കുടിശ്ശിക തീർത്തില്ലെങ്കിൽ റാൻബാക്​സി ഉടമകൾ ജയിലിൽ കിടക്കേണ്ടി വരുമെന്ന്​ സുപ്രീംകോടതി

ന്യൂഡൽഹി: ഫാർമസ്യൂട്ടിക്കൽ കമ്പനിയായ റാൻബാക്​സി ജാപ്പനീസ്​ മരുന്ന നിർമാതക്കളായ ഡൈച്ചി സാകോക്ക്​ നൽകാനുള് ള കുടിശ്ശിക തീർത്തില്ലെങ്കിൽ ഉടമകൾ ജയിൽ ശിക്ഷ അനുഭവിക്കേണ്ടി വരുമെന്ന്​ സുപ്രീംകോടതി. കോടതിയുടെ ഉത്തരവ്​ വ ീണ്ടും ലംഘിച്ചാൽ കമ്പനി ഉടമകളായ മാൽവീന്ദർ സിങ്ങിനെതിരെയും ശിവേന്ദർ സിങ്ങിനെതിരെയും കോടതിയലക്ഷ്യത്തിന്​ കേ സെടുക്കേണ്ടി വരുമെന്നും ചീഫ്​ ജസ്​റ്റിസ്​ രഞ്​ജൻ ഗൊഗോയി നിരീക്ഷിച്ചു.

സിംഗപ്പൂർ ട്രിബ്യൂണലി​​​െൻറ ഉത്തരവ്​ പ്രകാരം 4000 കോടിയാണ്​ ​ൈഡച്ചിക്ക്​ നൽകാനുള്ളത്​. തുക തിരിച്ചു നൽകുന്നതിനെ കുറിച്ച്​ കൃത്യമായ പദ്ധതി തയാറാക്കി അറിയിക്കാൻ കോടതി മാർച്ച്​ 14ന്​ സുപ്രീംകോടതി ഉത്തരവിട്ടിരുന്നു. എന്നാൽ ഇത്​ സിങ്​ സഹോദരൻമാർ പാലിച്ചിരുന്നില്ല.

സിംഗപ്പൂർ ട്രൈബ്യൂണലി​​​െൻറയും സുപ്രീംകോടതിയുടേയും ഉത്തരവ്​ ലംഘിച്ച സിങ്​ സഹോദരൻമാർക്കെതിരെ കോടതിയലക്ഷ്യ കേസ്​ എടുക്കണമെന്ന്​ ആവശ്യപ്പെട്ടാണ്​ ഡൈച്ചി വീണ്ടും സുപ്രീംകോടതിയിൽ ഹരജി നൽകിയത്​.

സിങ്​ ​സഹോദരൻമാരുടെ ഉടമസ്ഥതയിലുള്ള റാൻബാക്​സി ലബോറിട്ടറിയു​െട കൈമാറ്റവുമായി ബന്ധപ്പെട്ടാണ്​ ജാപ്പനീസ്​ മരുന്ന്​ കമ്പനി കേസ്​ നൽകിയത്​.

ഇരു കമ്പനികളുടെയും ബാങ്ക്​ അക്കൗണ്ടുകൾ ഉപയോഗിക്കുന്നതിനും നിയന്ത്രണമുണ്ട്​. ജീവനക്കാർക്ക്​ ശമ്പളം നൽകാനല്ലാതെ ബാങ്ക്​ അക്കൗണ്ടിലെ പണം ഉപയോഗിക്കരുതെന്നാണ്​ ഇവർക്ക്​ നൽകിയിരിക്കുന്ന നിർദേശം. 2016ൽ സിംഗപ്പൂർ തർക്ക പരിഹാര ട്രിബ്യൂണൽ സിങ്​ സഹോദരൻമാർക്കെതിരെ വിധി പുറപ്പെടുവിച്ചിരുന്നു. ജാപ്പനീസ്​ മരുന്ന്​ നിർമാതാക്കളായ ഡൈച്ചിക്ക്​ 2453 കോടിയും അതി​​​​െൻറ പലിശയും നൽകാനായിരുന്നു സിംഗപ്പൂർ ട്രിബ്യൂണലി​​​​െൻറ വിധി.