Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightകോവാക്​സിൻ എടുത്തവർ...

കോവാക്​സിൻ എടുത്തവർ വിഷമിക്കേണ്ട, ഡബ്ല്യൂ.എച്ച്​.ഒ അംഗീകാരം ഈ മാസം തന്നെ ഉ​ണ്ടായേക്ക​ും

text_fields
bookmark_border
കോവാക്​സിൻ എടുത്തവർ വിഷമിക്കേണ്ട, ഡബ്ല്യൂ.എച്ച്​.ഒ അംഗീകാരം ഈ മാസം തന്നെ ഉ​ണ്ടായേക്ക​ും
cancel

ന്യൂഡൽഹി: കോവിഡിനെ തുരത്താൻ ഇന്ത്യ നിർമിച്ച കോവാക്​സിൻ​ എടുത്ത്​ വിദേശത്ത്​​ കാൽകുത്താനാവാതെ പ്രതിസന്ധിയിലായവർക്ക്​ സന്തോഷ വാർത്ത. കോവാക്​സിന്​ ലോകാരോഗ്യ സംഘടനയുടെ അംഗീകാരം ഈ മാസം തന്നെ ഉ​ണ്ടായേക്കുമെന്നാണ്​ ഔദ്യോഗിക വൃത്തങ്ങളിൽ നിന്നുള്ള സൂചന.


ഹൈദരാബാദ്​ കേന്ദ്രമായുള്ള ഭാരത്​ ബ​േയാടെക്​ നിർമിച്ച്​ ഇന്ത്യയിലൂടനീളം വിതരണം ചെയ്​ത കോവാക്​സിൻ നിരവധി പേർ കുത്തിവെച്ചെങ്കിലും, തുടക്കം തന്നെ അന്താരാഷ്​ട്ര അംഗീകാരം നേടാൻ കഴിയാതിരുന്നത്​ കുത്തിവെപ്പെടുത്ത പലരെയും പ്രതിസന്ധിയിലാക്കിയിരുന്നു. വിദേശ രാജ്യങ്ങളൊന്നും കോവാക്​സിൻ അംഗീകരിക്കാതിരുന്നതോടെ, കോവാക്​സിന്​ പിന്നാലെ അംഗീകാരമുള്ള മറ്റേതെങ്കിലും വാക്​സിൻ കൂടി എടുക്കാൻ പലരും നിർബന്ധിതരായിരുന്നു. ഇന്ത്യൻ വാക്​സിന്​ ലോകാരോഗ്യ സംഘടനയുടെ അംഗീകാരം ലഭ്യമാക്കാൻ ശ്രമം നടത്താത്തതിൽ കേന്ദ്രസർക്കാറിനെതിരെ വ്യാപക വിമർശനവും ഉയർന്നു. ഇതിനു പിന്നാലെയാണ്​ ഭാരത്​ ബയോടെക്കും കേ​ന്ദ്ര സർക്കാറും അംഗീകാരത്തിനായി ശ്രമം തുടങ്ങിയത്​.


ഒടുവിൽ അന്താരാഷ്​ട്ര മാനദണ്ഡങ്ങൾ പാലിച്ചുള്ള വാക്​സിനാണെന്ന്​ തെളിയിക്കാനായതോടെയാണ്​ ലോകാരോഗ്യ സംഘടന ഇന്ത്യൻ വാക്​സിന്​ അംഗീകാരം നൽകാൻ ധാരണയായത്​. നിലവിൽ ഫൈസർ, ജോൺസൻ ആൻഡ്​ ജോൺസൻ, മൊഡേണ, സിനോഫാം, ഓസ്​ഫഡ്​-ആസ്​ട്ര ​െസനിക്ക, സ്​ഫുഡ്​നിക്​, കോവിഷീൽഡ്​ എന്നിവക്കാണ്​ ലോകാരോഗ്യ സംഘടനയുടെ അംഗീകാരം ലഭിച്ചത്​. രാജ്യാന്തര അംഗീകാരമില്ലെങ്കിലും കോവാക്​സിന്​ അടിയന്തര ഉപയോഗത്തിന് ഡബ്ല്യൂ.എച്ച്​.ഒ​ അനുമതി നൽകിയിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:whoCovaxin
News Summary - WHO's Approval For Covaxin Likely This Month: Report
Next Story