ജയ്​ ശ്രീറാം വിളിക്കുന്നത്​ കൊണ്ട്​ എന്താണ്​ കുഴപ്പം? -തെരഞ്ഞെടുപ്പ്​ വിജയത്തിന്​ പിന്നാലെ സിന്ധ്യ

ഭോപ്പാൽ: മധ്യപ്രദേശ്​ ഉപതെരഞ്ഞെടുപ്പിൽ മികച്ച വിജയം നേടി ബി.ജെ.പി സർക്കാറി​െൻറ നില ഭ​​ദ്രമാക്കിയതിന്​ പിന്നാലെ പ്രതികരണവുമായി ജ്യോതിരാദിത്യ സിന്ധ്യ. മതേതരവാദികളായ ആളുകൾക്ക്​ ജയ്​ ശ്രീറാം വിളിക്കുന്നതിന്​ എന്താണ്​ കുഴപ്പമെന്ന്​ ബി.ജെ.പി നേതാവും രാജ്യസഭ എം.പിയും കൂടിയായ സിന്ധ്യ ചോദിച്ചു.

ബിഹാർ നിയമസഭ തെരഞ്ഞെടുപ്പ്​ പ്രചാരണ വേളയിൽ പ്രധാനമന്ത്രി നരേന്ദ്ര മോദിയും ബി.ജെ.പിയും ജയ്​ ശ്രീറാം, അയോധ്യ രാമക്ഷേത്രം, അർബൻ നക്​സൽ എന്നീ വിഷയങ്ങളിലൂന്നി നടത്തിയ പ്രചാരണങ്ങളെ കുറിച്ചുള്ള ചോദ്യങ്ങളോട്​ പ്രതികരിക്കുകയായിരുന്നു സിന്ധ്യ.

'പ്രധാനമന്ത്രി 130 കോടി ഇന്ത്യക്കാരുടെ നേതാവാണ്​. ജയ്​ ശ്രീറാം വിളിക്കുന്നത്​ കൊണ്ട്​ എന്താണ്​ കുഴപ്പം?. നിങ്ങളൊരു മതേതരവാദിയാണെങ്കിൽ ജയ്​ ശ്രീറാം വിളിക്കാൻ പാടില്ലേ?. തുക്​ഡേ തുക്​ഡേ ഗാങ്ങിനെ കുറിച്ചാണെങ്കിൽ ഇന്ത്യയുടെ ഐക്യത്തെ വെല്ലുവിളിക്കുന്ന എല്ലാവരും എതിർക്കപ്പെടണം. നമ്മുടെ രാജ്യത്തി​െൻറ ഐക്യം തകർക്കപ്പെടുകയാണെങ്കിൽ, അതിന്​ ഏറ്റവും കഠിനമായ ശിക്ഷ നൽകണം' - സിന്ധ്യ പറഞ്ഞു.

'ഞാനൊരു എളിയ പ്രവർത്തകൻ മാത്രമാണ്​. അതാണ്​ എ​െൻറ ഉത്തരവാദിത്വം. ചില കോൺഗ്രസ്​ നേതാക്കളെ പോലെ അധികാരത്തിനായുള്ള മത്സരത്തിന്​ ഞാനില്ല. അവരുടെ പേര്​ പറയാൻ ഞാൻ ആഗ്രഹിക്കുന്നില്ല' -സിന്ധ്യ പറഞ്ഞു. രണ്ട്​ പതിറ്റാണ്ട്​ കാലം പ്രവർത്തിച്ച പാർട്ടിയിൽ നിന്നും മറുവശ​ത്തെത്തു​േമ്പാൾ കാര്യങ്ങളുമായി പൊരുത്തപ്പെട്ടു പോകാൻ പ്രയാസപ്പെ​ട്ടെങ്കിലും തന്നോട്​ സഹകരിച്ച ബി.ജെ.പി നേതാക്കളെ അദ്ദേഹം നന്ദി അറിയിച്ചു.

ഉപതെരഞ്ഞെടുപ്പ്​ പ്രചാരണവേളയിൽ അബദ്ധത്തിൽ കൈപ്പത്തിക്ക്​ വോട്ട്​ ചെയ്യാൻ അഭ്യർഥിച്ച്​ പോയ സിന്ധ്യയുടെ വിഡിയോ വൈറലായിരുന്നു. അതിനിടെ താൻ എന്തിനാണ്​ കോൺഗ്രസ്​ വിട്ട​െതന്ന കാര്യവും സിന്ധ്യ പറയുന്നുണ്ട്​.

'15 വർഷം അധികാരത്തിന്​ വെളിയിൽ നിന്നതിന്​ ​ശേഷം രൂപീകരിക്കപ്പെട്ട സർക്കാറിന്​ ആറ്​ മന്ത്രിമാരടക്കം 22 പേരുടെ വിശ്വാസം നഷ്​ടപ്പെട്ട സംഭവം ആദ്യമായിട്ടായിരിക്കും. അതായിരുന്നു കമൽനാഥ്​ സർക്കാർ' - സിന്ധ്യ കൂട്ടിച്ചേർത്തു.

കമൽനാഥ്​ സർക്കാറിനെ താ​ഴെയിട്ട്​ മാർച്ചിലാണ്​ സിന്ധ്യയും അനുകൂലികളും ബി.ജെ.പി പാളയത്തിലേക്ക്​ നീങ്ങിയത്​. ഇതേത്തുടർന്നാണ്​ 28 അസംബ്ലി സീറ്റുകളിലേക്കായി നവംബർ മൂന്നിന്​ ഉപതെരഞ്ഞെടുപ്പ്​ നടന്നത്​. 230 അംഗ നിയമസഭയിൽ സർക്കാർ രൂപീകരിക്കാൻ എട്ട്​ സീറ്റുകൾ മാത്രമായിരുന്നു ബി.ജെ.പിക്ക്​ വേണ്ടിയിരുന്നത്​.