സംഭൽ ഷാ​ഹി ജമാ മസ്ജിദിന്റെ ചുവരുകൾ പെയിന്റടിച്ചു തുടങ്ങി, ഒരാഴ്ച കൊണ്ട് പൂർത്തിയാകും; നടപടി കോടതി ഉത്തരവിന് ശേഷം

ലഖ്നോ: ഉത്തർപ്രദേശിലെ സംഭൽ ഷാ​ഹി ജമാ മസ്ജിന്റെ പുറംചുവരുകൾ വെള്ള പെയിന്റടിക്കാനുള്ള നടപടികൾ തുടങ്ങി. മസ്ജിദിന്റെ പുറംഭാഗം പെയിന്റടിക്കാനും ലൈറ്റുകൾ പിടിപ്പിക്കാനും അനുമതി നൽകിയ അലഹാബാദ് ​കോടതി വിധിക്ക് പിന്നാലെയാണിത്. മാർച്ച് 12നായിരുന്നു മസ്ജിദിൽ നവീകരണ പ്രവർത്തനങ്ങൾക്ക് കോടതി അനുമതി നൽകിയത്.

തുടർന്ന് മാർച്ച് 13ന് ആർക്കിയോളജിക്കൽ സർവേ അംഗങ്ങൾ മസ്ജിദിൽ പരിശോധന നടത്തുകയും ചെയ്തു. ഒരാഴ്ചക്കുള്ളിൽ മസ്ജിദിലെ പെയിന്റടി പൂർത്തീകരിക്കാനാകുമെന്നാണ് ആർക്കിയോളജിക്കൽ സർവേ അധികൃതർ പറയുന്നത്. എട്ടുപേരാണ് ജോലിക്കുള്ളത്.

മസ്ജിദിന്റെ പുറംചുമരിൽ വെള്ള പെയിന്റടിച്ചാൽ എന്താണ് പ്രശ്നമെന്ന് അലഹാബാദ് ഹൈകോടതി ആർക്കിയോളജിക്കൽ സർവേ അധികൃതരോട് ചോദിച്ചിരുന്നു. പെ​യി​ന്റ​ടി​ക്കാ​ൻ അ​നു​മ​തി തേ​ടി മ​സ്ജി​ദ് ക​മ്മി​റ്റി സ​മ​ർ​പ്പി​ച്ച ഹ​ര​ജി പ​രി​ഗ​ണി​ക്ക​വേ ജ​സ്റ്റി​സ് രോ​ഹി​ത് ര​ഞ്ജ​ൻ അ​ഗ​ർ​വാ​ൾ ആ​യിരുന്നു ​ചോ​ദ്യ​മു​ന്ന​യി​ച്ച​ത്.

മ​​സ്ജി​​ദി​​ന്റെ ഉ​​ൾ​​ഭാ​​ഗം സെ​​റാ​​മി​​ക് പെ​​യി​​ന്റാ​​ണെ​​ന്നും നി​​ല​​വി​​ൽ വെ​​ള്ള പെ​​യി​​ന്റ​​ടി​​ക്കേ​​ണ്ട​​തി​​ല്ലെ​​ന്നു​​മാ​​യി​​രു​​ന്നു എ.​എ​സ്.​ഐ റി​​പ്പോ​​ർ​​ട്ട്. എ​ന്നാ​ൽ, പു​റം​ചു​മ​രി​ൽ വെ​ള്ള പെ​​യി​​ന്റ​​ടി​​ക്കു​​ക​​യും വി​​ള​​ക്കു​​ക​​ളു​​ടെ പ്ര​​വൃ​​ത്തി ന​​ട​​ത്തു​​ക​​യും മാ​​ത്ര​​മാ​​ണ് ആ​​വ​​ശ്യ​​മെ​​ന്ന് വെ​​ള്ളി​​യാ​​ഴ്ച മ​​സ്ജി​​ദ് ക​​മ്മി​​റ്റി​​ക്കു​​വേ​​ണ്ടി ഹാ​​ജ​​രാ​​യ എ​​സ്.​​എ​​ഫ്.​​എ. ന​​ഖ്‍വി ബോ​​ധി​​പ്പി​​ച്ചു.

കഴിഞ്ഞ വർഷം നവംബർ 24നായിരുന്നു സംഭലിൽ അനിഷ്ട സംഭവങ്ങൾ അരങ്ങേറിയത്. സം​ഭ​ൽ ജ​മാ മ​സ്ജി​ദി​ൽ കോ​ട​തി നി​ർ​ദേ​ശ​പ്ര​കാ​രം ന​ട​ത്തി​യ സ​ർ​വേ​ക്കി​ടെ​യു​ണ്ടാ​യ സം​ഘ​ർ​ഷ​ത്തി​ൽ നാ​ലു​പേർ കൊല്ലപ്പെട്ടു. പൊലീസ് ഉദ്യോഗസ്ഥരടക്കം നിരവധി പേർക്ക് പരിക്കേൽക്കുകയും ചെയ്തു. ഈ കേസിന്റെ അടുത്ത വാദം കേൾക്കൽ ഏപ്രിൽ എട്ടിനാണ്.