നാല്​ മക്കളുമായി അമ്മ കിണറ്റിൽ ചാടി; മൂന്ന്​ കുട്ടികൾ മരിച്ചു, അമ്മയെയും ഒരു മകളെയും രക്ഷപെടുത്തി

നാല്​ മക്കളെ കിണറ്റിലേക്ക്​ തള്ളിയിട്ട്​ അമ്മയും കിണറ്റിൽ ചാടി. മൂന്ന്​ കുട്ടികൾ മരിച്ചു. ഒരു പെൺകുട്ടിയെയും അമ്മയെയും രക്ഷപെടുത്തി. മധ്യപ്രദേശിലെ ബുർഹാൻപൂരിൽ ഞായറാഴ്ചയാണ്​ സംഭവം. വെള്ളത്തിൽ വീണതിനെത്തുടർന്ന് അമ്മയും മൂത്ത പെൺകുട്ടിയും കിണറ്റിൽ തൂങ്ങിക്കിടന്ന ഒരു കയറിൽ പിടിച്ച് രക്ഷപെടുകയായിരുന്നു.

18 മാസം പ്രായമുള്ള ആൺകുഞ്ഞും മൂന്ന്​ വസുള്ള രണ്ട്​ പെൺകുട്ടികളും ആണ്​ മരിച്ചത്​. ബുർഹാൻപൂർ ജില്ലാ ആസ്ഥാനത്തുനിന്നും 60 കിലോമീറ്റർ മാറി ബാൽഡി ഗ്രാമത്തിലാണ്​ സംഭവം. പ്രമീള ബിലാല എന്ന യുവതിയാണ്​ ഭർത്താവ്​ രമേശുമായി പിണങ്ങി കിണറ്റിൽ ചാടിയത്​. കുട്ടികളുടെ മൃതദേഹം കിണറ്റിൽനിന്നും എടുത്ത്​ പോസ്റ്റുമോർട്ടത്തിന്​ അയച്ചതായി പൊലീസ്​ അറിയിച്ചു.