വിവാഹമോചന ശേഷവും സ്ത്രീക്ക് ജീവനാംശത്തിന് അർഹതയുണ്ടെന്ന് ബോംബെ ഹൈകോടതി

മും​ബൈ: വി​വാ​ഹ മോ​ചി​ത​യാ​യാ​ലും ഗാ​ർ​ഹി​ക പീ​ഡ​ന നി​രോ​ധ​ന നി​യ​മ​പ്ര​കാ​രം സ്ത്രീ​ക്ക് ജീ​വ​നാം​ശ​ത്തി​ന് അ​ർ​ഹ​ത​യു​ണ്ടെ​ന്ന് ബോം​ബെ ഹൈ​കോ​ട​തി. വി​വാ​ഹ മോ​ചി​ത​യാ​യ ഭാ​ര്യ​ക്ക് പൊ​ലീ​സ് കോ​ൺ​സ്റ്റ​ബ്ൾ പ്ര​തി​മാ​സം ആ​റാ​യി​രം രൂ​പ ജീ​വ​നാം​ശം ന​ൽ​ക​ണ​മെ​ന്ന സെ​ഷ​ൻ​സ് കോ​ട​തി ഉ​ത്ത​ര​വ് ശ​രി​വെ​ച്ചാ​ണ് ഹൈ​കോ​ട​തി സിം​ഗ്ൾ ബെ​ഞ്ചി​ന്റെ ഉ​ത്ത​ര​വ്.

2013 മേ​യി​ലാ​ണ് ഇ​രു​വ​രും വി​വാ​ഹി​ത​രാ​യ​ത്. എ​ന്നാ​ൽ, ത​ർ​ക്ക​ത്തെ തു​ട​ർ​ന്ന് ജൂ​ലൈ മു​ത​ൽ വേ​ർ​പി​രി​ഞ്ഞ് താ​മ​സി​ക്കാ​ൻ തു​ട​ങ്ങി. പി​ന്നീ​ട് വി​വാ​ഹ​മോ​ച​നം ന​ട​ത്തി. വി​വാ​ഹ​മോ​ച​ന ന​ട​പ​ടി​ക്ര​മ​ങ്ങ​ൾ​ക്കി​ടെ യു​വ​തി ഗാ​ർ​ഹി​ക പീ​ഡ​ന നി​രോ​ധ​ന നി​യ​മ​പ്ര​കാ​രം ജീ​വ​നാം​ശം തേ​ടി കു​ടും​ബ കോ​ട​തി​യെ സ​മീ​പി​ക്കു​ക​യാ​യി​രു​ന്നു.

എ​ന്നാ​ൽ, കു​ടും​ബ​കോ​ട​തി ഹ​ര​ജി ത​ള്ളി. ഇ​തേ തു​ട​ർ​ന്നാ​ണ് ഇ​വ​ർ സെ​ഷ​ൻ​സ് കോ​ട​തി​യി​ൽ ഹ​ര​ജി ന​ൽ​കി​യ​ത്. വി​വാ​ഹ​ബ​ന്ധം നി​ല​വി​ലി​ല്ലാ​ത്ത​തി​നാ​ൽ ഗാ​ർ​ഹി​ക പീ​ഡ​ന നി​രോ​ധ​ന നി​യ​മ​ത്തി​ന്റെ അ​ടി​സ്ഥാ​ന​ത്തി​ൽ ജീ​വ​നാം​ശം ന​ൽ​കാ​ൻ ത​നി​ക്ക് ബാ​ധ്യ​ത​യി​ല്ലെ​ന്ന് ചൂ​ണ്ടി​ക്കാ​ട്ടി​യാ​ണ് സെ​ഷ​ൻ​സ് കോ​ട​തി വി​ധി​ക്കെ​തി​രെ ഹ​ര​ജി​ക്കാ​ര​ൻ ഹൈ​കോ​ട​തി​യെ സ​മീ​പി​ച്ച​ത്. വി​വാ​ഹ മോ​ച​ന സ​മ​യ​ത്തു​ത​ന്നെ താ​ൻ ജീ​വ​നാം​ശം മു​ഴു​വ​ൻ ന​ൽ​കി​യെ​ന്നും അ​ദ്ദേ​ഹം ഹ​ര​ജി​യി​ൽ വ്യ​ക്ത​മാ​ക്കി​യി​രു​ന്നു. എ​ന്നാ​ൽ, ഗാ​ർ​ഹി​ക പീ​ഡ​ന നി​രോ​ധ​ന നി​യ​മ​ത്തി​ന്റെ അ​ടി​സ്ഥാ​ന​ത്തി​ൽ താ​ൻ ജീ​വ​നാം​ശ​ത്തി​ന് അ​ർ​ഹ​യാ​ണെ​ന്നാ​ണ് സ്ത്രീ ​കോ​ട​തി​യി​ൽ വാ​ദി​ച്ച​ത്.