Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightരോഹിത്​ തിവാരിയുടെ...

രോഹിത്​ തിവാരിയുടെ മരണം; ഭാര്യ അറസ്​റ്റിൽ

text_fields
bookmark_border
Apoorva
cancel

ന്യൂഡൽഹി: മുൻ യു.പി മുഖ്യമന്ത്രി എൻ.ഡി തിവാരിയുടെ മകൻ രോഹിത്​ ശേഖർ തിവാരി കൊല്ലപ്പെട്ട സംഭവവുമായി ബന്ധപ്പെട ്ട്​ ഭാര്യ അറസ്​റ്റിൽ. രോഹിതിൻെറ ഭാര്യ അപൂർവ ശുക്ലയാണ്​ അറസ്​റ്റിലായത്​. രോഹിതിൻെറ മരണം അന്വേഷിക്കുന്ന പൊ ലീസ്​ ഉദ്യോഗസ്​ഥർ മൂന്ന്​ ദിവസം തുടർച്ചയായി അപൂർവയെ ചോദ്യം ചെയ്തിരുന്നു. ചോദ്യം ചെയ്യലിനൊടുവിലാണ്​ അറസ് ​റ്റ്​ രേഖപ്പെടുത്തിയത്​.

ഏപ്രിൽ 16നാണ്​ 40 കാരനായ രേഹിതിനെ വീടിനകത്ത്​ കിടപ്പു മുറിയിൽ മരിച്ച നിലയിൽ കണ്ടെത്തിയത്​. ആദ്യം ഹൃദയാഘാതം മൂലം മരിച്ചുവെന്നായിരുന്നു പ്രചരിച്ചിരുന്നത്​. പിന്നീടാണ്​ ​ശ്വാസം മുട്ടിയാണ്​ മരിച്ചതെന്ന്​ പോസ്​റ്റ്​ മോർട്ടം റിപ്പോർട്ട്​ ലഭിച്ചത്​. അതോടെ, തലയിണകൾകൊണ്ട്​ ശ്വാസംമുട്ടിച്ച്​ കൊന്നതാകാമെന്ന നിഗമനത്തിലേക്ക്​ പൊലീസ്​ എത്തിച്ചേരുകയായിരുന്നു​.

ഏപ്രിൽ 12 ന്​ ഉത്തരാഖണ്ഡിൽ വോട്ടു ചെയ്യാൻ പോയ രോഹിത്​ ഏപ്രിൽ 15ന്​ രാത്രിയാണ്​ തിരിച്ചെത്തിയത്​. പിറ്റേന്ന്​ രോഹിത്​ മരിച്ചെന്ന വാർത്തയാണ്​ വന്നത്​. ആ സമയം രോഹിതിൻെറ ഭാര്യയും ജോലിക്കാരിയും മാത്രമേ വീട്ടിലുണ്ടായിരുന്നു. തുടർന്നാണ്​ പൊലീസ്​ അപൂർവയെ ചോദ്യം ചെയ്​തത്​. അപൂർവയും ബന്ധുക്കളും രോഹിതിൻെറ സ്വത്തുക്കൾ പിടിച്ചെടുക്കാൻ ശ്രമിച്ചിരുന്നെന്ന്​ മാതാവ്​ ഉജ്ജല തിവാരി പൊലീസിന്​ മൊഴി നൽകിയിട്ടുണ്ട്​.

ആറ്​ വർഷം നീണ്ട നിയമപോരാട്ടങ്ങൾക്ക്​ ശേഷമാണ്​ രോഹിതിനെ എൻ.ഡി. തിവാരി മകനായി അംഗീകരിച്ചത്​. ഡി.എൻ.എ ടെസ്​റ്റിന്​ രക്​തം നൽകാൻ പോലും തിവാരി മടിച്ചിരുന്നു. 2014ലാണ്​ ഡൽഹി കോടതി രോഹിതിൻെറ പിതാവ്​ തിവാരിയാണെന്ന്​ പ്രാഖ്യാപിച്ചത്​. അതേവർഷം രോഹിതിൻെറ മാതാവിനെ തിവാരി വിവാഹം കഴിക്കുകയും ചെയ്​തു. കഴിഞ്ഞവർഷമാണ്​ എൻ.ഡി തിവാരി മരിച്ചത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:malayalam newsND TiwariRohit TiwariApoorva
News Summary - Wife Of Rohit Shekhar Arrested For His Murder -India news
Next Story