Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightഅരിയും ഉപ്പും തിന്നാൻ...

അരിയും ഉപ്പും തിന്നാൻ കാട്ടാനകൾ നാട്ടിലേക്ക്​; ഉള്ളിൽ കുടുങ്ങിയ കുട്ടിയാനയെ രക്ഷിക്കാൻ വീട്​ തകർത്തു

text_fields
bookmark_border
അരിയും ഉപ്പും തിന്നാൻ കാട്ടാനകൾ നാട്ടിലേക്ക്​; ഉള്ളിൽ കുടുങ്ങിയ കുട്ടിയാനയെ രക്ഷിക്കാൻ വീട്​ തകർത്തു
cancel
camera_alt

പുളിയംപാറ കോഴി കൊല്ലിയിൽ കാട്ടാന കൂട്ടം തകർത്ത കോത്ത​െൻറ വീട്

ഗൂഡല്ലൂർ: അരിയും ഉപ്പും തിന്ന് രുചിയറിഞ്ഞ കാട്ടാനകൾ കൂട്ടമായി നാട്ടിലേക്ക്​. വീട് തകർത്താണ്​ ഇവ അടുക്കള വഴി അകത്തുകടക്കുന്നത്​. ഇന്നലെ​ ഗൂഡല്ലൂരിന് സമീപം പുളിയംപാറയിലെ ഒരു വീട്ടിൽ കയറി പുറത്തു കടക്കാനാവാതെ കുടുങ്ങിയ കുട്ടിയാനയെ രക്ഷിക്കാൻ ആനക്കൂട്ടം ചുമരുകളെല്ലാം തകർത്തു.

ഞായറാഴ്ച രാത്രി പുളിയംപാറ കോഴികൊല്ലി ആദിവാസി കോളനിയിലെ കോത്ത​െൻറ വീട്ടിലാണ്​ സംഭവം. ആനകൂട്ടം ആദ്യം ചുമരിൻെറ ഒരുഭാഗം തകർക്കുകയായിരുന്നു. ഇതിലൂടെ കുട്ടിയാനകൾ അകത്തു കടന്നു. എന്നാൽ, ഇവക്ക് പുത്തിറങ്ങാൻ കഴിയാതായതോടെ ചുമരിൻെറ മറ്റു ഭാഗവും കൂട്ടത്തോടെ ഇടിച്ചു വീഴ്​ത്തി.

ആനകൾ ജനവാസ മേഖലയിലേക്ക്​ ഇറങ്ങിവരുന്നത്​ നാട്ടുകാർക്ക്​ ഭീഷണിയായിരിക്കുകയാണ്​. കോത്ത​െൻറ അയൽവാസികളായ ശങ്കരൻ, കുഞ്ഞൻ എന്നിവരുടെ വീടുകളും നശിപ്പിച്ചാണ് കാട്ടാനകൂട്ടം മടങ്ങിപ്പോയത്.

ആനകളുടെ വരവ് പതിവായതിനാൽ വീടുകളിൽ ആരുമുണ്ടായിരുന്നില്ല. ഇത് കാരണം ജീവാപായമുണ്ടായില്ലന്ന് പ്രദേശവാസികൾ പറഞ്ഞു. ആനകളിൽ നിന്ന് രക്ഷ ലഭിക്കാൻ എന്തു ചെയ്യണമെന്നറിയാതെ ജനം ആകുലപ്പെടുകയാണ്.



Show Full Article
TAGS:wild elephant 
Next Story