Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightക്രൂരമായ...

ക്രൂരമായ ബലാൽസംഗത്തിനിരയാകുമ്പോഴും കത്വവയിലെ ആ പെൺകുട്ടി എന്തുകൊണ്ടാണ്​ ഒന്നു ഞരങ്ങുകപോലും ചെയ്യാതിരുന്നത്​...?

text_fields
bookmark_border
ക്രൂരമായ ബലാൽസംഗത്തിനിരയാകുമ്പോഴും കത്വവയിലെ ആ പെൺകുട്ടി എന്തുകൊണ്ടാണ്​ ഒന്നു ഞരങ്ങുകപോലും ചെയ്യാതിരുന്നത്​...?
cancel

ജമ്മു: മനുഷ്യ ചരിത്രത്തിലെ തുല്ല്യതയില്ലാത്ത ക്രൂരതയ്​ക്ക്​ ഇരയായപ്പോഴും എന്തുകൊണ്ടാണ്​ കത്​വയിലെ ആ എട്ടു വയസ്സുകാരി ഒന്നു നിലവിളിക്കുക പോലും ചെയ്യാതിരുന്നത്​...?

ആ ചോദ്യത്തി​​​​​െൻറ ഉത്തരമാണ്​ ഫോറൻസിക്​ വിഭാഗം ഇപ്പോൾ പുറത്തുവിട്ട​ റിപ്പോർട്ട്​ വ്യക്​തമാക്കുന്നത്​. വയറുനിറയെ ഭക്ഷണം കഴിച്ച പൂർണ ആരോഗ്യവാനായ ഒരാളായിരുന്നാൽ പോലും ഒന്ന്​ ഞരങ്ങാൻ കൂടി കാഴിയാത്തവണ്ണം അബോധാവസ്​ഥയിലാകുന്നത്രയും തീവ്രമായ മയക്കുമരുന്നും പ്രാദേശിക ലഹരിയുമാണ്​ വെറും എട്ടു വയസ്സു മാത്രം പ്രയമുള്ള പിഞ്ചു കുഞ്ഞിന്​ ആ നരാധമന്മാർ നൽകിയത്​. അതും ഭക്ഷണം പോലും കൊടുക്കാതെ എത്രയോ ദിവസങ്ങൾ. മരിക്കുന്നതിനു മുമ്പുതന്നെ ഇൗ ലോകത്തെ തിരിച്ചറിയാനാവാത്തവിധം മരവിച്ച അവസ്​ഥയിലോ കോമയിലോ അവൾ ആയി കഴിഞ്ഞിരുന്നുവെന്നാണ്​ ഫോറൻസി​കി​​​​​െൻറ ഒടുവിലത്തെ റിപ്പോർട്ട്​ വ്യക്​തമാക്കുന്നത്​.

ഇത്രയും പീഡനം നടന്നിട്ടും പെൺകുഞ്ഞ്​ എന്തുകൊണ്ട്​ നിലവിളിക്കുകയോ സഹായം തേടുകയോ ചെയ്​തില്ല എന്ന പ്രതിഭാഗം അഭിഭാഷകരുടെയും സോഷ്യൽ മീഡിയയിൽ അക്രമികളെ പിന്തുണച്ചവരുടെയും ചോദ്യങ്ങൾക്ക്​ പഴുതടച്ച മറുപടി തേടിയാണ്​ കേസന്വേഷിച്ച ക്രൈം ബ്രാഞ്ച്​ ഫോറൻസിക്​ വിദഗ്​ധരെ സമീപിച്ചത്​. അതിക്രൂരമായ ബലാൽസംഗത്തിനിരയായി കൊല്ലപ്പെട്ട എട്ടു വയസ്സുകാരിയുടെ ആന്തരികാവയവങ്ങൾ സൂക്ഷ്​മമായി പരിശോധിച്ച ഫോറൻസിക്​ വിദഗ്​ധർ കണ്ടെത്തിയത്​ ഞെട്ടിപ്പിക്കുന്ന വിവരങ്ങളാണ്​.

