‘പിന്നെ ആരാണ് എന്‍റെ പിതാവിനെ കൊന്നത്‍?’ -പെ​ഹ്​​ലു​ഖാ​ന്‍റെ മകൻ ചോദിക്കുന്നു

നൂഹ് (ഹരിയാന): രാജസ്ഥാനിലെ അൽവാർ ജില്ലയിലെ ദേശീയപാതക്കരികിൽ തന്‍റെ പിതാവ് പെ​ഹ്​​ലു​ഖാ​നെ ഒരുകൂട്ടം ഗോരക്ഷക ഗുണ്ടകൾ തല്ലിച്ചതക്കുന്നത് ഇർഷാദ് നേരിട്ട് കണ്ടതാണ്. 2017 ഏപ്രിൽ 1നായിരുന്നു അത്. രണ്ടു ദിവസങ്ങൾക്കു ശേഷം ആശുപത് രിയിൽ ഗുരുതര പരിക്കുകളോട് പൊരുതി തന്‍റെ മുന്നിൽവെച്ചു തന്നെ പിതാവ് മരിച്ചു. രണ്ടു വർഷങ്ങൾക്കു ശേഷം ഇപ്പോൾ ആൾക ്കൂട്ടക്കൊലയുടെ രക്തസാക്ഷി പെ​ഹ്​​ലു​ഖാ​ന്‍റെ മൂത്ത മകൻ 28കാരനായ ഇർഷാദ് നിസ്സഹായനാണ്.

പിതാവിനെ തല്ലിക്ക ൊന്ന കേസിലെ പ്രതികളെ സം​ശ​യ​ത്തി​​​​െൻറ ആ​നു​കൂ​ല്യ​ത്തി​ൽ കോടതി വെറുതെ വിട്ടിരിക്കുന്നു. ‘‘പിന്നെ ആരാണ് എന ്‍റെ പിതാവിനെ കൊന്നത്‍്?’’ ഹൃദയം നുറുങ്ങുന്ന വേദനയിൽ ഇർഷാദ് ചോദിക്കുന്നു.

അന്ന് നൂറോളം പേർ തങ്ങളെ വളഞ്ഞുവെന്ന് ഇർഷാദ് ഓർക്കുന്നു. കാലികളെ കശാപ്പ് ചെയ്യാനല്ല കൊണ്ടുപോകുന്നതെന്ന് പറഞ്ഞ് കേണപേക്ഷിച്ച പിതാവിനെ അവർ ക്രൂരമായി മർദ്ദിക്കുകയും വീഡിയോ പകർത്തുകയും ചെയ്യുകയായിരുന്നു. പക്ഷേ കോടതി വിധി ഞെട്ടിച്ചു. അദ്ദേഹം സ്വയം മരിച്ചുവെന്നാണോ? -ഇർഷാദ് ചോദിക്കുന്നു. പൊലീസ് ഒരുപാട് കാര്യങ്ങൾക്ക് ഉത്തരം പറയേണ്ടതുണ്ടെന്ന് ഖാന്‍റെ മകൾ 13കാരിയായ ഹുനിജ പറഞ്ഞു.

മേ​വാ​ത്തി​ലെ ക്ഷീരകർഷകനായ പെ​ഹ്​​ലു​ഖാ​നെ (55) ത​ല്ലി​ക്കൊ​ന്ന കേ​സി​ൽ കുറ്റാരോ​പി​ത​രാ​യ ആ​റു​പേ​രെ​യും രാ​ജ​സ്​​ഥാ​നി​ലെ അ​ൾ​വാ​ർ അ​ഡീ​ഷ​ന​ൽ ജി​ല്ല കോ​ട​തിയാണ് വെ​റു​തെ വി​ട്ടത്. സം​ശ​യ​ത്തി​​​​െൻറ ആ​നു​കൂ​ല്യ​ത്തി​ൽ പ്ര​തി​ക​ളെ വി​ട്ട​യ​ച്ച കോ​ട​തി, പെ​ഹ്​​ലു​ഖാ​നെ ആ​ൾ​ക്കൂ​ട്ടം ആ​ക്ര​മി​ക്കു​ന്ന വി​ഡി​യോ തെ​ളി​വാ​യി സ്വീ​ക​രി​ക്കാ​നാ​വി​ല്ലെ​ന്നും വ്യ​ക്​​തമാക്കി.

രാ​ജ​സ്ഥാ​നി​ല്‍നി​ന്ന് ഹ​രി​യാ​ന​യി​ലേ​ക്ക് പ​ശു​ക്ക​ളെ​യും കൊ​ണ്ടു​പോ​വു​ക​യാ​യി​രു​ന്നു ഖാ​നും മ​ക്ക​ളും. ​സം​ഘ​ത്തെ ഗോ​ര​ക്ഷ​ക ഗു​ണ്ട​ക​ൾ ആ​ക്ര​മി​ച്ചു. രാ​ജ​സ്ഥാ​നി​ലെ ജ​യ്പൂ​രി​ന​ടു​ത്ത കാ​ലി​ച്ച​ന്ത​യി​ൽ​നി​ന്ന് പ​ശു​വി​നെ​യും കി​ടാ​ങ്ങ​ളെ​യും വി​ല​കൊ​ടു​ത്ത് വാ​ങ്ങി​യ ര​സീ​ത്​ കാ​ണി​ച്ചി​ട്ടും ആ​ക്ര​മ​ണം തു​ട​ർ​ന്നു. മ​ർ​ദ​ന​മേ​ൽ​ക്കു​േ​മ്പാ​ൾ കൂ​ടെ ഉ​ണ്ടാ​യി​രു​ന്ന ര​ണ്ട്​ മ​ക്ക​ള​ട​ക്കം 40 സാ​ക്ഷി​ക​ളു​ണ്ട്. പ്രാ​യ​പൂ​ർ​ത്തി​യാ​കാ​ത്ത ര​ണ്ടു പേ​രു​ൾ​പ്പെ​ടെ ഒമ്പത്​​ കു​റ്റാ​രോ​പി​ത​ർ ഉ​ണ്ടാ​യി​രു​ന്നു. വി​ചാ​ര​ണ​ക്കി​ടെ ഒ​രാ​ൾ മ​രി​ച്ചു.

എങ്കിലും നീതിന്യായ വ്യവസ്ഥയിൽ ഇപ്പോഴും വിശ്വാസമർപ്പിക്കുന്നുെവന്ന് ഗുഡ്ഗാവിൽനിന്ന് 70 കിലോമീറ്റർ അകലെ ജയ്സിങ്പൂരിലെ വീട്ടിലിരുന്ന് ഇർഷാദും സഹോദരങ്ങളും വ്യക്തമാക്കുന്നു.