കാണുന്നത് ജനാധിപത്യത്തിന്റെ മരണം -രാഹുൽ

ന്യൂ​ഡ​ൽ​ഹി: സ്വാ​ത​ന്ത്ര്യ​ത്തി​ന്റെ 75-ാം വാ​ർ​ഷി​ക വേ​ള​യി​ൽ ജ​നാ​ധി​പ​ത്യ​ത്തി​ന്റെ മ​ര​ണ​ത്തി​നാ​ണ് രാ​ജ്യം സാ​ക്ഷ്യം​വ​ഹി​ക്കു​ന്ന​തെ​ന്ന് കോ​ൺ​ഗ്ര​സ് നേ​താ​വ് രാ​ഹു​ൽ ഗാ​ന്ധി. ഇ​ഷ്ടി​ക ഓ​രോ​ന്നാ​യി എ​ടു​ത്തു​വെ​ച്ച് ഒ​രു​നൂ​റ്റാ​ണ്ടു​കൊ​ണ്ട് നി​ർ​മി​ച്ച ഇ​ന്ത്യ​യെ ന​മ്മു​ടെ ക​ൺ​മു​ന്നി​ൽ ത​ക​ർ​ക്കു​ന്ന​താ​ണ് കാ​ഴ്ച. സ്വേ​ച്ഛാ​ധി​പ​ത്യ ഭ​ര​ണ​ത്തെ ചോ​ദ്യം ചെ​യ്യു​ന്ന​വ​രെ ആ​ക്ര​മി​ക്കു​ന്നു, ത​ല്ലി​യൊ​തു​ക്കു​ന്നു, ജ​യി​ലി​ലാ​ക്കു​ന്നു. കോ​ൺ​ഗ്ര​സി​ന്റെ ദേ​ശ​വ്യാ​പ​ക വി​ല​ക്ക​യ​റ്റ വി​രു​ദ്ധ പ്ര​തി​ഷേ​ധ​ത്തി​നു മു​മ്പ് വാ​ർ​ത്ത​സ​മ്മേ​ള​ന​ത്തി​ൽ സം​സാ​രി​ക്കു​ക​യാ​യി​രു​ന്നു രാ​ഹു​ൽ.

തൊ​ഴി​ലി​ല്ലാ​യ്മ​യും അ​തി​ക്ര​മ​ങ്ങ​ളും ആ​രും ഉ​യ​ർ​ത്തി​ക്കൊ​ണ്ടു​വ​രു​ന്നി​ല്ലെ​ന്ന് ഉ​റ​പ്പാ​ക്കു​ക​യെ​ന്ന ഒ​റ്റ അ​ജ​ണ്ട മാ​ത്ര​മാ​ണ് മോ​ദി സ​ർ​ക്കാ​റി​ന്. ജ​നാ​ധി​പ​ത്യ​മി​ല്ലാ​ത്ത രാ​ജ്യ​ത്ത് നാ​ലു​പേ​രു​ടെ സ്വേ​ച്ഛാ​ധി​പ​ത്യ​മാ​ണ് ന​ട​ക്കു​ന്ന​തെ​ന്നും രാ​ഹു​ൽ കു​റ്റ​പ്പെ​ടു​ത്തി.ജ​നാ​ധി​പ​ത്യ​ത്തി​നും സൗ​ഹാ​ർ​ദ​ത്തി​നും​വേ​ണ്ടി പോ​രാ​ടു​ന്ന​തു കൊ​ണ്ടാ​ണ് നെ​ഹ്റു കു​ടും​ബം ആ​ക്ര​മി​ക്ക​പ്പെ​ടു​ന്ന​ത്. എ​ല്ലാ​വ​ർ​ക്കും അ​ക്കാ​ര്യ​മ​റി​യാം. ആ​ർ.​എ​സ്.​എ​സി​നെ കൂ​ടു​ത​ൽ കൂ​ടു​ത​ൽ ചെ​റു​ക്കു​മ്പോ​ൾ, അ​തി​നൊ​ത്ത് ത​നി​ക്കെ​തി​രാ​യ ആ​ക്ര​മ​ണം കൂ​ടി​വ​രു​ക​യാ​ണ്. ആ​ക്ര​മി​ക്ക​ട്ടെ, സ​ന്തോ​ഷം മാ​ത്രം. പേ​ടി​പ്പി​ക്കാ​ൻ ശ്ര​മി​ക്കാ​മെ​ന്ന​ല്ലാ​തെ ഉ​ദ്ദേ​ശി​ക്കു​ന്ന ഗു​ണ​മു​ണ്ടാ​കാ​ൻ പോ​കു​ന്നി​ല്ല -രാ​ഹു​ൽ പ​റ​ഞ്ഞു.

നാഷനൽ ഹെറാൾഡിന് അനുവദിച്ച ഭൂമി: അന്വേഷണവുമായി മധ്യപ്രദേശ്

ഭോ​പാ​ൽ: കോ​ൺ​ഗ്ര​സ് മു​ഖ​പ​ത്രം നാ​ഷ​ന​ൽ ഹെ​റാ​ൾ​ഡി​നാ​യി ഭോ​പാ​ലി​ൽ ഭൂ​മി അ​നു​വ​ദി​ച്ച​തി​ൽ അ​ന്വേ​ഷ​ണം ന​ട​ത്താ​ൻ ഉ​ത്ത​ര​വി​ട്ട് മ​ധ്യ​പ്ര​ദേ​ശ് സ​ർ​ക്കാ​ർ. പ​ത്ര​ത്തി​ന​നു​വ​ദി​ച്ച സ്ഥ​ല​ത്ത് വാ​ണി​ജ്യ സ​മു​ച്ച​യ​ങ്ങ​ൾ നി​ല​വി​ൽ വ​ന്ന​ത് ച​ട്ട​ലം​ഘ​ന​മാ​ണെ​ന്ന് സം​സ്ഥാ​ന ന​ഗ​ര​ഭ​ര​ണ മ​ന്ത്രി ഭൂ​പേ​ന്ദ്ര സി​ങ് പ​റ​ഞ്ഞു. അ​ന്വേ​ഷ​ണം ന​ട​ക്കു​ക​യാ​ണെ​ന്നും നി​യ​മ​വി​രു​ദ്ധ​മാ​യി എ​ന്തെ​ങ്കി​ലും ക​ണ്ടാ​ൽ ന​ട​പ​ടി​യെ​ടു​ക്കു​മെ​ന്നും സി​ങ് പ​റ​ഞ്ഞു.

നാ​ഷ​ന​ൽ ഹെ​റാ​​ൾ​ഡ് വി​ഷ​യ​ത്തി​ൽ ഇ.​ഡി ന​ട​പ​ടി​ക​ൾ​ക്കെ​തി​രെ കോ​ൺ​ഗ്ര​സ് പ്ര​തി​ഷേ​ധം ക​ടു​പ്പി​ക്കു​ന്ന​തി​നി​ടെ​യാ​ണ് പു​തി​യ നീ​ക്ക​വു​മാ​യി മ​ധ്യ​പ്ര​ദേ​ശ് സ​ർ​ക്കാ​ർ രം​ഗ​​ത്തെ​ത്തി​യ​ത്.