കാറിന്​ പോകാൻ വഴി ചോദിച്ച യുവതിക്ക്​ നേരെ ഡൽഹിയിൽ അജ്ഞാത​െൻറ ആക്രമണം

ന്യൂഡൽഹി: റോഡിൽ തടസം സൃഷ്​ടിച്ചയാളോട്​ കാർ മുന്നോ​ട്ടെടുക്കാൻ വഴി ആവശ്യപ്പെട്ട യുവതിക്ക്​ നേരെ ഡൽഹിയിൽ അ ജ്ഞാത​​െൻറ ആക്രമണം. ഡൽഹിയിലെ പോഷ്​ സൈനിക്​ ഫാംസ്​ മേഖലയിലാണ്​ സംഭവം.

റോഡിൽ തടസം സൃഷ്​ടിച്ച ആളോട്​ കാറി​​െൻറ വിൻഡോ ഗ്ലാസ്​ താഴ്​ത്തി, വഴി നൽകാൻ യുവതി​ ആവശ്യപ്പെടുകയായിരുന്നു. ഉടനെ അക്രമി യുവതിയോട്​ സഭ്യമല്ലാത്ത രീതിയിൽ ആക്രോശിക്കുകയും കാറിനുള്ളിലേക്ക്​ കൈയിട്ട്​ അവരുടെ മുഖത്ത്​ അടിക്കുകയുമായിരുന്നു. ഇതോടെ അലറി വിളിച്ച സ്​ത്രീ അടിയന്തര ഘട്ടത്തിൽ വിളിക്കേണ്ടതായ 100,102 സമ്പറുകളിൽ വിളിച്ചെങ്കിലും കിട്ടിയില്ല.

തുടർന്ന്​ പ്രാണരക്ഷാർത്ഥം വാഹനം വേഗത്തിൽ മുന്നോ​ട്ടെടുക്കുകയും സുരക്ഷാ ഉദ്യോഗസ്ഥരെ വിളിക്കുകയുമായിരുന്നു. സുരക്ഷാ ഉദ്യോഗസ്ഥർ എത്തിയപ്പോഴേക്കും അയാൾ അവിടെ നിന്ന്​ ഓടിരക്ഷപ്പെട്ടു. തുടർന്ന്​ സ്​ത്രീ സമീപത്തെ ലോക്കൽ പൊലീസ്​ സ്​റ്റേഷനിൽ എത്തി പരാതി നൽകി. വനിതാ ആർക്കിടെക്കായ യുവതി ജോലി കഴിഞ്ഞ്​ വീട്ടിലേക്ക്​ പോകുംവഴി ആയിരുന്നു സംഭവം.