ദൗസയിൽ യുവതിയെ കൂട്ടബലാത്സംഗം ചെയ്ത് കൊലപ്പെടുത്തി

ദൗസ: രാജസ്ഥാനിലെ ദൗസ ജില്ലയിൽ 35 കാരിയെ കൂട്ടബലാത്സംഗം ചെയ്ത് കൊലപ്പെടുത്തി. സംഭവത്തിൽ ഒരാളെ പൊലീസ് അറസ്റ്റ് ചെയ്തെന്നും മറ്റ് പ്രതികളെ പിടികൂടാനുള്ള ശ്രമം തുടരുകയാണെന്നും പൊലീസ് അറിയിച്ചു.

ഞായറാഴ്ച രാവിലെ ജയ്പൂരിൽ നിന്ന് മാതാപിതാക്കളുടെ ദൗസയിലെ വീട്ടിലേക്ക് ബസ് മാർഗമാണ് യുവതി എത്തിയത്. വീട്ടിലേക്ക് നടക്കുന്നതിനിടെ പ്രതികളുടെ കാറിൽ യുവതിക്ക് ലിഫ്റ്റ് നൽകുകയായിരുന്നെന്ന് പൊലീസ് പറഞ്ഞു.

എന്നാൽ പ്രതികൾ ചേർന്ന് യുവതിയെ മറ്റൊരു പ്രദേശത്തേക്ക് കൊണ്ട് പോയി കൂട്ടബലാത്സംഗത്തിന് ഇരയാക്കുകയായിരുന്നു. ശേഷം യുവതിയെ കൊലപ്പെടുത്തി മൃതദേഹം കിണറ്റിലേക്ക് വലിച്ചെറിഞ്ഞു. സി.സി.ടി.വി ദൃശ്യങ്ങളുടെ അടിസ്ഥാനത്തിൽ കുറ്റകൃത്യത്തിന് ഉപയോഗിച്ച കാർ തിരിച്ചറിഞ്ഞതായി പൊലീസ് അറിയിച്ചു.