ആദിവാസി യുവതികളെ ശല്യപ്പെടുത്തിയാൽ മു​സ്​​ലിംകളുടെ തലയെടുക്കും -ബി.ജെ.പി എം.പി

ഹൈദരാബാദ്: മു​സ്​​ലിം യുവാക്കളുടെ തലയെടുക്കുമെന്ന ബി.ജെ.പി എം.പിയുടെ പ്രസ്താവന വിവാദത്തിൽ. തെലങ്കാനയിലെ ആദി ലാബാദിൽനിന്നുള്ള ബി.ജെ.പി എം.പി സോയം ബാപു റാവുവാണ് പ്രകോപനപരമായ പ്രസ്താവന നടത്തിയത്. ആദിവാസി സ്ത്രീകളെ ശല്യം ചെയ്യുന്ന മു​സ്​​ലിം യുവാക്കളുടെ തലയെടുക്കുമെന്നാണ് എം.പി പറഞ്ഞത്.

പ്രസ്താവന വിവാദമായതോടെ എം.പിക്കെതിരെ ന്യൂനപക്ഷ നേതാക്കൾ പൊലീസിൽ പരാതി നൽകി. രൂക്ഷ വിമർശനവുമായി കോൺഗ്രസ് നേതാക്കളും രംഗത്തെത്തി. പ്രസ്താവന പിൻവലിക്കണമെന്ന് കോൺഗ്രസ് ആവശ്യപ്പെട്ടു.

തെലങ്കാന രാഷ്ട്രസമിതി നേതാവ് എം. കൃഷാങ്കും പ്രസ്താവനക്കെതിരെ രംഗത്തെത്തി.