ആർട്ടിക്കിൾ 370 റദ്ദാക്കിയതുകൊണ്ട്​ കശ്​മീർ പ്രശ്​നം പരിഹരിക്കാനാവി​ല്ല -അമിത്​ ഷാ

ന്യൂഡൽഹി: കശ്​മീരിന്​ പ്രത്യേക പദവി നൽകുന്ന ഭരണഘടന വകുപ്പ്​ ആർട്ടിക്കിൾ 370 റദ്ദാക്കിയതുകൊണ്ട്​ മാത്രം താഴ്​വരയിലെ പ്രശ്​നം പരിഹരിക്കാൻ കഴിയില്ലെന്ന്​ ബി.ജെ.പി ദേശീയ പ്രസിഡൻറ്​ അമിത്​ ഷാ. ചാനൽ അഭിമുഖത്തിൽ സംസാരിക്കവെയാണ്​ അദ്ദേഹം ഇക്കാര്യം പറഞ്ഞത്​. 

നിരവധി ​പ്രശ്​നം കശ്​മീരിലുണ്ട്​. ബി.ജെ.പിക്ക്​ ഒറ്റക്ക്​ അത്​ പരിഹരിക്കാൻ കഴിയില്ല. ഉചിതമായ സമയത്ത്​ മറ്റുള്ളവരുമായി അത്​ ചർച്ച ചെയ്യും. പ്രധാനമന്ത്രിയുടെ ഭരണത്തിൽ കീഴിൽ​ ഇന്ത്യ പൂർണമായും കശ്​മീരിൽ വിജയം നേടുമെന്നാണ്​ താൻ വിശ്വസിക്കുന്നത്​. 

ഒഡിഷയിലും ആ​ന്ധ്രാപ്രദേശിലും നക്​സലൈറ്റുകളുടെ ന​െട്ടല്ല്​ തങ്ങൾ തകർത്തു. രാജ്യത്തി​​െൻറ ഒരുഭാഗത്തും  ഭീകരവാദ പ്രവർത്തനങ്ങൾ അനുവദിക്കില്ല. ഭരണഘടനാപരമായ വഴികളിലൂടെയും കൂടിയാലോചനകളിലൂടെയും രാമക്ഷേ​ത്രം നിർമിക്കണമെന്നാണ്​ തങ്ങളുടെ നിലപാട്​. അതേസമയം രാമക്ഷേത്രം അ​യോധ്യയിൽ നിർമിക്കാനുള്ള ശ്രമം തുടരുമെന്നും അമിത്​ ഷാ വ്യക്​തമാക്കി.