ആധാർ നമ്പർ എന്തിന്​ പരസ്യപ്പെടുത്തി? ട്രായ്​ ചെയർമാ​െൻറ വിശദീകരണം

ബംഗളൂരു: ആധാറിനെതിരെ ചിലർ ഭീതി ജനിപ്പിക്കുന്ന വാർത്തകൾ പറഞ്ഞു പരത്തുകയാണെന്ന്​ ട്രായ്​ ചെയർമാൻ ആർ. എസ്​ ശർമ. ആധാറിനെതിരെ രാജ്യത്ത്​ ക്യാമ്പയിൻ നടക്കുകയാണെന്നും അതിനാൽ പ്രധാനപ്പെട്ട സേവനങ്ങൾക്ക്​ പോലും ആധാർ നമ്പർ നൽകാൻ ജനം മടിക്കുകയാണെന്നും ആർ.എസ്​ ശർമ വ്യക്​തമാക്കി. ഇൗ അവസ്ഥ തുടർന്നാൽ പതുക്കെ ആധാർ ഒരു അപകടം പിടിച്ച സംവിധാനമായി ചിത്രീകരിക്കപ്പെടും. സമൂഹ മാധ്യമങ്ങളിലടക്കം #destroyAdhaar പോലുള്ള ഹാഷ്​ ടാഗുകൾ പ്രചരിപ്പിക്കുന്നത്​ അതിന്​ ശക്​തി പകരുമെന്നും ട്രായ്​ ചെയർമാൻ പറഞ്ഞു.

ആധാർ നമ്പർ പരസ്യപ്പെടുത്തി ത​​​​​​​​െൻറ വിവരങ്ങൾ ഹാക്ക്​ ചെയ്യാൻ വെല്ലുവിളിച്ച ആർ.എസ്​ ശർമയുടെ ബാങ്ക്​ വിവരങ്ങളടക്കം രണ്ട്​ ദിവസങ്ങളിലായി ഹാക്കർമാർ പുറത്തുവിട്ടിരുന്നു. ശർമയുടെ വാട്ട്​സ്​ആപ്പ്​ പ്രൊഫൈൽ ഫോ​േട്ടായും പാൻ കാർഡ്​ വിവരങ്ങളും ട്വിറ്ററിലൂടെ ചിലർ പങ്കുവെച്ചു. 

ഞാൻ എ​​​​​​​​െൻറ ആധാർ നമ്പർ പരസ്യപ്പെടുത്തിയത്​ പോലെ നിങ്ങൾ പരസ്യപ്പെടുത്തരുത്​. എന്നെ കുറിച്ച്​ ഹാക്കർമാർ ട്വിറ്ററിൽ പരത്തിയ വിവരങ്ങൾ എല്ലാം മറ്റുള്ളവർക്കും ആധാറി​​​​​​​​െൻറ സഹായമില്ലാതെ ഗൂഗിളിൽ നിന്നും കണ്ടെത്താവുന്നതാണ്​. യു.​െഎ.എ.ഡി.​െഎയുടെ സിസ്റ്റം തകർക്കാനുള്ള ശ്രമവും ചിലർ നടത്തി. അതെല്ലാം പരാജയപ്പെട്ടു. എ​​​​​​​​െൻറ ഇ-മെയിൽ അക്കൗണ്ട്​ ഹാക്ക്​ ചെയ്യാനുള്ള ശ്രമം നടത്തിയും പരാജിതരായി. ത​​​​​​​​െൻറ മറ്റ്​ പല സേവനങ്ങളും ഇത്തരത്തിൽ ഹാക്ക്​ ചെയ്യാൻ ​ശ്രമിച്ചതി​​​​​​​​െൻറ ഭാഗമായി ഒരുപാട്​ വൺ ടൈം പാസ്​വേർഡ്​ മെസ്സേജുകൾ വന്നതായും അദ്ദേഹം വെളിപ്പെടുത്തി. ഒന്നും സംഭവിക്കാൻ പോകുന്നില്ല. അതെല്ലാം സമയം പാഴാക്കലാണ്​ എ​​​​​​​​െൻറയും നിങ്ങളുടെയുമെന്ന്​ശർമ പറഞ്ഞു.

ത​​​​​​​​െൻറ അക്കൗണ്ടിലേക്ക്​  അറിവില്ലാതെ ഒരു രൂപ നിക്ഷേപിച്ചെന്ന​ ഹാക്കർമാരുടെ അവകാശവാദത്തെ ശർമ തള്ളിക്കളഞ്ഞു. യു.പി.​െഎ സംവിധാനം ഉപയോഗിച്ച്​ രാജ്യത്ത്​ ആർക്കും പണം മറ്റൊരാളുടെ അക്കൗണ്ടിലേക്ക്​ നിക്ഷേപിക്കാം. ഇങ്ങനെ പണം നിക്ഷേപിക്കുന്നത്​ ഹാക്കിങ്​ ആണെന്ന്​ പറയുകയാണെങ്കിൽ രാജ്യത്തുള്ള എല്ലാവരും ഇത്തരത്തിൽ ഹാക്ക്​ ചെയ്യപ്പെടാൻ ആഗ്രഹിക്കുന്നവരായിരിക്കുമെന്നും ശർമ പറഞ്ഞു. ഹാക്കർമാരുടെ വെല്ലുവിളിയിൽ നിന്നും താൻ പിന്നോട്ടില്ലെന്നും അദ്ദേഹം അറിയിച്ചു. 

