സുവേന്ദുവിനെതിരായ കേസിൽ ജഡ്​ജിയെ മാറ്റണമെന്ന്​ മമത; കാരണമിതാണ്​...

കൊൽക്കത്ത: കഴിഞ്ഞ നിയമസഭ തെരഞ്ഞെടുപ്പിൽ നന്ദിഗ്രാമിൽ സുവേന്ദു അധികാരി ജയിച്ചതിനെതി​െ​ര നൽകിയ കേസ്​ പരിഗണിക്കുന്ന ജഡ്​ജിക്കെതിരെ മമത ബാനർജി. അഭിഭാഷകൻ മുഖേന കൽക്കത്ത ഹൈക്കോടതി ചീഫ്​ ജസ്റ്റീസിനാണ്​ കേസിൽ വാദം കേൾക്കേണ്ട ജസ്റ്റീസ്​ കൗശിക്​ ചന്ദക്കെതിരെ പരാതി നൽകിയിരിക്കുന്നത്​.

വിധി പക്ഷപാതപരമാകാൻ രണ്ട്​ വിഷയങ്ങളാണ്​ പരാതിയിൽ നിരത്തിയിരിക്കുന്നത്​. ഒന്നാമതായി, ബി.ജെ.പിയുമായി ജസ്റ്റീസ്​ ചന്ദ സഹകരിച്ചിരുന്നയാളാണ്​.

ബി​.ജെ.പി ഒരു വശത്ത്​ ​നിൽക്കു​േമ്പാൾ പക്ഷപാത സാധ്യതയേറെ. രണ്ടാമത്​, കഴിഞ്ഞ ഏപ്രിലിൽ കൽക്കത്ത കോടതിയിൽ സ്​ഥിരം ജഡ്​ജിയായി ജസ്റ്റീസ്​ ചന്ദയുടെ നിയമനത്തെ താൻ എതിർത്തിരുന്നു. സ്വാഭാവികമായും കേസ്​ പരിഗണിക്കു​േമ്പാൾ സ്വന്തം വിഷയം പരിഗണിക്കുന്ന ജഡ്​ജിയായി മാറും. നീതി നൽകണമെന്ന്​ മാത്രമല്ല, അത്​ നൽകിയെന്ന്​ തോന്നുകയും വേണ'​െമന്ന്​ കത്തിൽ പറയുന്നു.

കഴിഞ്ഞ ദിവസം തൃണമൂൽ എം.പി ഡെറക്​ ഒബ്രിയൻ ജസ്റ്റീസ്​ ചന്ദ ബി.ജെ.പി പരിപാടികളിൽ പ​െങ്കടുക്കുന്ന ദൃശ്യങ്ങൾ പുറത്തുവിട്ടിരുന്നു. ബംഗാൾ ഘടകം മേധാവി ദിലീപ്​ ഘോഷിനൊപ്പമായിരുന്നു പാർട്ടി ലീഗൽ സെൽ യോഗത്തിൽ ജസ്റ്റീസ്​ ചന്ദ പ​​െങ്കടുത്തത്​.

2019ൽ ജഡ്​ജിയായി ലിസ്റ്റ്​ ചെയ്യുംമുമ്പ്​ ബി.ജെ.പിക്കു വേണ്ടി നിരവധി കേസുകൾ ഹാജരായ ആളാണെന്നതിനും ഒബ്രിയൻ തെളിവുകൾ നിരത്തുന്നു.

രണ്ട​ു ചിത്രങ്ങൾ നൽകി രണ്ടിലും വട്ടമിട്ട്​ ഇത്​ കൽക്കത്ത ഹൈക്കോടതിയിലെ ജസ്റ്റീസ്​ കൗശിക്​ ചന്ദ തന്നെയാണോ എന്ന്​ ചോദിക്കുന്നു. അദ്ദേഹം തന്നെയാണോ നന്ദിഗ്രാം തെരഞ്ഞെടുപ്പ്​ കേസ്​ പരിഗണിക്കാനായി നിശ്​ചയിക്കപ്പെട്ടിരിക്കുന്നത്​ എന്നും ജുഡീഷ്യറിക്ക്​ ഇത്രയും തരംതാഴാനാകുമോ എന്നും ചോദിക്കുന്നു.

വെള്ളിയാഴ്​ച രാവിലെ കേസ്​ പരിഗണനക്കെടുത്ത കോടതി ജൂൺ 24ലേക്ക്​ നീട്ടിയിരുന്നു. അതേ സമയം, പരാതിക്കാരിയായ മമത വീണ്ടും ഹാജരാകാതെ വന്നാൽ കേസ്​ തള്ളിപ്പോകാൻ സാധ്യതയും ചൂണ്ടിക്കാട്ടുന്നവരുണ്ട്​.