കരുതിയത്​ ഇരട്ടകളെന്ന്​, ജനിച്ചത്​ ഏറ്റവും ഭാരം കൂടിയ രണ്ടാമത്തെ കുഞ്ഞ്​

21കാരിയായ ആംബർ കുംബർലാൻഡ്​ പത്തുമാസം കാത്തിരുന്നത്​ ഇരട്ടകുഞ്ഞുക്കൾക്ക്​ വേണ്ടിയായിരുന്നു. ​ആംബറിന്‍റെ വലിയ വയറായിരുന്നു അതിന്‍റെ പ്രധാന കാരണം. ഇരട്ടക്കുട്ടികളായതിനാലാകാം ഇത്രയും വലിയ വയ​െറന്ന്​ ആംബർ വിശ്വസിച്ചപ്പോൾ, എന്തോ ആശ്ചര്യം ഒളിഞ്ഞുകിടക്കുന്നുണ്ടെന്ന്​ ഡോക്​ടർമാർക്ക്​ അറിയാമായിരുന്നു.

ആംബറിന്‍റെ വയറ്റിൽ ഒരു കുട്ടി മാത്രമേയുള്ളുവെന്ന്​ അവർ പരിശോധനയിലൂടെ മനസിലാക്കിയിരുന്നു. ഡോക്​ടർമാർ വിശ്വസിച്ചതുപോലെ ഒരു സർപ്രൈസ്​ കൊണ്ടായിരുന്നു ഏപ്രിൽ 16ന്​ എമിലിയയുടെ വരവ്​. അതിനൊപ്പം ഒരു റെക്കോർഡും. 5.8 കിലോയായിരുന്നു എമിലിയയുടെ തൂക്കം. യു.കെയിൽ ഇതുവരെ ജനിച്ച കുഞ്ഞുങ്ങളിൽ ഏറ്റവും തൂക്കം കൂടിയ രണ്ടാമത്തെ കുഞ്ഞായി എമിലിയ മാറി. 2012ൽ ജനിച്ച ഒരു കുഞ്ഞിന്​ എമിലിയയെക്കാൾ രണ്ടു പൗണ്ടിന്‍റെ വ്യത്യാസം മാത്രം.

'പ്രസവം വരെ ഇരട്ടക്കുട്ടികളാണെന്നായിരുന്നു വിചാരം, അൾട്രസൗണ്ട്​സിൽ ഉൾപ്പെടെ എന്നാൽ ഒരു കുഞ്ഞിനെ മാത്രമാണ്​ കാണാൻ സാധിച്ചത്​. എന്നാൽ ഒരാൾ ഒളിഞ്ഞുകിടക്കുന്നുണ്ടെന്നായിരുന്നു ഞങ്ങളുടെ വിചാരം' -ആംബർ പറഞ്ഞു.

എവിടെപ്പോയാലും എന്‍റെ വയറിന്‍റെ വലിപ്പം കണ്ട്​ ആളുകൾ നോക്കുകയും കമന്‍റടിക്കുകയും ചെയ്യുമായിരുന്നു. പ്രസവത്തിന്​ ശേഷം എന്‍റെ ചുറ്റും കൂടും നിന്നവരെല്ലാം ചിരിച്ചു. ശേഷം അവർ പറഞ്ഞു 'ആശംസകൾ നിങ്ങൾക്കൊരു പിഞ്ചുകുഞ്ഞ്​ ജനിച്ചിരിക്കുന്നു' -ആംബർ പറഞ്ഞു.

36 ആഴ്ചകൾ കൊണ്ട്​ കുഞ്ഞിന്​ ഉണ്ടായിരിക്കേണ്ട ഭാരം 32ആഴ്​ചകൾകൊണ്ടുണ്ടായതായി റിപ്പോർട്ടുകൾ പറയുന്നു.