മക്കൾ നീതിമയ്യത്തിന്​ ‘ടോർച്ച്​ ലൈറ്റ്​്​’; കമൽ ഹാസനും മത്സരിക്കും

ചെന്നൈ: തമിഴക രാഷ്​ട്രീയത്തിലേക്ക്​ പുതിയ പ്രകാശം പരത്തുന്ന ‘ടോർച്ച്​ ലൈറ്റു’മായി മക്കൾ നീതിമയ്യം പ്രസിഡ ൻറ്​ കമൽ ഹാസൻ. ‘മക്കൾ നീതിമയ്യ’ത്തിന്​ ഞായറാഴ്​ചയാണ്​ ‘ബാറ്ററി ടോർച്ച്​ ലൈറ്റ്​’ ചിഹ്നം കേന്ദ്ര തെരഞ്ഞെടുപ് പ്​ കമീഷൻ അനുവദിച്ചത്​. ത​​െൻറ പാർട്ടിക്ക്​ അനുയോജ്യമായ ചിഹ്നമാണിത്​. ഇന്ത്യൻ രാഷ്​ട്രീയത്തിലും തമിഴ്​നാട് ടിലും പുതിയ കാലഘട്ടത്തി​​െൻറ വെളിച്ചം തെളിയിക്കാൻ പരിശ്രമിക്കുമെന്നും കമൽഹാസൻ ട്വിറ്ററിൽ കുറിച്ചു. ചിഹ്നം അ നുവദിച്ച തെരഞ്ഞെടുപ്പ്​ കമീഷന്​ അദ്ദേഹം നന്ദി പറഞ്ഞു.

താൻ മത്സരരംഗത്തുണ്ടാവുമെന്നും ഏത്​ മണ്ഡലത്തിലാണെന്നത്​ പിന്നീട്​ അറിയിക്കാമെന്നും മക്കൾ നീതിമയ്യം തനിച്ചാണ്​ ജനവിധി തേടുകയെന്നും കമൽ ഹാസൻ ചെന്നൈ ആഴ്​വാർപേട്ടയിലെ പാർട്ടി ഒാഫിസിൽവെച്ച്​ മാധ്യമ പ്രവർത്തകരോട്​ പറഞ്ഞു. ത​േൻറത്​ ശക്തമായ ‘മക്കൾ മുന്നണി’യായിരിക്കും. പ്രായോഗികമായി നടപ്പാക്കാനാവുന്ന നിർദേശങ്ങളാവും ത​​െൻറ പാർട്ടിയുടെ പ്രകടന പത്രികയിലുണ്ടായിരിക്കുക. ജനങ്ങളിൽ അവബോധം സൃഷ്​ടിക്കുന്നതോടൊപ്പം ഘട്ടംഘട്ടമായി മദ്യനിരോധനം നടപ്പാക്കണമെന്നാണ്​ ത​​െൻറ നിലപാട്​.

രജനികാന്ത്​ തങ്ങളെ പിന്തുണക്കുമെന്നാണ്​ പ്രതീക്ഷിക്കുന്നത്​. കഴിഞ്ഞ ലോക്​സഭ തെരഞ്ഞെടുപ്പിൽ തമിഴ്​നാട്ടിൽ ​‘നോട്ട’ക്ക്​ താഴെ വോട്ട്​ നേടി കാണാതായ ബി.ജെ.പിയെ തേടിപിടിക്കുന്നതിന്​ ‘ടോർച്ച്​ ലൈറ്റ്​’ സഹായകരമാവുമെന്നും കമൽ ഹാസൻ പരിഹസിച്ചു. നിയമസഭ ഉപതെരഞ്ഞെടുപ്പിലും സ്​ഥാനാർഥികളെ നിർത്തും. സ്​ഥാനാർഥികളാവാൻ 1,137 അപേക്ഷകൾ ലഭിച്ചിട്ടുണ്ട്​. മാർച്ച്​ 11 മുതൽ 15 വരെ ഇവരുമായി അഭിമുഖം നടത്തും. കേരളാതിർത്തിയോട്​ ചേർന്ന പൊള്ളാച്ചി മണ്ഡലത്തിൽ കമൽ ഹാസൻ ജനവിധി തേടിയേക്കുമെന്നാണ്​ പാർട്ടി കേന്ദ്രങ്ങൾ നൽകുന്ന സൂചന.

ത​​െൻറ പാർട്ടി ബി.ജെ.പിയുടെ ബി ടീമല്ലെന്ന്​ കമൽഹാസൻ
തിരുനെൽവേലി: മക്കൾ നീതി മയ്യം ബി.ജെ.പിയുടെ ബി ടീമല്ലെന്ന്​ പാർട്ടി നേതാവ്​ കമൽഹാസൻ. തമിഴ്​നാടി​​െൻറ എ ടീമാണിത്​. പാർട്ടിയുടെ വളർച്ചയിൽ വിറളി പൂണ്ടവരാണ്​ ഇത്തരം ആരോപണങ്ങൾ ഉയർത്തുന്നതെന്നും അദ്ദേഹം തിരുനെൽവേലിയിൽ പറഞ്ഞു. പ്രതിപക്ഷ കക്ഷികളുടെ മഹാസഖ്യം തെര​ഞ്ഞെടുപ്പിൽ മറുപക്ഷം വിജയിച്ചാൽ അവിടേക്ക്​ ചാടും. അത്തരമൊരു സാഹചര്യത്തിലും ഉറച്ചുനിൽക്കുന്ന ഒരേയൊരു കക്ഷി മക്കൾ നീതി മയ്യം ആയിരിക്കുമെന്നും അദ്ദേഹം കൂട്ടിച്ചേർത്തു. ബി.ജെ.പി സമ്മർദത്തെ തുടർന്നാണ്​ ഡി.എം.കെ​ക്കെതിരെ കമൽഹാസൻ അഴിമതി ആരോപണം ഉന്നയിക്കുന്നതെന്ന്​ ഡി.എം.കെ പ്രസിദ്ധീകരണമായ ‘മുരശൊലി’ അടുത്തിടെ സൂചിപ്പിച്ചിരുന്നു.