റോഡ് ഷോയ്ക്കിടെ മമതക്ക് നേരെ ആക്രമണശ്രമം

കൊൽക്കത്ത: തെരഞ്ഞെടുപ്പ്​ പ്രചാരണ റാലിക്കി​െട പശ്ചിമ ബംഗാള്‍ മുഖ്യമന്ത്രി മമത ബാനര്‍ജിക്ക് നേരെ ആക്രമണശ്രമം നടന്നു. ദം ദം മണ്ഡലത്തിൽ മമതയുടെ റോഡ് ഷോയ്ക്കിടെയാണ് ആക്രമണ ശ്രമമുണ്ടായത്​​.

റോഡ് ഷോയ്ക്കിടെ ഒരു സ്​ത്രീ മമതയുടെ കൈകളില്‍ കടന്ന് പിടിച്ച് വലിച്ചിടാൻ ശ്രമിക്കുകയായിരുന്നുവെന്ന്​ അധികൃതര്‍ പറഞ്ഞു.

സുരക്ഷാ ജീവനക്കാരുടെ അവസരോചിതമായ ഇടപെടൽ കാരണം മമതയെ പരിക്കേല്‍ക്കാതെ രക്ഷപെടുത്താൻ സാധിച്ചു. സംഭവത്തിന് പിന്നില്‍ ബി.ജെ.പിയാണെന്ന് തൃണമൂല്‍ കോണ്‍ഗ്രസ് ആരോപിച്ചു.