ജഗ​െൻറ വീടിന്​ 73 ലക്ഷത്തി​​െൻറ ജനവാതിലും വാതിലും; വിമർശനവുമായി പ്രതിപക്ഷം

ഹൈദരാബാദ്​: ആന്ധ്രാപ്രദേശ്​ മുഖ്യമന്ത്രി ജഗൻമോഹൻ റെഡ്​ഢിക്കായി നിർമിക്കുന്ന വീടി​​​െൻറ ജനലുകൾക്കും വാതില ുകൾക്കുമായി 73 ലക്ഷം രൂപ അനുവദിച്ചതിനെതിരെ വിമർശനവുമായി പ്രതിപക്ഷം. അതീവസുരക്ഷയും ഉന്നത നിലവാരവുമുള്ള ജനലുകള ും വാതിലുകളും സ്ഥാപിക്കാനാണ്​ 73 ലക്ഷം രൂപ പാസാക്കി സർക്കാർ ഉത്തരവിട്ടത്​.

മുഖ്യമന്ത്രിയുടെ വസതിക്കായി 16 കോടി രൂപയോളമാണ്​ ചെലവഴിക്കുന്നത്​. വിജയവാഡയിലെ തടേപ്പള്ളി ഗ്രാമത്തിലുള്ള വസതിയിലേക്കായി മൂന്നു കോടി ചെലവിട്ട്​ റോഡ്​ പണിതതും വിവാദത്തിലായിരുന്നു. മെയ്​ 30ന്​ അധികാരമേറ്റ ജഗൻ ജൂലൈ 25നാണ്​ സ്വന്തം വസതിയിലേക്ക്​ റോഡ്​ നിർമിക്കാനുള്ള ഉത്തരവ്​ പുറപ്പെടുവിച്ചത്​.

മുഖ്യമന്ത്രിയുടെ വസതിക്ക്​ സമീപം രണ്ടുകോടി രൂപയോളം ചെലവഴിച്ച്​ ഹെലിപാഡ്​ നിർമിക്കുകയും സുരക്ഷക്കായി ഗാർഡ്​ റൂം, പൊലീസ്​ ബാരക്​, സെക്യൂരിറ്റി പോസ്​റ്റ്​്​ എന്നിവ ഒരുക്കുന്നതിനായി ഉത്തരവിടുകയും ചെയ്​തിരുന്നു.

ജൂലൈ ഒമ്പതിന്​ പുറത്തിറക്കിയ സർക്കാർ ഉത്തരവിൽ 8.5 ലക്ഷം രൂപ ചെലവിൽ ഇലക്​ട്രിക്​ ജോലികൾ തീർക്കാനുള്ള ഉത്തരവും പുറത്തിറക്കി. ജൂ​ൈലയിൽ 24.5 ലക്ഷം ചെലവഴിച്ചാണ്​ ഹൈദരാബാദിലെ ത​​െൻറ വസതി പുതുക്കുകയും​ സുരക്ഷ സജീകരണങ്ങൾ ഏർപ്പെടുത്തുകയും ചെയ്​തത്​.

കഴിഞ്ഞ അഞ്ചുമാസമായി നടക്കുന്ന മുഖ്യമന്ത്രിയുടെ ദുർഭണത്തിലൂടെ ആന്ധ്രാപ്രദേശ്​ കടുത്ത സാമ്പത്തിക പ്രതിസന്ധിയിലേക്ക്​ നീങ്ങുകയാണെന്ന്​ മുൻ മുഖ്യമന്ത്രിയും തെലുങ്കുദേശം പാർട്ടി അധ്യക്ഷനുമായ ചന്ദ്രബാബു നായിഡു ആരോപിച്ചു. ഒരു രൂപ ശമ്പളം വാങ്ങുന്ന മുഖ്യമന്ത്രിയെന്ന്​ പറഞ്ഞു നടക്കുന്ന ജഗ​​െൻറ കാപട്യമാണ്​ പുറത്തുവരുന്നതെന്ന്​ ​നായിഡുവി​​െൻറ മകനും ടി.ഡി.പി നേതാവുമായ എൻ. ലോകേഷ്​ ട്വിറ്ററിലൂടെ വിമർശിച്ചു.

നേരത്തെ ചന്ദ്രബാബുനായിഡു എട്ടുകോടിയോളം രൂപ ചിലവഴിച്ച് പണികഴിപ്പിച്ച കെട്ടിടം ജഗന്‍ പൊളിച്ചുനീക്കിയിരുന്നു.