Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightയു.പിയിൽ 60 കാരിക്ക്​...

യു.പിയിൽ 60 കാരിക്ക്​ ​നേരെ നിറയൊഴിച്ചത്​ പത്തുതവണ; മകനെയും കൊലപ്പെടുത്തി- വിഡിയോ

text_fields
bookmark_border
യു.പിയിൽ 60 കാരിക്ക്​ ​നേരെ നിറയൊഴിച്ചത്​  പത്തുതവണ; മകനെയും കൊലപ്പെടുത്തി- വിഡിയോ
cancel

ലഖ്​നോ: ഉത്തർപ്രദേശിലെ മീററ്റിൽ വൃദ്ധയെയും മകനെയും വെടിവെച്ചു കൊലപ്പെടുത്തി. നിചേതാർ കൗർ(60), മകൻ ബൽവീന്ദർ എന്നിവരാണ്​ കൊല്ലപ്പെട്ടത്​. വീട്ടിൽ അതിക്രമിച്ചെത്തിയ മൂന്നംഗ അക്രമി സംഘം വൃദ്ധയുടെ നെഞ്ചിലേക്കും മുഖത്തും പത്തു തവണ വെടിയുതിർക്കുന്നതി​​​​​െൻറ സി.സി ടിവി ദൃശ്യം പൊലീസിന്​ ലഭിച്ചു. ഇവരുടെ മകനെ കാറിനുള്ളിൽ വെടിയേറ്റു മരിച്ച നിലയിലും കണ്ടെത്തി.

ബുധനാഴ്​ചയാണ്​ സംഭവം നടന്നത്​. വീടിന്​ പുറത്തെ തൊട്ടടുത്ത കട്ടിലുകളിലായി നിചേതാർ കൗറും മറ്റൊരു സ്​ത്രീയും ഇരിക്കുന്നത്​ ദൃശ്യങ്ങളിൽ കാണാം. ഇതിനിടെ ഒരാൾ എത്തി നാടൻ പിസ്​റ്റൽ ഉപയോഗിച്ച്​​ നിചേതാർ കൗറി​​​​​െൻറ നെഞ്ചിലേക്ക്​ വെടിയുതിർക്കുകയായിരുന്നു. ​തോക്കുമായി രണ്ടുപേർ കൂടി എത്തുകയും കട്ടിലിന്​ സമീപത്തുണ്ടായിരുന്ന സ്​ത്രീക്ക്​ നേരെ തോക്കു ചൂണ്ടി അവിടെ നിന്നും ഒാടി പോകാൻ ആവശ്യപ്പെടുകയും ചെയ്യുന്നതി​​​​​െൻറ ദൃശ്യങ്ങളുമുണ്ട്​.

വെടിയേറ്റ്​ കട്ടിലിൽ വീണ നിചേതാർ കൗറിനു നേരെ പിസ്​റ്റൽ റീലോഡ്​ ചെയ്​ത്​ അക്രമി ആറു തവണ നിറയൊഴിച്ചു. മരണം സ്ഥിരീകരിക്കാൻ ഒപ്പമുണ്ടായിരുന്ന രണ്ടുപേർ വൃദ്ധയുടെ മുഖത്തേക്കും നെറ്റിയിലേക്കും വെടിയുതിർക്കുന്നതും വീടിനു പുറത്തുവെച്ച സി.സി.ടിവി കാമറയിൽ പതിഞ്ഞിട്ടുണ്ട്​.

അക്രമികൾ മൂന്നുപേരും തൂവാലകൊണ്ട്​ മുഖം മറച്ചിരുന്നു. നിചേതാറി​​​​​െൻറ ഭർത്താവിനെ കൊലപ്പെടുത്തിയ കേസിൽ ഇന്ന്​ സാക്ഷി പറയാൻ കോടതിയിൽ ഹാജരാകാനിരിക്കെയാണ്​ കൊല നടന്നത്​. 2016 ലാണ്​ ഭൂമി തർക്കത്തിനിടെ നിചേതാറി​​​​​െൻറ ഭർത്താവ്​ കൊല്ലപ്പെട്ടത്​. സംഭവത്തിൽ ബന്ധുക്കളായ ചിലർ ജയിലിൽ കഴിയുകയാണ്​.

നിചേതാറി​​​​​െൻറയും മക​​​​​െൻറയും സുരക്ഷ ഉറപ്പാക്കാതിരുന്ന സംഭവത്തിൽ അഞ്ച്​ പൊലീസുകാരെ സസ്​പെൻഡ്​ ചെയ്​തു. പ്രതികളിലൊരാളെ പിടികൂടിയതായും സൂചനയുണ്ട്​.

Show Full Article
TAGS:uttar pradesh meerut india news malayalam news 
News Summary - Woman Shot 10 Times In Face, Chest In UP's Meerut. Son Killed- India news
Next Story