്തേക്ക്​ പൊയ്​ക്കൊള്ളുക’’ എന്നതാണ്​ സ്ഥിരം അധിക്ഷേപം. യാത്രക്കാരുമായി പോകു​േമ്പാഴും പുരുഷൻമാർ ഇത്തരത്തിൽ അസഭ്യവാക്കുകൾ പറയാറുണ്ടെന്ന്​ മനീഷ പരാതിയിൽ വ്യക്തമാക്കുന്നു.

‘‘തങ്ങൾക്ക്​​ പേടിയോടെ ഒാ​േട്ടാ ഒാടിക്കേണ്ട സാഹചര്യമാണുള്ളത്​. പുരുഷൻമാർ പേടിയില്ലാതെ ജോലി ചെയ്യു​േമ്പാൾ , സ്​ത്രീകൾ ഭയത്തോടെ അതേ ജോലി ചെയ്യേണ്ടി വരുന്നത്​ എന്തുകൊണ്ടാണ്​? വനിതകൾ വിമാനം വരെ ഒാടിക്കുന്ന കാലത്ത്​ ഞങ്ങൾ ജീവിതമാർഗത്തിനായി ഒ​േട്ടാറിക്ഷ ഒാടിക്കുന്നതിനെ അധിക്ഷേപിക്കേണ്ടതുണ്ടോ’’യെന്നും മനീഷ ചോദിക്കുന്നു.

നിരന്തരം അപമാനിക്കുന്നതിനെതിരെ മനീഷയുൾപ്പെടെ ആറു വനിതാ ഡ്രൈവർമാർ പൊലീസിൽ കേസ്​ ഫയൽ ചെയ്​തിട്ടുണ്ട്​.

അടുത്തിടെയായി മുബൈയിലും താനെയിലുമായി 465 വനിതകൾക്കാണ്​ ലൈസൻസ്​ അനുവദിച്ചിരിക്കുന്നത്​. വനിതാ റിക്ഷാ ടാക്​സിയിൽ സ്​ത്രീകൾക്കും പുരുഷൻമാർക്കും യാത്രചെയ്യാവുന്നതാണ്​. വനിതകൾക്ക്​ യൂനിഫോമായി വെളുത്ത കോട്ടാണ്​ അനുവദിച്ചിരിക്കുന്നത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Mumbai Newsthane
News Summary - For Women Auto Drivers Near Mumbai, Sexual Slurs, Abuse
Next Story