ശിവജിയുടെ നാട്ടിൽ സ്​ത്രീ അപമാനിക്കപ്പെടുന്നു; ഉദ്ധവ്​ താക്കറെക്ക്​ കത്തുമായി വാങ്കഡെയുടെ ഭാര്യ

മുംബൈ: മഹാരാഷ്​ട്ര മുഖ്യമന്ത്രി ഉദ്ധവ്​ താക്കറെക്ക്​ കത്തുമായി സമീർ വാങ്കഡെയുടെ ഭാര്യ ക്രാന്തി വാങ്കഡെ. തന്‍റെ ഭർത്താവിന്​ നീതി ലഭ്യമാക്കണമെന്ന്​ ആവശ്യപ്പെട്ടാണ്​ കത്ത്​. മുഖ്യമന്ത്രിയുമായി കൂടിക്കാഴ്ചക്കും അവർ അനുമതി തേടിയിട്ടുണ്ട്​.

ജനങ്ങളുടെ മുന്നിൽ ഞങ്ങൾ എല്ലാദിവസവും അപമാനിതരാവുകയാണ്​. മഹാരാഷ്​ട്രയിൽ സ്​ത്രീയുടെ അന്തസ്​ ഓരോ ദിവസവും ചോദ്യ​ചെയ്യപ്പെടുകയാണ്​. ബാൽതാക്കറെ ഉണ്ടായിരുന്നുവെങ്കിൽ ഒരിക്കലും ഇത്തരമൊരു സംഭവമുണ്ടാവാൻ അനുവദിക്കില്ലായിരുന്നുവെന്നും അവർ കത്തിൽ ചൂണ്ടിക്കാട്ടി.

മറാത്തികളെന്ന നിലയിൽ തനിക്കും കുടുംബത്തിനും നേരെയുള്ള നീതികേടിനെതിരെ നിങ്ങൾ പ്രതികരിക്കുമെന്നാണ്​ പ്രതീക്ഷിക്കുന്നത്​. നിങ്ങളിൽ ഞങ്ങൾ വിശ്വാസമർപ്പിക്കുകയാണ്​. നീതി നടപ്പാകുമെന്ന്​ തന്നെയാണ്​ പ്രതീക്ഷയെന്നും അവർ കൂട്ടിച്ചേർത്തു.

ഒക്​ടോബർ രണ്ടിന് ബോളിവുഡ്​ താരം ഷാരൂഖിന്‍റെ മകൻ​ ആര്യൻ ഖാനെ ആഡംബര കപ്പലിൽ മയക്കുമരുന്ന്​ ഉപയോഗിച്ച കേസിൽ സമീർ വാങ്കഡെ അറസ്റ്റ്​ ചെയ്​തിരുന്നു. തുടർന്ന്​ സമീർ വാങ്കഡെ കൈക്കൂലി വാങ്ങിയെന്ന ആരോപണം ഉയർന്നിരുന്നു. അദ്ദേഹത്തിന്‍റെ കുടുംബാംഗങ്ങളെ കുറിച്ച്​ പരാമർശങ്ങളുണ്ടായിരുന്നു.