വ്യാജവാർത്തക്ക് ദേശസുരക്ഷ നിയമം എന്തിന്? തമിഴ് നാട് സർക്കാരിനോട് സുപ്രീംകോടതി

ന്യൂഡൽഹി: തമിഴ്നാട്ടിൽ ബിഹാറികൾ ആക്രമിക്ക​പ്പെടുന്നു എന്ന വ്യാജ വാർത്ത നൽകിയ ‘വലതുപക്ഷ’ യൂടൂബർ മനീഷ് കശ്യപിനെതിരെ ദേശസുരക്ഷ നിയമം ചുമത്തിയത് എന്തിനെന്ന് ചീഫ് ജസ്റ്റിസ് ഡി.വൈ. ചന്ദ്രചൂഡ് അധ്യക്ഷനായ ബെഞ്ച്. എന്തിനാണിത്ര പ്രതികാരം എന്ന് ചോദിച്ച സുപ്രീംകോടതി ​കശ്യപിനെതിരെ ദേശസുരക്ഷ നിയമം ചുമത്തിയത് റദ്ദാക്കണമെന്ന ആവശ്യം ഉൾപ്പെടുത്തി ഹരജി ഭേദഗതി ചെയ്യാൻ അഭിഭാഷകന് നിർദേശം നൽകി.

മധുര സെൻ​ട്രൽ ജയിലിൽനിന്ന് കശ്യപിനെ എവിടേക്കും മാറ്റരുതെന്നും ജസ്റ്റിസ് പി.എസ്. നരസിംഹകൂടി അടങ്ങുന്ന ബെഞ്ച് ഉത്തരവിട്ടു.

തീ​വ്ര വലതുപക്ഷ പ്രൊഫൈലുകൾ ആഘോഷിക്കാറുള്ള ബിഹാറിലെ യൂടൂബറായ കശ്യപ് തമിഴ്നാട്ടിൽ ബിഹാറികൾ ആക്രമിക്കപ്പെട്ടുവെന്ന വ്യാജ വിഡിയോ ഇറക്കിയതിന് തനിക്കെതിരെ രജിസ്റ്റർചെയ്ത വിവിധ എഫ്.ഐ.ആറുകൾ ഒന്നാക്കണമെന്നും അവ ബിഹാറിലേക്ക് മാറ്റണമെന്നും ആവശ്യപ്പെട്ടാണ് സുപ്രീംകോടതിയെ സമീപിച്ചത്. ദേശസുരക്ഷ നിയമപ്രകാരം കശ്യപ് ഇപ്പോൾ മധുര ജയിലിലാണെന്ന് അദ്ദേഹത്തിന്റെ അഭിഭാഷകൻ സിദ്ധാർഥ് ദവെ അറിയിച്ചപ്പോഴാണ് ചീഫ് ജസ്റ്റിസ് അത് ചോദ്യം ചെയ്തത്. റെവന്യൂ കേസിൽ ഈയിടെ സമാജ് വാദി പാർട്ടി നേതാവി​നെതിരെ ദേശസുരക്ഷ നിയമം സുപ്രീംകോടതി ഈയിടെ റദ്ദാക്കിയത് ചീഫ് ജസ്റ്റിസ് ചൂണ്ടിക്കാട്ടി.

എന്നാൽ, മനീഷ് കശ്യപ് മാധ്യമപ്രവർത്തകനല്ലെന്നും തെരഞ്ഞെടുപ്പിൽ മത്സരിച്ച രാഷ്ട്രീയക്കാരനാണെന്നും രാഷ്​ട്രീയ അജണ്ടയോടെ ഉണ്ടാക്കിയ വ്യാജ വാർത്തയാണിതെന്നും തമിഴ്നാട് സർക്കാറിന് വേണ്ടി ഹാജരായ കപിൽ സിബൽ ചീഫ് ജസ്റ്റിസിന്റെ ബെഞ്ചിന് മറുപടി നൽകി.

സമൂഹമാധ്യമങ്ങളിൽ 60 ലക്ഷം ഫോളോവ​ർമാരുള്ള യൂ ടൂബറായ കശ്യപിന്റെ വ്യാജ വാർത്ത വ്യാപകമായ ഭീതിയും കുടിയേറ്റ തൊഴിലാളികളിൽ ഭയവുമുണ്ടാക്കിയെന്നും സിബൽ ​വ്യക്തമാക്കി.

‘ഓപ് ഇന്ത്യ’ എഡിറ്റർക്കും സി.ഇ.ഒക്കും സുപ്രീംകോടതി സംരക്ഷണം

ന്യൂ​ഡ​ൽ​ഹി: ത​മി​ഴ്നാ​ട്ടി​ൽ ബി​ഹാ​റി​ക​ൾ ആ​ക്ര​മി​ക്ക​പ്പെ​ട്ടു​വെ​ന്ന വ്യാ​ജ വാ​ർ​ത്ത ന​ൽ​കി​യ സം​ഘ്പ​രി​വാ​ർ പോ​ർ​ട്ട​ൽ ‘ഓ​പ് ഇ​ന്ത്യ’​യു​ടെ എ​ഡി​റ്റ​ർ നൂ​പു​ർ ശ​ർ​മ​ക്കും ചീ​ഫ് എ​ക്സി.​ഓ​ഫി​സ​ർ രാ​ഹു​ൽ രോ​ഷ​നും സു​പ്രീം​കോ​ട​തി അ​റ​സ്റ്റി​ൽ നി​ന്ന് സം​ര​ക്ഷ​ണം ന​ൽ​കി. ഇ​വ​ർ​ക്കെ​തി​രാ​യ കേ​സി​ൽ നാ​ലാ​ഴ്ച അ​റ​സ്റ്റ് അ​ട​ക്ക​മു​ള്ള തു​ട​ർ ന​ട​പ​ടി​ക​ൾ വി​ല​ക്കി​യ സു​പ്രീം​കോ​ട​തി എ​ഫ്.​ഐ.​ആ​റു​ക​ൾ റ​ദ്ദാ​ക്ക​ണ​മെ​ന്ന ആ​വ​ശ്യ​വു​മാ​യി മ​ദ്രാ​സ് ഹൈ​കോ​ട​തി​യെ സ​മീ​പി​ക്കാ​ൻ നി​ർ​ദേ​ശം ന​ൽ​കി. ഹൈ​കോ​ട​തി​യെ സ​മീ​പി​ക്കാ​വു​ന്ന​ത് കൊ​ണ്ടാ​ണ് അ​ത്ത​ര​മൊ​രു ആ​വ​ശ്യം സു​പ്രീം​കോ​ട​തി പ​രി​ഗ​ണി​ക്കാ​ത്ത​തെ​ന്ന് ചീ​ഫ് ജ​സ്റ്റി​സ് ഡി.​വൈ. ച​ന്ദ്ര​ചൂ​ഡ് അ​ധ്യ​ക്ഷ​നാ​യ ബെ​ഞ്ച് വ്യ​ക്ത​മാ​ക്കി.