രാജ്യത്ത്​ 45,000പേർക്ക്​ കൂടി കോവിഡ്​; ആകെ രോഗബാധിതർ 85.5 ലക്ഷം

ന്യൂഡൽഹി: രാജ്യത്ത് കഴിഞ്ഞ 24 മണിക്കൂറിനിടെ 45,903 പേർക്കു കൂടി കോവിഡ്​ സ്ഥിരീകരിച്ചു. ഇതോടെ ആകെ കോവിഡ്​ സ്ഥിരീകരിക്കപ്പെട്ടവരുടെ എണ്ണം 85,53,657 ആയി. ആരോഗ്യ കുടുംബക്ഷേമ മന്ത്രാലയമാണ്​ ഇക്കാര്യമറിയിച്ചത്​.

24 മണിക്കൂറിനുള്ളിൽ 490 പേർ കോവിഡ്​ ബാധിച്ച്​ മരിച്ചു. ഇതോടെ ആകെ മരണം 1,26,611 ആയി. 5,09,673 പേരാണ്​ നിലവിൽ ചികിത്സയിലുള്ളത്​. 79,17,373 പേർ ഇതിനകം രോഗമുക്തി നേടി.

കേരളത്തിൽ 81,940 പേർ ചികിത്സയിലുണ്ട്​. 1692 പേർ മരിച്ചു. 4,02,477 പേർ രോഗമു​ക്തി നേടി. മഹാരാഷ്​ട്രയിൽ 97,296 പേരാണ്​ നിലവിൽ കോവിഡ്​ ബാധിച്ച്​ ചികിത്സയിലുള്ളത്​​. 45,240 പേർ മരിച്ചു. 15,77,322 പേർ രോഗമുക്തി നേടി.

കർണാടകയിൽ 11,391 പേർ കോവിഡ്​ ബാധിച്ച്​ മരിച്ചിട്ടുണ്ട്​​. 33,697 പേർ ചികിത്സയിലാണ്​​. 8,01,799 പേർ രോഗമുക്തരായി.

ഡൽഹിയിൽ 41,857 പേരാണ്​ ചികിത്സയിലുള്ളത്​. 6,989 പേർ മരണത്തിന്​ കീഴടങ്ങി. 3,89,683 പേർ രോഗമുക്തി നേടി.

ഇന്ത്യൻ കൗൺസിൽ ഓഫ്​ മെഡിക്കൽ റിസർച്ചിൻെറ കണക്കനുസരിച്ച്​ ഞായറാഴ്​ച വരെ 11,85,72,192 സാമ്പിളുകൾ പരിശോധിച്ചിട്ടുണ്ട്​. ഇതിൽ 8,35,401 സാമ്പിളുകൾ ഞായറാഴ്​ച മാത്രം പരിശോധിച്ചതാണ്​.