വനിത മാവോവാദി ഉംഗി മദ്‍വി കീഴടങ്ങി

മൽക്കൻഗിരി (ഒഡിഷ): നിരവധി കേസുകളിൽ പ്രതിയായ വനിത മാവോവാദി ഒഡിഷ പൊലീസിന് മുന്നിൽ കീഴടങ്ങി. ഛത്തിസ്ഗഢിലെ സുക്മ ജില്ലയിൽനിന്നുള്ള സി.പി.ഐ -മാവോവാദി പ്രവർത്തക റോസ്നി എന്ന ഉംഗി മദ്‍വിയാണ് (20) കീഴടങ്ങിയത്.

ഇവരെ കണ്ടെത്തുന്നവർക്ക് പൊലീസ് ലക്ഷം രൂപ ഇനാം പ്രഖ്യാപിച്ചിരുന്നു. 2016ൽ പാർട്ടിയിൽ ചേർന്ന റോസ്നി മാവോവാദി ദണ്ഡകാരണ്യ കമ്മിറ്റിയുടെ ദർഭ ഡിവിഷൻ അംഗമായിരുന്നുവെന്ന് മൽക്കൻഗിരി എസ്.പി നിതേഷ് വാധ്വാനി മാധ്യമപ്രവർത്തകരോട് പറഞ്ഞു. ഒഡിഷയിൽ ഇവർക്കെതിരെ 48 കേസുകളുണ്ട്.