സംരക്ഷണം നൽകിയാലും ഇല്ലെങ്കിലും ശബരിമല സന്ദർശിക്കും -തൃപ്​തി ദേശായി

ന്യൂഡൽഹി: നവംബർ 20ന്​ ശേഷം ശബരിമലയിൽ സന്ദർശനം നടത്തുമെന്ന് ആക്​ടിവിസ്​റ്റ്​​ തൃപ്​തി ദേശായി. സർക്കാർ സംരക്ഷണം നൽകിയാലും ഇല്ലെങ്കിലും ശബരിമല യാത്ര നടത്തുമെന്ന്​ അവർ പറഞ്ഞു.

നവംബർ 20ന്​ ശേഷം ശബരിമലയിലെത്തും. സുരക്ഷയൊരുക്കാൻ കേരള സർക്കാറിനോട്​ ആവശ്യപ്പെടും. സുരക്ഷ നൽകിയി​ല്ലെങ്കിലും ശബരിമലയിലെത്തി ദർശനം നടത്തുമെന്ന്​ തൃപ്​തി ദേശായി പറഞ്ഞു.

അതേസമയം, ശബരിമലയിലെത്തുന്ന യുവതികൾക്ക്​ സംരക്ഷണം നൽകേണ്ടെന്നാണ്​ സംസ്ഥാന സർക്കാറിൻെറ നിലപാട്​. ശബരിമല ദർ​ശനം നടത്തേണ്ട യുവതികൾ കോടതി ഉത്തരവ്​ വാങ്ങി വര​ട്ടെയെന്നാണ്​ ദേവസ്വം മന്ത്രി കടകംപള്ളി സുരേന്ദ്രൻ കഴിഞ്ഞ ദിവസം പറഞ്ഞത്​​.