ഡോക്​ടർമാരുടെ കർശന നിർദേശത്തോടെ മാത്രം മാനസിക രോഗികൾക്ക്​ നൽകുന്ന ക്ലോണാസെപാം (Clonazepam) എന്ന വീര്യം കൂടിയ മരുന്നും പ്രാദേശികമായി ഉപയോഗിക്കുന്ന കഞ്ചാവിന്​ തുല്ല്യമായ മന്നാറ​ും കൂടിയ അളവിൽ കുഞ്ഞിനു ബലമായി നൽകിയിരുന്നു. പൂർണ ആരോഗ്യവാനായ ഒരാൾക്ക് പോലും താങ്ങാൻ കഴിയുന്നതിലും എത്രയോ കൂടിയ അളവിലാണ്​ ഇൗ മയക്കുമരുന്ന്​ കുഞ്ഞിന്​  നൽകിയത്​. 0.1 മില്ലി ഗ്രാം മുതൽ 0.5 മില്ലി ഗ്രാം വരെയാണ്​ അനുവദനീയമായ അളവ്​. അതും ഭക്ഷണത്തിനു ശേഷം മാത്രം. എന്നാൽ, കത്​വയിലെ പെൺകുട്ടിക്ക്​ ആദ്യ ദിവസം നൽകിയത്​ 0.5 മില്ലി ഗ്രാമി​​​​​െൻറ അഞ്ച്​ ഗുളികകളാണ്​. ഇതിനു പുറമെ മന്നാർ എന്ന ലഹരിയും നൽകി. തുടർന്നുള്ള ദിവസങ്ങളിലും ഗുളികയും ലഹരിയും ആവർത്തിച്ചു നൽകി. ക്ലോണാസെപാം കഴിക്കുമ്പോൾ മറ്റ്​ ലഹരി വസ്​തുക്കൾ ഉപയോഗിക്കരുതെന്നും അങ്ങനെ ചെയ്താൽ അത്​ നാഡീവ്യവസ്​ഥയെ പ്രതികൂലമായി ബാധിക്കുമെന്നുമാണ്​ ഡോക്​ടർമാർ നൽകുന്ന മുന്നറിയിപ്പ്​. ഇതോടെ കുഞ്ഞി​​​​​െൻറ ശ്വാസം മന്ദഗതിയിലാകുകയും മരിച്ചതിനു തുല്ല്യമാവുകയും ചെയ്​തു. അതുകൊണ്ടാണ്​ അതി ക്രൂരമായ കൂട്ടബലാൽസംഗത്തിന്​ അഞ്ച്​ ദിവസത്തോളം ഇരയായിട്ടും ആ എട്ടുവയസ്സുകാരി ഒന്നു ഞരങ്ങുക പോലും ചെയ്യാതിരുന്നത്​ എന്ന്​ ഫോറൻസിക്​ വിദഗ്​ധർ സാക്ഷ്യപ്പെടുത്തുന്നു.  

ഇക്കഴിഞ്ഞ ജനുവരി 10നാണ്​ പെൺകുട്ടിയെ തട്ടിക്കൊണ്ടുപോയി സമീപത്തെ ക്ഷേത്രത്തിൽ ഒളിപ്പിച്ചുവെച്ചത്​. മയക്കുമരുന്നും ലഹരിയും നൽകി അബോധവാസ്​ഥയിലാക്കി പ​ൂജകൾ നിർവഹിച്ച ശേഷമായിരുന്നു ​േക്ഷത്രത്തി​​​​​െൻറ മുഖ്യസ്​ഥാനത്തുവെച്ച്​ അതിനിഷ്​ഠുരമായി പെൺകുട്ടിയെ കൂട്ടമായി ബലാൽസംഗം ചെയ്​തത്​. ജനുവരി 14ന്​ ക്ഷേത്രത്തിലെ പൂജാരിയും കേസിലെ ഒന്നാം പ്രതിയുമായ സഞ്​ജിറാം കൊന്ന്​ കാട്ടിൽ വലിച്ചെറിഞ്ഞ കുഞ്ഞി​​​​​െൻറ മൃതദേഹം ജനുവരി 17നാണ്​ കണ്ടെത്തിയത്​. സഞ്​ജിറാമി​​​​​െൻറ മകൻ വിശാൽ, സ്​പെഷ്യൽ പൊലീസ്​ ഒാഫീസർമാരായ ദീപക്​ ഖജൂരിയ, സുരീന്ദർ വർമ, ഇവരുടെ സുഹൃത്തായ പർവേഷ്​ കുമാർ എന്ന മന്നു, സഞ്​ജിറാമി​​​​​െൻറ പ്രായപൂർത്തിയാകാത്ത ബന്ധു എന്നിവരാണ്​ കേസിലെ പ്രതികൾ. നാല്​ ലക്ഷം രൂപ വാങ്ങി തെളിവു നശിപ്പിക്കാനും കേസ്​ ഒതുക്കിത്തീർക്കനും ശ്രമിച്ച ​എസ്​.​െഎ ആനന്ദ്​ ദത്തയ്​ക്കും ഹെഡ്​ കോൺസ്​റ്റബിൾ തിലക്​രാജിനും  എതിരെയും കേസെട​ുത്തിട്ടുണ്ട്​.

മധ്യവേനൽ അവധി കഴിഞ്ഞ്​ കോടതികൾ തുറക്കുന്ന അടുത്തയാഴ്​ച കേസ്​ വിചാരണ നടക്കുന്ന പത്താൻകോട്ട്​ കോടതിയിൽ ഫോറൻസികി​​​​​െൻറ റിപ്പോർട്ട്​ സമർപ്പിക്കും.

Show Full Article
TAGS:Kathua Rape and Murder Kathua case 
News Summary - Why Kathua Rape Victim Couldn’t Cry For Help
Next Story