അതേ സമയം ചിലർ അവരുടെ സിസ്റ്റങ്ങളിലുള്ള പിഴവുകൾ മറച്ചുവെക്കാൻ ആധാറിനെ പഴിക്കുന്ന സാഹചര്യവും രാജ്യത്ത്​ നിലനിൽക്കുന്നതായി ശർമ പറഞ്ഞു. ഇൗയടുത്ത്​ ഇ.പി.എഫ്​.ഒയുടെ വിവരച്ചോർച്ചയുമായി ബന്ധപ്പെട്ട്​ നടന്ന വിവാദങ്ങളിൽ പഴി കേട്ടത്​ ആധാറിനായിരുന്നു. ഇ.പി.എഫ്​.ഒ ദാതാക്കൾ ആധാർ നമ്പർ ഇതിൽ ബന്ധിപ്പിച്ചതിനാലായിരുന്നു അത്​ ആധാറി​​​​​​​​െൻറ തലയിൽ വന്നത്​ -ശർമ പറഞ്ഞു.

ആധാർ ഒരിക്കലും ഒരു രഹസ്യ നമ്പർ അല്ല. അത്​ ചോർന്നാലും ഒന്നും സംഭവിക്കാൻ പോകുന്നില്ല. ഇത്​ ആധാർ സുരക്ഷിതമല്ലെന്ന ലേഖനത്തിന്​ മറുപടിയായി ഞാൻ ഒരു അഭിമുഖത്തിൽ പറഞ്ഞിരുന്നു​. ശേഷം ട്വിറ്ററിൽ ഒരു യൂസർ എന്നോട്​ ആധാർ നമ്പർ പരസ്യ​പ്പെടുത്താൻ വെല്ലുവിളിച്ചു. അതുകൊണ്ടാണ്​ പരസ്യപ്പെടുത്തിയതെന്നും അദ്ദേഹം പറഞ്ഞു.

ആധാർ പോലുള്ള സംവിധാനം നിർമിക്കുന്നതിന്​ ത​​​​​​​​െൻറ ജീവിത​ത്തി​​​​​​​​െൻറ നല്ലൊരു ഭാഗം തന്നെ മാറ്റിവെച്ചു. ആധാർ എങ്ങനെയാണ്​ വർക്ക്​ ചെയ്യുന്നത്​ എന്നതി​നെ കുറിച്ചും അതുവെച്ച്​ എന്തൊക്കെ ചെയ്യാം, ചെയ്യാതിരിക്കാം എന്നതി​നെ കുറിച്ചും താൻ ബോധവാനാണ്​. ആധാർ നമ്പർ ഉള്ളവർക്ക്​ അതുകൊണ്ട്​ യാതൊരു ദോഷവും വരാത്ത രീതിയിലാണ്​ അത്​ നിർമിച്ചിട്ടുള്ളത്​. അത്​ അവരെ ശക്​തിപ്പെടുത്തുക മാത്രമാണ്​ ചെയ്യുന്നത്​ -ശർമ കൂട്ടിച്ചേർത്തു. സബ്​സിഡികളും സേവനങ്ങളും ലഭിക്കുന്നവർക്ക്​ ഇതൊരു അനുഗ്രഹമാണ്​. വിവിധ സേവനങ്ങൾക്ക്​ നിർബന്ധ​മല്ലാതിരുന്നിട്ട്​ കൂടി ആധാർ നമ്പർ നൽകുന്ന കൂട്ടരും ഉണ്ടെന്ന്​ ശർമ അറിയിച്ചു.

നികുതി വെട്ടിക്കുന്നവർക്കും ബിനാമി ഇടപാടുകാർക്കും മറ്റ്​ നിയമവിരുദ്ധ പ്രവർത്തനങ്ങളിൽ ഏർപ്പെടുന്നവർക്കും ആധാർ സംവിധാനം ഒരു വെല്ലുവിളിയാണ്​. അതിനാൽ ആധാർ സംവിധാനത്തിനെതിരെ വ്യാജ വാർത്തകൾ പടച്ചുവിടുന്നത്​ അവർക്ക്​ ഗുണകരമാണ്​. ആധാർ നമ്പർ പങ്കുവെക്കുന്നത്​ അപകടകരമാണെന്ന്​ വരുത്തിതീർക്കലാണ്​ അവരുടെ ലക്ഷ്യമെന്നും ട്രായ്​ ചെയർമാൻ മുന്നറിയിപ്പ്​ നൽകി. 

ത​​​​​​​​െൻറ ആധാർ നമ്പർ പങ്കുവെച്ച്​ അവരുടെ വെല്ലുവിളി സ്വീകരിച്ചത്​ തന്നെ ആധാർ സുരക്ഷിതമാണെന്ന്​ തെളിയിക്കാനായിരുന്നു. സേവനങ്ങൾക്ക്​ ആധികാരികത നൽകുക മാത്രമാണ്​ ആധാർ ചെയ്യുന്നത്​. എന്നാൽ ഏതൊക്കെ സേവനങ്ങളുമായാണ്​ അത്​ ബന്ധിപ്പിച്ചിരിക്കുന്നത്?​ എന്ന വിവരം യുനീക്​ ​െഎഡൻറിഫിക്കേഷൻ അതോറിറ്റി ഒാഫ്​ ഇന്ത്യക്ക്​  (യു.​െഎ.ഡി.എ.​െഎ) അറിയാൻ കഴിയില്ലെന്നും ആർ.എസ്​ ശർമ ഉറപ്പുനൽകി.