Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightനവജാത ശിശ​ുവുമായി...

നവജാത ശിശ​ുവുമായി അമേരിക്കയിൽ: ദീപികക്ക്​ സഹായഹസ്​തവുമായി സുഷമ സ്വരാജ്​

text_fields
bookmark_border
നവജാത ശിശ​ുവുമായി അമേരിക്കയിൽ: ദീപികക്ക്​ സഹായഹസ്​തവുമായി സുഷമ സ്വരാജ്​
cancel

ന്യൂഡൽഹി: ഭർത്താവ്​ മരിച്ച ശേഷം നവജാതശിശുവുമായി അമേരിക്കയിൽ കുടുങ്ങിയ യുവതിക്ക്​ സഹായങ്ങൾ ഉറപ്പുവരുത്തുമെന്ന്​ വിദേശകാര്യമന്ത്രി സുഷമസ്വരാജ്​. ഉത്തർപ്രദേശ്​ സ്വദേശി ദീപിക പാണ്ഡെയാണ്​ ഒരാഴ്​ച പ്രായമുള്ള  കുഞ്ഞുമായി ന്യൂജേഴ്​സിയിൽ താമസിക്കുന്നത്​.  ഒക്​ടോബർ 19 നാണ്​ ദീപികയുടെ ഭർത്താവ്​ ഹരിഒാം പാണ്ഡെ ഹൃദയാഘാതം മൂലം മരണപ്പെട്ടത്​. ഹരിഒാം ബോസ്​റ്റണിൽ സോഫ്​റ്റ്​ വെയർ എഞ്ചിനിയറായി ജോലി ചെയ്യുകയായിരുന്നു.  

ഹരിഒാമി​​െൻറ മരണത്തെ തുടർന്ന്​ അദ്ദേഹത്തി​​െൻറ സുഹൃത്തുക്കൾ ഗർഭിണിയായ ദീപികയെയും നാലു വയസുള്ള മകനെയും ന്യൂജേഴ്​സിയിലേക്ക്​ കൊണ്ടുപോയി. ന്യൂജേഴ്​സിയിൽ വെച്ച്​ പെൺകുഞ്ഞിന്​ ജന്മം നൽകിയ ദീപിക ചികിത്സക്കുള്ള ഇൻഷുറൻസ്​ കിട്ടാതെ ബുദ്ധിമുട്ടി. ബോസ്​റ്റണിലുള്ള ഇൻഷുറൻസ്​ ന്യൂജേഴ്​സിയിൽ സാധുവല്ല. ദീപികക്ക്​ മെഡിക്കൻ ഇൻഷുറൻസ്​ ഉറപ്പുവരുത്തണമെന്നും എത്രയും പെട്ടന്ന്​ കുഞ്ഞിന്​ പാസ്​പോർട്ട്​ തരപ്പെടുത്തി അവരെ ഇന്ത്യയിലെത്തിക്കാൻ സഹായിക്കണമെന്നും അഭ്യർഥിച്ച്​ ദീപികയുടെ കുടുംബം വിദേശകാര്യമന്ത്രാലയത്തിന്​ കത്തെഴുതുകയായിരുന്നു.

അപ്രതീക്ഷിതമായി കുടുംബത്തിനുണ്ടായ ദു:ഖത്തിൽ പങ്കുചേരുന്നുവെന്നും ദീപികക്ക്​ വേണ്ട സഹായങ്ങൾ നൽകാൻ യു.എസിലെ ഇന്ത്യൻ എംബസിക്ക്​ നിർദേശം നൽകിയതായും സുഷമ സ്വരാജ്​ ട്വിറ്ററിലൂടെ അറിയിച്ചു. 

Show Full Article
TAGS:boston deepika sushama swaraj us 
News Summary - Woman, Newborn Stranded In US, Sushma Swaraj Offers Help
Next Story