യു.പിയിൽ വീടിന്​ മുമ്പിൽ ഹോളി ആഘോഷം​ തടഞ്ഞ 60കാരിയെ അടിച്ചുകൊന്നു

ലഖ്​നോ: ഉത്തർപ്രദേശിൽ വീടിന്​ പുറത്ത്​ ഹോളി ആഘോഷിക്കുന്നത്​ തടഞ്ഞ 60കാരിയെ ആൾക്കൂട്ടം അടിച്ചുകൊന്നു. മേവട്ടി തോല പ്രദേശത്താണ്​ സംഭവം.

രാവിലെ 10 മണിയോടെ ഒരു സംഘം ആളുകൾ വീട്ടിലെത്തി മധ്യവയസ്​കയെ വടിയും കല്ലുകളും ഉപയോഗിച്ച്​ മർദിക്കുകയായിരുന്നു. 60കാരിയെ മർദ്ദിക്കുന്നത്​ തടയാനെത്തിയ കുടുംബാംഗങ്ങൾക്കും പരിക്കേറ്റു. രണ്ടു സ്​ത്രീകൾക്കും മൂന്ന്​ കുട്ടികൾക്കുമാണ്​ പരിക്കേറ്റതെന്നും അഡീഷനൽ സൂപ്രണ്ട്​ ഓഫ്​ പൊലീസ്​ പ്രശാന്ത്​ കുമാർ പ്രസാദ്​ പറഞ്ഞു.

ഹോളി ആഘോഷത്തിനിടെ മറ്റൊരു അനിഷ്​ട സംഭവവും പ്രദേശത്ത്​ റിപ്പോർട്ട്​ ​െചയ്​തു. ഏക്​ദിൽ പൊലീസ്​ സ്​റ്റേഷൻ പരിധിയിൽ യുവാവ്​ ​മദ്യപിച്ച്​ ട്രാക്​ടർ ഓടിച്ചുണ്ടായ അപകടത്തിൽ അഞ്ചുപേർക്ക്​ പരിക്കേൽക്കുകയായിരുന്നു. ആളുകളെ ഇടിച്ചതിന്​ ശേഷം വൈദ്യുത തൂണിലിടിച്ച ട്രാക്​ടർ പൂർണമായും തകർന്നു. പരിക്കേറ്റവരെ ആശുപത്രിയിലെത്തിക്കുകയും യുവാവിനെ നാട്ടുകാർ പിടികൂടി പൊലീസിന്​ കൈമാറുകയും ചെയ്​തു.