Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightബി.ജെ.പി നേതാവ്​...

ബി.ജെ.പി നേതാവ്​ പീഡിപ്പിച്ചു: വാർത്താസമ്മേളനത്തിനിടെ തലമുണ്ഡനം ചെയ്​ത്​ ദലിത്​ യുവതി

text_fields
bookmark_border
ബി.ജെ.പി നേതാവ്​ പീഡിപ്പിച്ചു: വാർത്താസമ്മേളനത്തിനിടെ തലമുണ്ഡനം ചെയ്​ത്​ ദലിത്​ യുവതി
cancel

ലഖ്​നോ: ബി.ജെ.പി നേതാവ്​ ബലാത്സംഗത്തിനിരയാക്കിയെന്നും നിരന്തരം ഭീഷണിപ്പെടുത്തിയെന്നും ആരോപിച്ചെത്തിയ ദലിത്​ യുവതി വാർത്താസമ്മേളനത്തിനിടെ തലമുണ്ഡനം ചെയ്​ത്​ പ്രതിഷേധിച്ചു. നീതി ലഭിച്ചില്ലെങ്കിൽ ആത്മഹത്യ ചെയ്യുമെന്നും ലഖ്​നോ സ്വദേശിയും അഭിഭാഷകയുമായ യുവതി പറഞ്ഞു.
ഉത്തർപ്രദേശിലെ ബി.​െജ.പി നേതാവായ സതീഷ്​ ശർമ്മ മൂന്നു വർഷത്തോളം തന്നെ ശാരീരികമായും മാനസികമായും പീഡിപ്പിച്ചുവെന്നാണ്​ യുവതിയുടെ ആരോപണം. ബലാത്സംഗം ചെയ്യുകയും ത​​​െൻറ അശ്ലീലചിത്രങ്ങൾ പകർത്തിയ ശേഷം അത്​ പുറത്തുവിടുമെന്ന്​ ഭീഷണിപ്പെടുത്തി നിരന്തരം പീഡിപ്പിച്ചതായും യുവതി പറഞ്ഞു. ​പീഡനത്തെ ചെറുത്തതിന്​ ത​​​െൻറ മുടി വെട്ടിക്കളഞ്ഞുവെന്നും കുടുംബത്തെ ഇല്ലാതാക്കുമെന്ന്​ ഭീഷണിപ്പെടുത്തിയെന്നും യുവതി ആരോപിച്ചു. 

നേതാവിനെതിരെ പരാതിയുമായി പൊലീസ്​ സ്​റ്റേഷനിലെത്തിയെങ്കിലും കേസെടുക്കാൻ അധികൃതർ തയറായില്ല. പ്രതിഷേധത്തെ തുടർന്ന്​ സതീഷ്​ ശർമ്മക്കെതിരെ കേസെടുത്തെങ്കിലും തുടർനടപടികളുണ്ടായില്ല. ശർമ്മക്കെതിരെ നടപടിയെടുത്തില്ലെങ്കിൽ ആത്മഹത്യ ചെയ്യുമെന്നും അവർ വ്യക്തമാക്കി.

അവാധ്​ ബാർ അസോസിയേഷനിൽ പരാതി നൽകിയെങ്കിലും നടപടിയുണ്ടായില്ല. പൊലീസിൽ പരാതിപ്പെട്ട ശേഷം ത​​​െൻറ കുടുംബത്തിന്​ വധഭീഷണിയുണ്ടായി. പണം നൽകി കേസ്​ ഒതുക്കാനും ശ്രമം നടന്നു. താൻ ദലിത്​ ആയതുകൊണ്ടാണ്​ അധികൃതരിൽ നിന്നും നീതി ലഭിക്കാത്തതെന്നും അവർ ആരോപിച്ചു.വാർത്താസമ്മേളനത്തിൽ തനിക്ക്​ നീതി ലഭിക്കണമെന്ന്​ പറഞ്ഞുകൊണ്ട്​ അവർ തലമുണ്ഡനം ചെയ്യുകയായിരുന്നു. 

ഉത്തർപ്രദേശിലെ ഉന്നാവോയിൽ പ്രായപൂർത്തിയാകാത്ത പെൺകുട്ടിയെ പീഡിപ്പിച്ച ബി.ജെ.പി  എം.എൽ.എ കുൽദീപ്​ സിങ്​ സെൻഗാർ കഴിഞ്ഞമാസം അറസ്​റ്റിലായിരുന്നു. 

Show Full Article
TAGS:rape BJP leader Dalit woman lawyer lucknow india news 
News Summary - Woman Accuses UP BJP Leader of Rape and Blackmail; Shaves Head at Press Meet- India news
Next Story