Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightരാജ്യ സുരക്ഷക്കായി...

രാജ്യ സുരക്ഷക്കായി പുതിയ യുദ്ധതന്ത്രം -സംയുക്ത സേനാ മേധാവി

text_fields
bookmark_border
രാജ്യ സുരക്ഷക്കായി പുതിയ യുദ്ധതന്ത്രം -സംയുക്ത സേനാ മേധാവി
cancel

ന്യൂഡൽഹി: രാജ്യത്തി​​െൻറ സുരക്ഷക്കായി പുതിയ യുദ്ധതന്ത്രം ആസൂത്രണം ചെയ്യുമെന്ന്​ സംയുക്ത സേന മേധാവി ബിപിൻ റാവത്ത്​. പ്രഥമ സംയുക്ത സേന മേധാവി എന്ന പദവി ഏറെ ഉത്തരവാദിത്തങ്ങളുള്ളതാണ്​. രാജ്യത്തി​​െൻറ ഭാവിക്കായി ത​​െൻറ സേവനം ഉപയോഗപ്പെടുത്തു​മെന്നും ജനറൽ ബിപിൻ റാവത്ത്​ പറഞ്ഞു. ഡൽഹിയിലെ നാഷനൽ വാർ മെമ്മോറിയലിൽ പ്രണാമമർപ്പിച്ച ശേഷം മാധ്യമങ്ങളോട്​ സംസാരിക്കുകയായിരുന്നു അദ്ദേഹം.

കരസേന മേധാവിയെന്ന നിലയിൽ ത​​െൻറ കർത്തവ്യം നിറവേറ്റാൻ കഴിഞ്ഞതിൽ സംതൃപ്​തിയുണ്ട്​. രാജ്യത്തി​​െൻറ ഭാവിക്കായി പ്രവർത്തിക്കാൻ കഴിയുമെന്ന പ്രതീക്ഷയിലാണെന്നും ബിപിൻ റാവത്ത്​ പറഞ്ഞു. ല​ഫ്. ജ​ന​റ​ൽ എം.​എം. ന​ര​വ​നെയാണ്​ പുതിയ ക​ര​സേ​ന മേ​ധാ​വി​.

കരസേന മേധാവി പദവിയിൽ നിന്നും സ്ഥാനമൊഴിഞ്ഞ ജനറൽ ബിപിൻ റാവത്ത്​ ഇന്നുതന്നെ സംയുക്ത സേന മേധാവിയായി ചുമതലയേൽക്കും.
സൈ​നി​ക മേ​ധാ​വി​യു​ടെ വി​ര​മി​ക്ക​ൽ പ്രാ​യം 62ൽ​നി​ന്ന്​ 65 ആ​യി ഉ​യ​ർ​ത്തി​യാ​ണ് റാവത്തിനെ സംയുക്ത​ സേന മേധാവിയായി​ നി​യ​മ​ിച്ചത്​. ഇ​തു​വ​ഴി അ​ദ്ദേ​ഹ​ത്തി​ന്​ 2023 വ​രെ പ​ദ​വി വ​ഹി​ക്കാം. മൂ​ന്നു സേ​ന വി​ഭാ​ഗ​ങ്ങ​ളെ​യും കൂ​ട്ടി​യി​ണ​ക്കു​ന്ന ഏ​കോ​പി​ത കേ​ന്ദ്ര​മെ​ന്ന നി​ല​യി​ൽ സം​യു​ക്ത സേ​ന മേ​ധാ​വി​യും (സി.​ഡി.​എ​സ്) ഓ​ഫി​സും പ്ര​വ​ർ​ത്തി​ക്കും.

Show Full Article
TAGS:Bipin Rawat Strategy army chief Chief of Defence Staff india news 
News Summary - "Will Plan Strategy": -Chief Of Defence Staff - India news
Next Story