Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightമൃഗങ്ങൾ...

മൃഗങ്ങൾ ചത്തൊടുങ്ങുമെങ്കിലും പ്രളയമില്ലാതെ കാസിരംഗക്ക്​ നിലനിൽപ്പില്ല- കാരണമിതാണ്​

text_fields
bookmark_border
മൃഗങ്ങൾ ചത്തൊടുങ്ങുമെങ്കിലും പ്രളയമില്ലാതെ കാസിരംഗക്ക്​ നിലനിൽപ്പില്ല- കാരണമിതാണ്​
cancel

ഗുവാഹത്തി: അസമിലെ വെള്ളപ്പൊക്കം വാർത്തയാകു​േമ്പാൾ ഏറെ പ്രധാന്യത്തോടെ ഇടംപിടിക്കുന്ന പേരാണ്​ കാസിരംഗ ദേശീയോദ്യാനം. ഒറ്റക്കൊമ്പൻ കാണ്ടാമൃഗങ്ങളുടെയും കടുവകളുടെയും ആനകളുടെയും മറ്റനവധി മൃഗങ്ങളുടെയും ഏറ്റവും വലിയ ആവാസകേന്ദ്രങ്ങളിലൊന്നാണ്​ കാസിരംഗ. 

പ്രളയമുണ്ടാകു​േമ്പാൾ മൃഗങ്ങളെ സംരക്ഷിക്കാനും മൃഗവേട്ട തടയാനും നാടൻ വള്ളത്തിലും മറ്റും വനപാലകർ റോന്തുചുറ്റുന്നത്​ ഇവിടെ പതിവാണ്​. പ്രളയം മനുഷ്യർക്കുണ്ടാക്കുന്ന ദുരിതങ്ങൾ വാക്കുകൾക്കുമപ്പുറത്താണ്​. കാസിരംഗയിലാക​ട്ടെ ഓരോ വർഷവും ​പ്രളയത്തിൽ നിരവധി മൃഗങ്ങളാണ്​ ചത്തൊടുങ്ങുന്നതും. എങ്കിലും 1,055 ചതുരശ്ര കിലോമീറ്ററിൽ വ്യാപിച്ചുകിടക്കുന്ന കാസിരംഗയിൽ പ്രളയം അനിവാര്യമാണെന്നാണ്​ വിദഗ്​ധരുടെ വിലയിരുത്തൽ. വംശനാശ ഭീഷണി നേരിടുന്ന നിരവധി ജീവികളുടെ നിലനിൽപ്പിന്​ ഈ പ്രളയം കാരണമാകുന്നെന്നാണ്​ അവർ ചൂണ്ടിക്കാണിക്കുന്നത്​. 

‘കാസിരംഗയിൽ പ്രളയം ഉണ്ടാകാത്ത സമയത്ത്​ മൃഗങ്ങൾക്കിടയിൽ രോഗബാധ വർധിച്ച്​ വരുന്നതായാണ്​ ഞങ്ങൾക്ക്​ അനുഭവപ്പെടുന്നത്​’- 27 വർഷമായി ദേശീയോദ്യാനത്തിൽ ഗാർഡ്​ ആയി ജോലി ചെയ്യുന്ന ബിപിൻ ബറുവ (51) പറയുന്നു. രണ്ടര ദശകം നീളുന്ന ജോലിക്കിടെ നിരവധി പ്രളയങ്ങൾക്ക്​ സാക്ഷിയാകുകയും നൂറുകണക്കിന്​ മൃഗങ്ങളെ രക്ഷിക്കുകയും ചെയ്​തയാളാണ്​ ബിപിൻ. 

കാസിരംഗ ഒരു നദീതതട ആവാസ വ്യവസ്​ഥയാണ്​. മൃഗങ്ങൾ ഭക്ഷണത്തിനായി ഉപയോഗിക്കുന്ന പുൽമേടുകൾ പ്രളയം വൃത്തിയാക്കുന്നു. നൂറുകണക്കിന്​ മൃഗങ്ങളുടെ ആവാസവ്യവസ്​ഥ താളം തെറ്റാതിരിക്കാൻ ഇത്​ സഹായിക്കും. മൃഗങ്ങൾക്കിടയിൽ പകർച്ചവ്യാധികൾ പടരാതിരിക്കാനും ഇവ ഉപകരിക്കും. കനത്ത മഴയിലുണ്ടാകുന്ന വെള്ളപ്പൊക്കത്തിൽ പാർക്കിലെ പഴയ ചെടികൾ നശിക്കുകയും പുതിയവ മുളപ്പൊട്ടുകയും ചെയ്യും. ഇവ മൃഗങ്ങൾക്ക്​ കൂടുതൽ ​േപാഷകം നൽകുന്നവയായിരിക്കും. പുതിയ ചെടികൾ മൃഗങ്ങൾക്കും ആവാസവ്യവസ്​ഥക്കും ആരോഗ്യം പ്രധാനം ചെയ്യുമെന്നും പാർക്ക്​ ഡയറക്​ടർ പി. ശിവകുമാർ പറയുന്നു. 

രാജ്യത്തി​​െൻറ അഭിമാനമായ കാസിരംഗ നാഷനൽ പാർക്കിൽ അസമിലുണ്ടായ ​​പ്രളയം മൂലം ചത്തത്​​ 100ൽ അധികം മൃഗങ്ങളായിരുന്നു. നിരവധി മൃഗങ്ങളെ രക്ഷിക്കാനും സാധിച്ചു. വെള്ളപ്പൊക്കത്തിൽ അവശയായി വഴിയിൽ കിടന്ന ഒറ്റക്കൊമ്പൻ കാണ്ടാമൃഗത്തി​​െൻറ വിഡിയോ ആരെയ​ും വേദനിപ്പിക്കുന്നതായിരുന്നു. 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:floodKaziranga National Park
News Summary - Why Kaziranga National Park Cannot Survive Without Floods -India news
Next Story