ബി.ജെ.പി വീണ്ടും തരംതാഴ്​ന്നു; മറുപടി ഫെബ്രുവരി 11ന്​ -കെജ്​രിവാളി​െൻറ മകൾ

ന്യൂഡൽഹി: കേന്ദ്രമന്ത്രി പ്രകാശ്​ ജാവദേകറി​​​​െൻറ തീവ്രവാദി പരാമർശത്തിനെതിരെ രൂക്ഷ വിമർശനവുമായി അരവിന്ദ്​ കെജ്​രിവാളി​​​െൻറ മകൾ ഹർഷിത കെജ്​രിവാൾ. രാഷ്​ട്രീയത്തിലെ ഏറ്റവും തരം താഴ്​ന്ന രീതിയിലാണ്​ ബി.​ജെ.പി നേതാക്കൾ പെരുമാറുന്നത്​. അവരുടെ ആരോപണങ്ങൾക്കുള്ള മറുപടി ഫെബ്രുവരി 11ന് കിട്ടുമെന്നും ഹർഷിത പറഞ്ഞു.

ബി.ജെ.പി ആരോപണങ്ങൾ ഉന്നയിച്ചോ​ട്ടെ, 200 എം.പിമാരെയും 11 മുഖ്യമ​ന്ത്രിമാരെയും കൊണ്ടുവന്ന്​ പ്രചരണം നടത്ത​ട്ടെ. എന്നാൽ ഡൽഹിയിലെ രണ്ടുകോടി ജനങ്ങൾ എ.എ.പിക്കൊപ്പം പ്രചരണത്തിനുണ്ട്​. ബി.ജെ.പിയുടെ ആരോപണങ്ങൾക്കാണോ എ.എ.പിയുടെ പ്രവർത്തനങ്ങൾക്കാണോ വോട്ട്​ എന്നത്​ ​െഫബ്രുവരി 11ന്​ അറിയാമെന്നും ഹർഷിത തുറന്നടിച്ച​ു.

ഡൽഹിയിലെ ജനങ്ങൾക്ക്​ സൗജന്യ ചികിത്സ ഏർപ്പെടുത്തിയത്​ തീവ്രവാദമാണോ? വിദ്യാർഥികൾക്ക്​ സൗജന്യ വിദ്യാഭ്യാസം ഏർപ്പെടുത്തിയതാണോ തീവ്രവാദം, വൈദ്യുതി, വെള്ളം തുടങ്ങിയ സൗകര്യങ്ങൾ മെച്ചപ്പെടുത്തിയതാണോ തീവ്രവാദമെന്നും ഹർഷിത ചോദിച്ചു.

തങ്ങളുടെ പിതാവ്​ സാമൂഹിക പ്രവർത്തകൻ ആയിരുന്നു. അദ്ദേഹം തന്നെയും സഹോദരനെയും വീട്ടിലെ മറ്റംഗങ്ങളെയും രാവിലെ ആറു മണിക്ക്​ വിളിച്ചെഴുന്നേൽപ്പിച്ച്​ ഗീത വായിപ്പിക്കുമായിരുന്നു. അദ്ദേഹം ‘ഇൻസാൻ സെ ഇൻസാൻ കാ ഹോ ബെയ്​ചാരാ’ എന്ന ഗാനം പാടിക്കുകയും ഗീത പഠിപ്പിക്കുകയും ചെയ്യുമായിരുന്നു. ഇതാണോ​ തീവ്രവാദമാണോയെന്നും അവർ ആരാഞ്ഞു.

ഡല്‍ഹി തെരഞ്ഞെടുപ്പ് പ്രചരണത്തിനിടെ ബി.ജെ.പി എം.പി പര്‍വേഷ് വര്‍മ, കേന്ദ്രമന്ത്രി പ്രകാശ് ജാവദേകര്‍ എന്നിവരാണ്​ അരവിന്ദ്​ കെജ്​രിവാളിനെതിരെ തീവ്രവാദി പരാമർശം നടത്തിയത്​.