You are here

ഛത്തീസ്​ഗഢിൽ ഏറ്റുമുട്ടൽ; വനിത മാവോയിസ്​റ്റ്​ കൊല്ലപ്പെട്ടു 

10:14 AM
20/01/2020

ബിലാസ്​പുർ: ഛത്തീസ്‍ഗഢിൽ സുരക്ഷാസേനയുമായുള്ള ഏറ്റുമുട്ടലില്‍ വനിത മാവോയിസ്​റ്റ്​ കൊല്ലപ്പെട്ടു. ബിജാപൂരിലെ വനമേഖലയിലാണ്​ ഏറ്റുമുട്ടലുണ്ടായത്​. പ്രദേശത്ത്​ സി.ആർ.പി.എഫും പൊലീസും സംയുക്തമായി തെരച്ചിൽ നടത്തുകയായിരുന്നു. തിങ്കളാഴ്​ച രാവിലെയാണ്​ മാവോയിസ്​റ്റ്​ യൂനിഫോം ധരിച്ച  സ്​ത്രീയുടെ മൃതദേഹം കണ്ടെടുത്തത്​. 

തീകൽഗുഡം, ബാസാഗുഡ ഗ്രാമങ്ങളിൽ മാവോയിസ്​റ്റുകൾ ഒളിച്ചിരിക്കുന്നുവെന്ന വിവരത്തെ തുടർന്ന്​ പ്രത്യേകസേനയായ കോബ്ര ഫോഴ്​സ​ും മറ്റ്​ സേനകളും ചേർന്ന്​ തെരച്ചിൽ നടത്തുകയായിരുന്നു. ഏറ്റുമുട്ടൽ നടന്ന പ്രദേശത്ത് സുരക്ഷാസേന തെരച്ചിൽ തുടരുകയാണ്.
 

Loading...
COMMENTS