Begin typing your search above and press return to search.
proflie-avatar
Login
exit_to_app
exit_to_app
കോവിഡ്​ ബാധിച്ച്​ മരിച്ചു, സംസ്​കാരവും കഴിഞ്ഞു- 18ാം നാൾ ഗിരിജാമ്മ ജീവനോടെ തിരിച്ചെത്തി
cancel
Homechevron_rightNewschevron_rightIndiachevron_rightകോവിഡ്​ ബാധിച്ച്​...

കോവിഡ്​ ബാധിച്ച്​ 'മരിച്ചു', സംസ്​കാരവും കഴിഞ്ഞു- 18ാം നാൾ ഗിരിജാമ്മ ജീവനോടെ തിരിച്ചെത്തി

text_fields
bookmark_border

ഹൈദരാബാദ്​: ആന്ധ്രപ്രദേശിലെ വിജയവാഡയിൽ ആശുപത്രി കിടക്കയിൽ മരണത്തോടു മല്ലിട്ടുകിടന്ന 70കാരി ഒരുനാൾ മരിച്ചെന്നറിയിച്ച അധികൃതർ കോവിഡ്​ മാനദണ്​ഡം പാലിച്ച്​ പ്രത്യേകമായി പൊതിഞ്ഞുകെട്ടി നൽകിയ മൃതദേഹം ദുഃഖത്തോടെയെങ്കിലും കുടുംബം സംസ്​കരിച്ചതായിരുന്നു. രണ്ടാഴ്ച കഴിഞ്ഞ്​ മരണാനന്തര ചടങ്ങും നടത്തി. അതറിഞ്ഞാണാവോ ആവോ, പിറ്റേന്ന്​ 'മരിച്ച' മുത്തശ്ശി നേരിട്ട്​ വിട്ടിൽ തിരികെയെത്തി.

ആന്ധ്രയിലെ കൃഷ്​ണ ജില്ലയിൽ ജഗയ്യപേട്ട്​ മണ്ഡലിലെ ക്രിസ്​ത്യൻ പേട്ടിലാണ്​ സംഭവം. ഗിരിജാമ്മയെ മേയ്​ 12നാണ്​ കോവിഡ്​ ബാധയെ തുടർന്ന്​ ആശുപത്രിയിൽ പ്രവേശിപ്പിച്ചത്​. ഭർത്താവ്​ ഗദ്ദയ്യ എല്ലാ ദിവസവും ഇവരെ ആശുപത്രിയിൽ സ​ന്ദർശിക്കും. മേയ്​ 15ന്​ എത്തിയപ്പോൾ അവരെ ബെഡിൽ കാണാതെ വന്നതോടെ തിരച്ചിൽ ഊർജിതമാക്കി. എന്നിട്ടും, ഫലമില്ലാതായപ്പോൾ നഴ്​സുമാർ മരിച്ചതാകാമെന്ന്​ ഉറപ്പിച്ചു.

സ്വന്തം ഭാര്യയുടെതെന്ന പേരിൽ ആശുപത്രി മോർച്ചറിയിൽനിന്ന്​ പൊതിഞ്ഞുകെട്ടിയ മൃതദേഹവും കൈമാറി. ഏറ്റുവാങ്ങി ഗ്രാമത്തിലെത്തിച്ച്​ ചടങ്ങുകൾ പൂർത്തിയാക്കി അന്നുതന്നെ സംസ്​കാരവും നടത്തി. ദിവസങ്ങൾ കഴിഞ്ഞ്​ മേയ്​ 23ന്​ മകൻ മുത്തയ്യയും മരിച്ചതായി ആശുപത്രി അധികൃതർ അറിയിച്ചു. ഖമ്മാം ജില്ലാ ആശുപത്രിയിലായിരുന്നു മകനുണ്ടായിരുന്നത്​. ഗിരിജാമ്മയുടെയും മുത്തയ്യയുടെയും മരണാനന്തര ചടങ്ങുകൾ ജൂൺ ഒന്നിനാണ്​ ഒന്നിച്ച്​ നടത്തിയത്​. ഇതിനു പിറ്റേന്നാണ്​ കഥയിലെ ട്വിസ്റ്റ്​.

ഗിരിജാമ്മ ആരോഗ്യവതിയായി വീട്ടിൽ തിരികെയെത്തി. രോഗം മാറി എല്ലാം ശരിയായിട്ടും തന്നെ കൂട്ടാൻ എന്തേ ആരും വരാതിരുന്നത്​ എന്നായിരുന്നു അവരുടെ പരിഭവം. കുടുംബമാക​ട്ടെ, എല്ലാം സ്വപ്​നത്തി​ലെന്ന പോലെ കഴിഞ്ഞതൊക്കെയും മറക്കാനുള്ള പെടാപാടിലും.

ആരും വരാത്തതിനാൽ സ്വയം പോരേണ്ടിവന്ന​ുവെന്നും ആശുപത്രിക്കാർ 3,000 രൂപ ഏൽപിച്ചെന്നുമായിരുന്നു ഗിരിജാമ്മക്ക്​ പറയാനുണ്ടായിരുന്നത്​.

ആശുപത്രി അധികൃതർ കൈമാറിയ മൃതദേഹം കോവിഡ്​ ബാധ ഭയന്ന്​ തുറന്നുനോക്കാത്തത്​​ വില്ലനായെന്ന്​ കുടുംബവും ഗ്രാമവാസികളും പറയുന്നു. ആശുപത്രിയുടെ ഭാഗത്തുനിന്നുണ്ടായ വൻ വീഴ്​ചക്കെതിരെ കേസ്​ എടുത്തതായി പൊലീസ്​ അറിയിച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:CovidAndhra FamilyCorpse returns
News Summary - Woman Returns Home 18 Days After Andhra Family Buries Body In Covid Wraps
Next Story