You are here

പരീകറി​െൻറ കിടപ്പുമുറിയിലുള്ള റഫാൽ രഹസ്യം എന്താണ്​?- കോൺഗ്രസ്​

16:32 PM
02/01/2019
Manohar Parrikar

ന്യൂഡൽഹി: റഫാൽ കരാറുമായി ബന്ധ​െപ്പട്ട ഫയലുകൾ ത​​െൻറ കിടപ്പുമുറിയിലാണെന്ന്​​ ഗോവ മുഖ്യമന്ത്രി മനോഹർ പരീകർ അവകാശപ്പടുന്നതി​​െൻറ ശബ്​ദരേഖ ഉണ്ടെന്ന്​ കോൺഗ്രസ്​. ഫയലുകൾ പരീകറി​​െൻറ കിടപ്പുമുറിയിൽ ആയതിനാലാണോ മോദി സർക്കാർ റ​ഫാൽ വിഷയത്തിൽ സംയുക്​ത പാർലമ​െൻററി കമ്മിറ്റി അന്വേഷണത്തിന്​ അനുമതി നൽകാത്തതെന്നും കോൺഗ്രസ്​ ചോദിച്ചു. 

ഇന്ത്യയും ഫ്രാൻസും തമ്മിൽ 36 ജെറ്റ്​ വിമാനങ്ങളുടെ കരാർ ഒപ്പിടു​േമ്പാൾ മനോഹർ പരീകറായിരുന്നു കേന്ദ്ര പ്രതിരോധമന്ത്രി. 2017 മാർച്ച്​ മുതലാണ്​ അദ്ദേഹം ഗോവ മുഖ്യമന്ത്രിയായത്​. ആരോഗ്യ പ്രശ്​നങ്ങൾ അനുഭവിക്കുന്ന അ​േദ്ദഹത്തെ മുഖ്യമന്ത്രി സ്​ഥാനത്തു നിന്ന്​ നീക്കണമെന്ന്​ ആവശ്യമുയർന്നിരുന്നു. എന്നാൽ റഫാൽ ഫയലുകൾ ത​​െൻറ കിടപ്പുമുറിയിൽ ഇരിക്കുന്നിട​ത്തോളം തന്നെ ആർക്കും സ്​ഥാനത്തു നിന്ന്​ മാറ്റാനാകില്ലെന്ന്​ ഗോവൻ മന്ത്രിസഭാ യോഗത്തിനിടെ പരീകർ അവകാശപ്പെട്ടുവെന്നാണ്​ കോൺഗ്രസ്​ ആ​രോപിക്കുന്നത്​. 

റഫാൽ കരാർ രഹസ്യമാക്കുന്നത്​ എന്തിനാണ്​. രേഖാമൂലം നടന്ന കരാറാണെങ്കിൽ അത്​ പരസ്യമാക്കുന്നതിന്​ എന്താണ്​ പ്രശ്​നമെന്നും കോൺഗ്രസ്​ വാക്​താവ്​ രൺദീപ്​ സുർജെവാല ചോദിച്ചു. 
 

Loading...
COMMENTS