കൊൽക്കത്ത ഐ.ഐ.എം ബലാത്സംഗകേസ്: മകൾ പീഡനത്തിനിരയായിട്ടില്ല; ഓട്ടോയിൽ നിന്ന് വീണതാണെന്നും പിതാവ്

കൊൽക്കത്ത: ഐ.ഐ.എം ബലാത്സംഗകേസിൽ ​അതിജീവിതയുടെ പിതാവിന്റെ മൊഴി പുറത്ത്. ഓട്ടോറിക്ഷയിൽ നിന്ന് വീണാണ് മകൾക്ക് പരിക്കേറ്റതെന്ന് പിതാവ് പറഞ്ഞു. ഓട്ടോയിൽ നിന്ന്‍ വീണതിന് പിന്നാലെ മകൾ ബോധരഹിതയായെന്നും പൊലീസാണ് അവരെ എസ്.എസ്.കെ.എം ആശുപത്രിയിലെ ന്യൂറോളജി ഡിപ്പാർട്ട്മെന്റിൽ പ്രവേശിപ്പിക്കുകയായിരുന്നുവെന്നും പിതാവ് പറഞ്ഞു.

വെള്ളിയാഴ്ച രാത്രി ഒമ്പതരയോടെയാണ് മകൾ ആശുപത്രിയിലാണെന്ന വിവരം ലഭിച്ചത്. ലൈംഗികാതിക്രമത്തിന് ഇരയായിട്ടില്ലെന്നാണ് മകൾ തന്നോട് പറഞ്ഞത്. മകൾ പീഡനത്തിനിരയായെന്നും ഒരാളെ അറസ്റ്റ് ചെയ്തിട്ടുണ്ടെന്നുമാണ് പൊലീസ് പറഞ്ഞത്.

പൊലീസ് അറസ്റ്റ് ചെയ്ത ആളുമായി മകൾക്ക് ഒരു ബന്ധവുമില്ല. നിലവിലെ സാഹചര്യത്തിൽ എനിക്ക് മകളുമായി സംസാരിക്കാൻ സാധിച്ചിട്ടില്ല. അവൾ ഉറങ്ങുകയാണ്. മകളുമായി സംസാരിച്ചതിന് ശേഷം കൂടുതൽ പ്രതികരണം നടത്താമെന്നും അദ്ദേഹം പറഞ്ഞു. മകൾ ട്രോമയിലാണോയെന്ന ചോദ്യത്തിന് അവൾ പൂർണ്ണ ആരോഗ്യവതിയാണെന്നായിരുന്നു പിതാവിന്റെ മറുപടി.

ഇ​ന്ത്യ​ൻ ഇ​ൻ​സ്റ്റി​റ്റ്യൂ​ട്ട് ഓ​ഫ് മാ​നേ​ജ്‌​മെ​ന്റ് (ഐ.​ഐ.​എം) ക​ൽ​ക്ക​ത്ത കാ​മ്പ​സി​ലെ ര​ണ്ടാം വ​ർ​ഷ വി​ദ്യാ​ർ​ഥി ത​ന്നെ ബ​ലാ​ത്സം​ഗം ചെ​യ്ത​താ​യി വി​ദ്യാ​ർ​ഥി​നി​യു​ടെ പ​രാ​തി ഉന്നയിച്ചുവെന്നായിരുന്നു കഴിഞ്ഞ ദിവസം പുറത്തുവന്ന വാർത്തകൾ. പരാതിയെ തു​ട​ർ​ന്ന് ക​ർ​ണാ​ട​ക സ്വ​ദേ​ശി​യും ക്ലി​നി​ക്ക​ൽ സൈ​ക്കോ​ള​ജി​സ്റ്റു​മാ​യ യു​വാ​വി​നെ പൊ​ലീ​സ് അ​റ​സ്റ്റ് ചെ​യ്തിരുന്നു.

അ​ലി​പു​ർ കോ​ട​തി അ​ഡീ​ഷ​ന​ൽ ചീ​ഫ് ജു​ഡീ​ഷ്യ​ൽ മ​ജി​സ്‌​ട്രേ​റ്റ് ജൂ​ലൈ 19 വ​രെ പ്ര​തി​യെ പൊ​ലീ​സ് ക​സ്റ്റ​ഡി​യി​ൽ വി​ട്ടു. മ​റ്റൊ​രു സ്ഥാ​പ​ന​ത്തി​ലെ വി​ദ്യാ​ർ​ഥി​നി​യാ​ണ് പ​രാ​തി​ക്കാ​രി. ആ​ൺ​കു​ട്ടി​ക​ളു​ടെ ഹോ​സ്റ്റ​ലി​ൽ ഇ​ക്ക​ഴി​ഞ്ഞ വെ​ള്ളി​യാ​ഴ്ച​യാ​ണ് സം​ഭ​വം. കൗ​ൺ​സ​ലി​ങ് സെ​ഷ​ന്റെ മ​റ​വി​ൽ ആ​ൺ​കു​ട്ടി​ക​ളു​ടെ ഹോ​സ്റ്റ​ലി​ലേ​ക്ക് ത​ന്നെ എ​ത്തി​ച്ച​താ​യി പെ​ൺ​കു​ട്ടി പ​രാ​തി​യി​ൽ പ​റ​യു​ന്നു. അ​വി​ടെ എ​ത്തി​യ​പ്പോ​ൾ മ​യ​ക്കു​മ​രു​ന്ന് ക​ല​ർ​ത്തി​യ പി​സ്സ​യും വെ​ള്ള​വും ന​ൽ​കി. തു​ട​ർ​ന്ന് ബോ​ധം ന​ഷ്ട​പ്പെ​ട്ടു.

ബോ​ധം വീ​ണ്ടെ​ടു​ത്ത​പ്പോ​ൾ ബ​ലാ​ത്സം​ഗ​ത്തി​ന് ഇ​ര​യാ​യെ​ന്ന് തി​രി​ച്ച​റി​ഞ്ഞു. പു​റ​ത്തു​പ​റ​ഞ്ഞാ​ൽ ഗു​രു​ത​ര പ്ര​ത്യാ​ഘാ​ത​ങ്ങ​ൾ ഉ​ണ്ടാ​കു​മെ​ന്ന് ഭീ​ഷ​ണി​പ്പെ​ടു​ത്തി​യ​താ​യി പ​രാ​തി​യി​ൽ പ​റ​ഞ്ഞു. ഇ​രു​വ​രും ഓ​ൺ​ലൈ​നി​ൽ പ​രി​ച​യ​പ്പെ​ടു​ക​യും പി​ന്നീ​ട് നേ​രി​ൽ കാ​ണു​ക​യും ചെ​യ്തി​ട്ടു​ള്ള​താ​യി പൊ​ലീ​സ് പ​റ​ഞ്ഞു. സു​ഹൃ​ത്തി​നൊ​പ്പം പൊ​ലീ​സ് സ്റ്റേ​ഷ​നി​ൽ എ​ത്തി​യാ​ണ് വി​ദ്യാ​ർ​ഥി​നി പ​രാ​തി ന​ൽ​കി​യ​ത്.