Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightഷഹീൻബാഗിലെ...

ഷഹീൻബാഗിലെ പ്രതിഷേധക്കാർ നിങ്ങളുടെ സഹോദരിമാരെ ബലാത്സംഗം ചെയ്യും -ബി.ജെ.പി എം.പി

text_fields
bookmark_border
ഷഹീൻബാഗിലെ പ്രതിഷേധക്കാർ നിങ്ങളുടെ സഹോദരിമാരെ ബലാത്സംഗം ചെയ്യും -ബി.ജെ.പി എം.പി
cancel

ന്യൂഡൽഹി: ബി.ജെ.പി അധികാരത്തിലെത്തിയാൽ പൗരത്വ ഭേദഗതി നിയമത്തിനെതിരെ ഡൽഹിയിലെ ഷഹീൻബാഗിൽ പ്രതിഷേധിക്കുന്ന വനി ത സമരക്കാരെ ഒറ്റമണിക്കൂർ കൊണ്ട്​ ഒഴിപ്പിക്കു​െമന്ന്​ ബി.ജെ.പി എം.പി പർവേ​ശ്​ വർമ. ഷഹീന്‍ബാഗിലെ പ്രതിഷേധക്കാര ്‍ വീടുകളിലെത്തി മക്കളേയും സഹോദരിമാരേയും ബലാത്സംഗം ചെയ്യുകയും കൊലപ്പെടുത്തുകയും ചെയ്യുമെന്നും അതിനാൽ ഡൽഹി നിവാസികൾ ചിന്തിച്ച്​ തീരുമാനമെടുക്കണമെന്നും പർവേശ്​ വർമ പറഞ്ഞു.

‘‘ലക്ഷകണക്കിന് ആളുകളാണ്​ ഹീന്‍ബാഗില്‍ ഒത്തുകൂടിയിട്ടുള്ളത്​. ഡല്‍ഹിയിലെ ജനങ്ങള്‍ക്ക്‌ ചിന്തിക്കുകയും തീരുമാനമെടുക്കുകയും ചെയ്യാം. പ്രതിഷേധക്കാര്‍ നിങ്ങളുടെ വീടുകളിലെത്തി മക്കളേയും സഹോദരിമാരേയും ബലാത്സംഗം ചെയ്യുകയും കൊലപ്പെടുത്തുകയും ചെയ്യും.ഇന്ന് നിങ്ങള്‍ക്ക് സമയമുണ്ട്. മോദിജിയും അമിത് ഷായും നാളെ നിങ്ങളെ രക്ഷിക്കാന്‍ വരില്ല.’’- പർവേശ്​ പറഞ്ഞു.

പടിഞ്ഞാറൻ ഡൽഹിയിലെ വികാസ്​പുരി നിയോജക മണ്ഡലത്തിലെ ബി.ജെ.പി പ്രചാരണ റാലിയിലാണ്​ പർവേശ്​ വിവാദ പ്രസ്​താവന നടത്തിയത്​. ഫെബ്രുവരി 11ന്​ നടക്കുന്ന ഡൽഹി തെരഞ്ഞെടുപ്പിൽ ബി.ജെ.പി അധികാരത്തിലെത്തിയാൽ ഷഹീൻ ബാഗിലെ എല്ലാ ​സമരങ്ങളെയും പ്രതിഷേധക്കാരെയും ഒറ്റമണിക്കൂറിനുള്ളിൽ ഒഴിപ്പിക്കും. ഒരാൾ പോലും പിന്നീട്​ അവിടെ ഉണ്ടാകില്ല - പർവേശ്​ വർമ കൂട്ടിച്ചേർത്തു.

ഡൽഹിയിൽ ബി.ജെ.പി സർക്കാർ അധികാരത്തിൽ വന്നാൽ ഒരു മാസത്തിനുള്ളിൽ സർക്കാർ ഭൂമിയിൽ സ്ഥിതിചെയ്യുന്ന എല്ലാ മുസ്​ലിം പള്ളികളും തകർത്തുകളയുമെന്നും എം.പി പറഞ്ഞു.

പൗരത്വ ഭേദഗതി നിയമത്തിനും എൻ.പി.ആറിനുമെതിരെ വനിതകളുടെ നേതൃത്വത്തിലാണ്​ ഷഹീൻബാഗിൽ രാപ്പകൽ സമരം നടക്കുന്നത്​. 40 ദിവസങ്ങൾ പിന്നി​ട്ട സമരം കൂടുതൽ ശക്തിപ്പെടുകയാണ്​.

കഴിഞ്ഞ ദിവസം റിതാല മണ്ഡലത്തിൽ നടന്ന ബി.ജെ.പി പ്രചാരണ റാലിയിൽ രാജ്യത്തെ ഒറ്റുകൊടുക്കുന്നവരെ വെടിവെച്ചു കൊല്ലാൻ ആഹ്വാനം ചെയ്​ത കേന്ദ്രസഹമന്ത്രി അനുരാഗ്​ താക്കൂറി​​​​​​െൻറ നടപടിയും വിവാദമായിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:delhi electionindia newsBJPCAA protestShaheen Bagh
News Summary - 'Will Clear Shaheen Bagh in An Hour': West Delhi BJP MP - India news
Next Story