യു.പിയിൽ 50കാരിയെ കൂട്ടബലാത്സംഗം ചെയ്​ത്​ കൊലപ്പെടുത്തി

ലഖ്​നോ: ഉത്തർപ്രദേശിൽ 50കാരിയെ ക്രൂരമായി കൂട്ടബലാത്സംഗം ചെയ്​ത്​ കൊലപ്പെടുത്തി. യു.പിയിലെ ബദായൂനിലാണ്​ സംഭവം. അംഗൻവാടി ജീവനക്കാരിയാണ്​ കൊല്ലപ്പെട്ടത്​. സ്ത്രീയുടെ സ്വകാര്യഭാഗങ്ങളിൽ പരിക്കേറ്റിട്ടുള്ളതായും കാലുകൾ ഒടിഞ്ഞിരുന്നുവെന്നും പോസ്റ്റ്​മോർട്ടം റിപ്പോർട്ടിൽ പറയുന്നു.

ജനുവരി മൂന്ന്​ ക്ഷേത്രത്തിലേക്ക്​ പുറപ്പെട്ട സ്​ത്രീ പിന്നീട്​ വീട്ടിലേക്ക്​ മടങ്ങിയെത്തിയില്ല. പിന്നീട്​ ക്ഷേത്രത്തിലെ പുരോഹിതനും മറ്റു രണ്ടു​േപർ കൂടി ചേർന്ന്​ സ്​ത്രീയുടെ മൃതദേഹം വീട്ടിലെത്തിക്കുകയായിരുന്നുവെന്ന്​ മകൻ പറഞ്ഞു. സംഭവത്തെപറ്റി ചോദിക്കാൻ തുടങ്ങുന്നതിന്​ മുമ്പ്​ അവർ വീട്ടിൽനിന്ന്​ പോയെന്നും അദ്ദേഹം പറഞ്ഞു.

എന്നാൽ, സ്​ത്രീ കിണറിൽ വീണിരുന്നുവെന്നും കരച്ചിൽ കേട്ട്​ മറ്റു രണ്ടുപേർ കൂടി രക്ഷപ്പെടുത്തിയെന്നാണ്​ പുരോഹിതന്‍റെ പ്രതികരണം. മറ്റു ബന്ധുക്കളാരും കൂടെയില്ലാതിരുന്നതിനാൽ സ്​ത്രീയെ വീട്ടിലെത്തിക്കുകയുമായിരു​ന്നുവെന്ന്​ പുരോഹിതൻ പറഞ്ഞു.

അതേസമയം പുരോഹിതനെതിരെ സ്​ത്രീയുടെ കുടുംബം രംഗത്തെത്തി. പുരോഹിതന്‍റെ നേതൃത്വത്തിൽ സ്​ത്രീയെ ബലാത്സംഗം ചെയ്​ത്​ കൊലപ്പെടുത്തുകയായിരുന്നുവെന്ന്​ കുടുംബം പറഞ്ഞു. സംഭവത്തിൽ പൊലീസ്​ എഫ്​.ഐ.ആർ രജിസ്റ്റർ ചെയ്യാൻ വൈകിപ്പിച്ചുവെന്നും കുടുംബം ആരോപിച്ചു.

പോസ്റ്റ​്​മോർട്ടം റിപ്പോർട്ടിൽ സ്​ത്രീ ബലാത്സംഗം ചെയ്യപ്പെട്ടതായി പറയുന്നുണ്ട്​. സ്വകാര്യഭാഗങ്ങളിൽ പരിക്കേൽക്കുകയും രണ്ടുകാലുകളും ഒടിയുകയും ചെയ്​തിട്ടുണ്ട്​. സംഭവത്തിൽ കൊലപാതകം, ബലാത്സംഗം എന്നീ കുറ്റങ്ങൾ ചുമത്തി പൊലീസ്​ കേസ്​ രജിസ്റ്റർ ചെയ്​തു. കേസിൽ രണ്ടുപേർ അറസ്റ്റിലായിട്ടുണ്ട്​. കേസിൽ വീഴ്ചവരുത്തിയ എസ്​.എച്ച്​.ഒയെ സസ്​പെൻഡ്​ ചെയ്യുകയും ചെയ്​തു.