മെയ്​ മൂന്നിന്​ ശേഷം ലോക്​ഡൗണിൽ ഇളവുണ്ടാകുമെന്ന്​ ഉദ്ധവ്​ താക്കറെ

മുംബൈ: കോവിഡ്​ 19 വൈറസ്​ ബാധയെ തുടർന്ന്​ സംസ്ഥാനത്ത്​ ജനങ്ങൾ പരി​ഭ്രാന്തരാകേണ്ട ആവശ്യമില്ലെന്ന്​ മഹാരാഷ്​ട്ര മുഖ്യമന്ത്രി ഉദ്ധവ്​ താക്കറെ. മെയ്​ മൂന്നിന്​ ലോക്​ഡൗൺ രണ്ടാം ഘട്ടം അവസാനിക്കു​േമ്പാൾ ചില പ്രദേശങ്ങളിൽ ഇളവുണ്ടാകുമെന്ന്​ അദ്ദേഹം പറഞ്ഞു. ജനങ്ങൾ ഇതിനോട്​ സഹകരിക്കണമെന്നും അദ്ദേഹം അഭ്യർഥിച്ചു. 

ജനങ്ങൾ കോവിഡ്​ 19 വൈറസ്​ ബാധയെ കുറിച്ച്​ ആശങ്കപ്പെടേണ്ട സാഹചര്യമില്ല. കൃത്യമായ ചികിത്സയാണ്​​  തേടേണ്ടത്​. മാസങ്ങൾ മാത്രം പ്രായമുള്ള കുട്ടി മുതൽ 83 വയസു വരെയുള്ളവർ കോവിഡിൽ നിന്ന്​ മുക്​തരായിട്ടുണ്ട്​. വ​െൻറിലേറ്ററിലുള്ള ആളുകൾ പോലും ജീവിതത്തിലേക്ക്​ തിരിച്ച്​ വന്നിട്ടുണ്ടെന്നും ഉദ്ധവ്​ താക്കറെ പറഞ്ഞു.

മെയ്​ മൂന്നിന്​ ശേഷം ലോക്​ഡൗണിൽ ഇളവുണ്ടാകും. ചില പ്രദേശങ്ങളിൽ മാത്രമാവും ഇളവ്​. ജനങ്ങൾ ഇതിനോട്​ സഹകരിക്കണം. അല്ലെങ്കിൽ സംസ്ഥാനത്തി​​െൻറ ഇത്രയും ദിവസത്തെ പ്രവർത്തനം വിഫലമാകുമെന്നും അദ്ദേഹം ഒാർമിപ്പിച്ചു.