യോഗി ആദിത്യനാഥിന് പിറന്നാൾ ആശംസ അറിയിക്കാതെ മോദി; വിശദീകരണവുമായി പ്രധാനമന്ത്രിയുടെ ഓഫീസ്
text_fieldsന്യൂഡൽഹി: യു.പി സർക്കാറിെൻറ പ്രവർത്തനങ്ങളെ കുറിച്ച് ബി.ജെ.പി ദേശീയ നേതൃത്വത്തിന് അതൃപ്തിയുണ്ടെന്ന അഭ്യൂഹങ്ങൾക്കിടെ മുഖ്യമന്ത്രി യോഗി ആദിത്യനാഥിന് പിറന്നാൾ ആശംസ നേരാതെ പ്രധാനമന്ത്രി നരേന്ദ്ര മോദി. യോഗി ആദിത്യനാഥിെൻറ പിറന്നാളിന് മുൻവർഷങ്ങളിലെല്ലാം ട്വിറ്ററിലൂടെ മോദി ആശംസകൾ നേർന്നിരുന്നു. ഈയൊരു പതിവാണ് ഇക്കുറി തെറ്റിയത്.
അതേസമയം, യോഗി ആദിത്യനാഥുമായി പ്രധാനമന്ത്രി ഫോണിൽ സംസാരിച്ച് ആശംസകൾ നേർന്നുവെന്നാണ് ഇതുസംബന്ധിച്ച് പ്രധാനമന്ത്രിയുടെ ഓഫീസ് നൽകുന്ന വിശദീകരണം. പി.എം.ഒ ഓഫീസിനെ ഉദ്ധരിച്ച് എൻ.ഡി.ടി.വിയാണ് ഇക്കാര്യം റിപ്പോർട്ട് ചെയ്തത്. കോവിഡ് രണ്ടാം തരംഗം തുടങ്ങിയതിന് ശേഷം പ്രധാനമന്ത്രി ആർക്കും ട്വിറ്ററിലൂടെ പിറന്നാൾ ആശംസകൾ അറിയിച്ചിരുന്നില്ല.
കേരളം, രാജസ്ഥാൻ, ഹരിയാന, ഗോവ മുഖ്യമന്ത്രിമാർക്കും ഇക്കുറി മോദി പിറന്നാൾ ആശംസകൾ നേർന്നില്ലെന്നും പ്രധാനമന്ത്രിയുടെ ഓഫീസ് വിശദീകരിക്കുന്നു. യോഗി ആദിത്യനാഥിെൻറ പ്രവർത്തനങ്ങളിൽ ബി.ജെ.പിക്ക് കടുത്ത അതൃപ്തിയുണ്ടെന്ന റിപ്പോർട്ടുകൾ പുറത്ത് വന്നിരുന്നു. ഇതുമായി ബന്ധപ്പെട്ട ചർച്ചകൾക്കായി പ്രധാനമന്ത്രി നരേന്ദ്ര മോദിയും ബി.ജെ.പി ദേശീയ അധ്യക്ഷൻ ജെ.പി നദ്ദയും കഴിഞ്ഞ ദിവസം കൂടിക്കാഴ്ച നടത്തിയിരുന്നു. യോഗി ആദിത്യനാഥിനെ മുഖ്യമന്ത്രി സ്ഥാനത്ത് നിന്ന് മാറ്റില്ലെങ്കിലും യു.പി മന്ത്രിസഭയിൽ നിർണായക മാറ്റങ്ങളുണ്ടാവുമെന്ന സൂചനകൾ പുറത്ത് വരുന്നുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.