Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightവനിത പൊലീസി​െന...

വനിത പൊലീസി​െന ‘വധു’വാക്കി; ‘വരൻ’ ആവാ​െനത്തിയ പ്രതിയെ പിടിച്ച്​ പൊലീസ്​

text_fields
bookmark_border
വനിത പൊലീസി​െന ‘വധു’വാക്കി; ‘വരൻ’ ആവാ​െനത്തിയ പ്രതിയെ പിടിച്ച്​ പൊലീസ്​
cancel

ഭോപ്പാൽ: പ്രതികളെ പിടികൂടാൻ പൊലീസ്​ ഉദ്യോഗസ്ഥർ പല മാർഗങ്ങളും തേടാറുണ്ട്​. എന്നാൽ പല തവണ ശ്രമിച്ചിട്ടും പി ടികൂടാൻ സാധിക്കാതെ വന്ന ക്രിമിനലിനെ മധ്യപ്രദേശ്​ പൊലീസ്​ ഉപയോഗിച്ച മാർഗം അൽപം വ്യത്യസ്​തമായിരുന്നു. വനിത പൊലീസ്​ ഓഫീസറെകൊണ്ട്​ വിവാഹാലോചന മുന്നോട്ടുവെച്ചാണ്​ പ്രതിയെ പൊലീസ്​ കുരുക്കിയത്​.

ഉത്തർപ്രദേശില െ മഹോബ ജില്ലയിലെ ബിജൗരി സ്വദേശി ബാൽകിഷൻ ചൗബെ എന്ന ക്രിമിനലിനെയാണ്​ പൊലീസ്​ തന്ത്രപരമായി പിടികൂടിയത്​. ഇയാള ുടെ തലക്ക്​ 10,000 രൂപ ഇനാം പ്രഖ്യാപിച്ചിരുന്നു. മധ്യപ്രദേശിലെ നൗഗോണിൽ ആഗസ്​റ്റിൽ ഒരാളെ കൊലപ്പെടുത്തിയ കേസിൽ പ്രതിയാണ്​ ചൗബെ. കൊലക്കുറ്റം ഉൾപ്പെടെ 16 വ്യത്യസ്​ത കേസുകൾ ഇയാൾക്കെതിരെയുണ്ട്​.

പല തവണ പിടികൂടാൻ ശ്രമിച്ചെങ്കിലും ചൗബെ പൊലീസിനെ കബളിപ്പിച്ച്​ കടന്നു കളയുകയായിരുന്നു. അതിനിടെയാണ്​ ചൗബെ വിവാഹാലോചന നടത്തുന്നതായി പൊലീസിന്​ വിവരം ലഭിച്ചത്​. ഒടുവിൽ അതേ മാർഗം തന്നെ പ്രതിയെ പിടിക്കാൻ ഉപയോഗിക്കാൻ പൊലീസ്​ തീരുമാനിക്കുകയായിരുന്നു.

ത​ന്ത്രത്തി​​​െൻറ ഭാഗമായി പൊലീസ്​ ഡൽഹിയിൽ താമസിക്കുന്ന ബണ്ടൽഖണ്ട്​ സ്വദേശിനിയായ ഒരു വനിത തൊഴിലാളിയുടെ പേരിൽ പുതിയ ഒരു സിം കാർഡ്​ എടുത്തു. അതിൽ നിന്ന്​ വനിത എസ്​.ഐ ചൗബെയെ വിളിക്കുകയും തുടർന്ന്​ അബദ്ധത്തിൽ ഡയൽ ചെയ്​തതാണെന്ന്​ അറിയിക്കുകയും ചെയ്​തു. പൊലീസ്​ പ്രതീക്ഷിച്ചതുപോലെ തന്നെ തന്നോട്​ സംസാരിച്ച യുവതിയെ കുറിച്ചുള്ള കാര്യങ്ങൾ ബാൽകിഷൻ ചൗബെ അന്വേഷിക്കുകയും നമ്പറിനെ കുറിച്ച്​ അന്വേഷണം നടത്തുകയും ചെയ്​തു.

തുടർന്ന്​ ചൗബെ വനിത എസ്​.ഐയെ തിരികെ വിളിക്കുകയും ഇരുവരും ഏറെ നേരം സംസാരിക്കുകയും ചെയ്​തു. ചൗബെയുടെ മനം കവരാൻ വനിത എസ്​.ഐക്ക്​ അധികം കഷ്​ടപ്പെടേണ്ടി വന്നില്ല. ഒരാഴ്​ചക്കു ശേഷം വനിത എസ്​.ഐ നേരത്തേ തീരുമാനിച്ചുറപ്പിച്ചതനുസരിച്ച്​ ചൗ​ബെയോട്​ വിവാഹാലോചന നടത്തി.

ഒടുവിൽ ഇരുവരും പ്രദേശത്തെ ഒരു ക്ഷേത്രത്തിൽ വെച്ച്​ പരസ്​പരം കാണാമെന്ന്​ തീരുമാനിക്കുകയും ഇതനുസരിച്ച്​ ക്ഷേത്രത്തിലെത്തിയ ബാൽകിഷൻ ചൗബെയെ വനിത എസ്​.ഐ ഉൾപ്പെടെ യൂണിഫോം ഒഴിവാക്കി അവിടെ കാത്തു നിന്ന പൊലീസ്​ ഉദ്യോഗസ്ഥർ പിടികൂടുകയായിരുന്നു. ഇയാളെ കോടതി മുമ്പാകെ ഹാജരാക്കിയ ശേഷം ജയിലിലേക്കയച്ചു.

Show Full Article
TAGS:Woman Cop marriage proposal arrest india news malayalam news 
News Summary - Woman cop proposes marriage to wanted criminal, arrests him in temple -india news
Next Story