എല്ലാവരെയും ഒന്നിച്ചുകൊണ്ടുപോകും; എന്‍റെ യാത്ര തുടങ്ങിയി​േട്ടയു​ള്ളൂ -സിധു

മൊഹാലി: പഞ്ചാബ്​ കോൺഗ്രസിലെ എല്ലാവരെയും ഒരുമിച്ച്​ കൊണ്ടുപോവുകയാണ്​ തന്‍റെ ലക്ഷ്യമെന്ന്​ സംസ്​ഥാന കോൺഗ്രസ്​ അധ്യക്ഷനായി നിയമിതനായ നവ്​ജോത്​ സിങ്​ സിധു. തന്‍റെ യാത്ര തുടങ്ങി​േട്ടയുള്ളൂവെന്നും പാർട്ടിയെ വീണ്ടും അധികാരത്തിലെത്തിക്കുകയാണ്​ ഉന്നമെന്നും സിധു പറഞ്ഞു.

'പഞ്ചാബിൽ വിജയം ആവർത്തിക്കുകയെന്ന ലക്ഷ്യപൂ​ർത്തീകരണത്തിനായി ഒരു എളിയ കോൺഗ്രസുകാരൻ എന്ന നിലക്ക്​ സംസ്​ഥാനത്തെ ഒാരോ പാർട്ടി അംഗത്തെയും ചേർത്തുനിർത്തി പ്രവർത്തിക്കും​. പഞ്ചാബ്​ മാതൃകയും ഹൈക്കമാൻഡിന്‍റെ 18ഇന അജണ്ടയും മുൻനിർത്തി കോൺഗ്രസിനെ വീണ്ടും അധികാരത്തിലെത്തിക്കും' -മുൻ ഇന്ത്യൻ ക്രിക്കറ്റ്​ ടീമംഗം കൂടിയായ സിധു പറഞ്ഞു.

നിരവധി നാളത്തെ തർക്കങ്ങൾക്കും അനിശ്​ചിതത്വങ്ങൾക്കും ഒടുവിലാണ്​ പഞ്ചാബ്​ കോൺഗ്രസി​െൻറ അധ്യക്ഷനായി സി​ധു​വി​നെ നിയമിച്ചത്​. മു​ഖ്യ​മ​ന്ത്രി അ​മ​രീ​ന്ദ​ർ സി​ങ്ങി​െൻറ എ​തി​ർ​പ്പ്​ മ​റി​ക​ട​ന്നായിരുന്നു പാ​ർ​ട്ടി അ​ധ്യ​ക്ഷ സോ​ണി​യ ഗാ​ന്ധി നിയമനം നടത്തിയത്​. നി​യ​മ​സ​ഭ തെ​ര​ഞ്ഞെ​ടു​പ്പി​ലേ​ക്ക്​ അ​ടു​ക്കു​ന്ന സം​സ്​​ഥാ​ന​ത്ത്​ പാ​ർ​ട്ടി​യെ ന​യി​ക്കാ​ൻ നാ​ല്​ വ​ർ​ക്കി​ങ്​ പ്ര​സി​ഡ​ൻ​റു​മാ​രെ​യും നി​ശ്ച​യി​ച്ചിട്ടുണ്ട്​.

പാരമ്പര്യമില്ലാത്ത കോൺഗ്രസുകാരനാണ് എന്നതായിരുന്നു സിധുവിനെതിരേ എതിരാളികൾ ഉയർത്തിയ വലിയ വിമർശനം. നേരത്തേ ബി.ജെ.പിയിൽ പ്രവർത്തിച്ചിരുന്ന സിധു അവിടെ നിന്നാണ്​ കോൺഗ്രസിൽ എത്തിയത്​. വിമർശകൾക്ക്​ മറുപടിയായി താനും 'പരമ്പരാഗത കോൺഗ്രസുകാരൻ' ആണെന്ന്​ കാണിക്കാൻ സിധു പഴയൊരു ചിത്രം ട്വിറ്ററിൽ കഴിഞ്ഞ ദിവസം പങ്കുവച്ചിരിരുന്നു. ത​െൻറ പിതാവും ജവഹർലാൽ നെഹ്​റുവും ഒരുമിച്ച്​ നിൽക്കുന്ന ചിത്രമാണ്​ സിധു പോസ്റ്റ്​ ചെയ്​തത്​.