മെഡിക്കൽ പ്രവേശനം ലഭിച്ചില്ല: ഭർത്താവ്​ ഭാര്യയെ കൊലപ്പെടുത്തി

ഹൈദരാബാദ്​: മെഡിക്കൽ പ്രവേശന പരീക്ഷയിൽ പരാജയപ്പെട്ട ഭാര്യയെ ഭർത്താവ്​ തീകൊളുത്തി കൊന്നു. ഹൈദരാബാദിലെ നഗോല ഏരിയയിലാണ്​ ഞായറാഴ്​ച രാത്രിയാണ്​ സംഭവം. ഹരിക(25)നെയാണ്​ ഭർത്താവ്​ റിഷി കുമാർ കൊലപ്പെടുതിയത്​. 
ഹരിക എം.ബി.ബി.എസ്​ പ്രവേശനം ലഭിക്കാത്തതിൽ മനംനൊന്ത്​ ആത്​മഹത്യ ചെയ്​താണെന്നാണ്​ ഭർത്താവ്​ പൊലീസിനെ അറിയിച്ചത്​. എന്നാൽ സംഭവ സ്ഥലം പരിശോധിച്ച പൊലീസ്​ ഉദ്യോഗസ്ഥർക്ക്​ കൊലപാതകമാണെന്ന സംശയം ഉയരുകയായിരുന്നുവെന്ന്​ എ.സി.പി വേണുഗോപാല റാവു പറഞ്ഞു. കഴിഞ്ഞ ദിവസം റിഷി കുമാറി​നെ പൊലീസ്​ അറസ്​റ്റു ചെയ്​തിരുന്നു. ഹരികയെ കഴുത്തു ഞെരിച്ച്​ കൊലപ്പെടുത്തിയ ശേഷം തീകൊളുത്തിയതാകാമെന്നാണ്​ പൊലീസ്​ പറഞ്ഞു. 

രണ്ട് വര്‍ഷത്തോളമായി റിഷി കുമാറി​​െൻറയും ഹരികയുടെയും വിവാഹം കഴിഞ്ഞിട്ട്. ഇതിനിടെ ഹരിക എം.ബി.ബി.എസ് പ്രവേശന പരീക്ഷ എഴുതിയെങ്കിലും സീറ്റ് ലഭിച്ചില്ല. ഇതിനെ ചൊല്ലി ഇരുവരും വഴക്കുണ്ടാകുമായിരുന്നുവെന്ന് ഹരികയുടെ സഹോദരി വെളിപ്പെടുത്തി. കൂടുതല്‍ സ്ത്രീധനം ആവശ്യപ്പെട്ടും ഹരികയെ ഭർതൃവീട്ടുകാർ മാനസികമായി പീഡിപ്പിച്ചിരുന്നുവെന്നും ഹരികയുടെ മാതാവ്​ നൽകിയ പരാതിയിൽ പറയുന്നു. യുവതിയുടെ രക്ഷിതാക്കളുടെ പരാതിയില്‍ റിഷി കുമാറി​​െൻറ മാതാപിതാക്കളെയും പൊലീസ്​ അറസ്റ്റ് ചെയ്തിട്ടുണ്ട്.