വർഗീയ സംഘർഷങ്ങളിൽ യു.പിയും കർണാടകയും മുന്നിലെന്ന്​

ബംഗളൂരു: 2017ലെ ആദ്യ അഞ്ചു മാസങ്ങളിലെ കണക്കു പ്രകാരം രാജ്യത്ത്​ വർഗീയ സംഘർഷങ്ങളിൽ ഉത്തർപ്രദേശും കർണാടകയും മുന്നിലെന്ന്​ ലോക്​സഭയുടെ രേഖാമൂലമുള്ള മറുപടി. ഇൗ കാലയളവിൽ രാജ്യത്ത്​ നടന്ന 300 വർഗീയ സംഘർഷങ്ങളിൽ 60 എണ്ണം ബി.ജെ.പി ഭരിക്കുന്ന ഉത്തർപ്രദേശിലും 36 എണ്ണം കോൺഗ്രസി​​​െൻറ കർണാടകയിലുമാണ്​ നടന്നത്​. യു.പിയെ കൂടാതെ ബി.ജെ.പി ഭരിക്കുന്ന മറ്റു സംസ്​ഥാനങ്ങളും കണക്കിൽ മുമ്പിലാണ്​.

മധ്യപ്രദേശ്​ (29), രാജസ്​ഥാൻ (27), ബിഹാർ (23), ഗുജറാത്ത്​ (20), മഹാരാഷ്​ട്ര (20) എന്നിങ്ങനെയാണ്​ കണക്ക്​. കേരളത്തെ സംഘർഷമേഖലയായി ചിത്രീകരിക്കാനുള്ള ശ്രമം നടക്കുന്നതിനിടെയാണ്​ കണക്കുകൾ പുറത്തുവന്നത്​. എന്നാൽ, കർണാടകയു​െട കണക്കിൽ സംശയമുണ്ടെന്നും താൻ ആഭ്യന്തര മന്ത്രിയായിരിക്കെ സംസ്​ഥാനത്ത്​ 36 വർഗീയ സംഘർഷങ്ങൾ നടന്നിട്ടില്ലെന്നും മുൻ ആഭ്യന്തര മന്ത്രിയും കെ.പി.സി.സി അധ്യക്ഷനുമായ ജി. പരമേശ്വര ചൂണ്ടിക്കാട്ടി. കർണാടകയെ രണ്ടാം സ്​ഥാനത്ത്​ പ്രതിഷ്​ഠിക്കാൻ ഗൂഢമായ ശ്രമം നടന്നതായും അദ്ദേഹം ആരോപിച്ചു.

രണ്ടു പേരുടെ മരണത്തിനിടയാക്കിയ രണ്ടോ മൂന്നോ സംഘർഷങ്ങൾ മാത്രമാണ്​ നടന്നത്​. അവയാക​െട്ട ദക്ഷിണ കന്നടയിലെ തീരദേശ ബെൽറ്റിൽ മാത്രമാണ്​ നടന്നതും. എന്തടിസ്​ഥാനത്തിലാണ്​ കേന്ദ്രം ഇത്തരമൊരു കണക്ക്​ കർണാടകയുടെ മേൽ ചാർത്തുന്നതെന്ന്​ മനസ്സിലാകുന്നില്ലെന്നും അദ്ദേഹം പറഞ്ഞു.