Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightഅക്രമത്തിന്​ ഇരയായത്​...

അക്രമത്തിന്​ ഇരയായത്​ അഭിഷേകോ ശ്വേതയോ ആയിരുന്നെങ്കിൽ ഇങ്ങനെ പറയുമായിരുന്നോ? -ജയ ബച്ചനെതിരെ കങ്കണ

text_fields
bookmark_border
അക്രമത്തിന്​ ഇരയായത്​ അഭിഷേകോ ശ്വേതയോ ആയിരുന്നെങ്കിൽ ഇങ്ങനെ പറയുമായിരുന്നോ? -ജയ ബച്ചനെതിരെ കങ്കണ
cancel


ന്യൂഡൽഹി: ​ബോളിവുഡിലൂടെ പേരും പ്രശസ്​തിയും നേടിയവർ അതിനെ അ​ഴുക്ക്​ചാലെന്ന്​ വിളിക്കുന്നത്​ അപമാനകരമെന്ന നടിയും എം.പിയുമായ ജയ ബച്ച​െൻറ പരാമർശത്തിനെതിരെ ​നടി കങ്കണ റണാവത്ത്​. അക്രമത്തിനോ പീഡനത്തിനോ ഇരയായത്​ മക്കളായ അഭിഷേക്​ ബച്ചനോ ശ്വേതയോ ആയിരുന്നെങ്കിൽ ജയ ബച്ചൻ ഇത്തരത്തിൽ പരാമർശം നടത്തുമായിരുന്നോ എന്ന്​ കങ്കണ ട്വിറ്ററിലൂടെ ചോദിച്ചു. ഇരകളോട്​ അനുകമ്പ കാണിക്കണമെന്നും കങ്കണ ആവശ്യപ്പെട്ടു.

ലഹരി മരുന്ന്​ ഉപയോഗം ലോക്​സഭയിൽ പരാമർശിച്ച ബി.ജെ.പി എം.പി രവി കിഷനെതിരെ ആഞ്ഞടിച്ച ജയ ബച്ചൻ, ബോളിവുഡ്​ അനേക ലക്ഷം പേർക്ക്​ തൊഴിൽ നൽകുന്ന മേഖലയാണെന്നും അതിലൂടെ പേര്​ നേടിയവർ ഇൻഡ്​സ്​ട്രി ലഹരിമരുന്നിന്​ കീഴ്​പ്പെട്ടിരിക്കയാണെന്നും അത്​ അഴുക്കുചാലാണെന്നും​ പറയുന്നത്​ അപമാനകരമാണെന്ന്​ രാജ്യസഭയിൽ പറഞ്ഞിരുന്നു. ഇതിനെതിരെയാണ്​ കങ്കണ ട്വിറ്ററിൽ മറുപടിയുമായെത്തിയത്​.

''എ​െൻറ ഭാഗത്ത്​ നിങ്ങളുടെ മകൾ ശ്വേത ആയിരുന്നു കൗമാരക്കാരിയായിരിക്കെ മർദനത്തിനും വലിച്ചിഴക്കലിനും മാനഭംഗത്തിനും ഇരയായതെങ്കിൽ, നിങ്ങളുടെ മകൻ അഭിഷേക്​ നിരന്തരം ആക്രമിക്കപ്പെടുന്നതും അപമാനിക്കപ്പെടുന്നതും പരാതി പറയുകയായിരുന്നെങ്കിൽ, ഒര​ു ദിവസം തൂങ്ങിമരിച്ച നിലയിൽ കാണപ്പെടുകയായിരുന്നെങ്കിൽ നിങ്ങൾ ഇതേ കാര്യങ്ങൾ പറയുമായിരുന്നോ? ഞങ്ങളോടും അൽപം അനുകമ്പ കാണിക്കൂ'' - ജയ ബച്ച​െൻറ പ്രസംഗം പങ്കുവെച്ച്​ കങ്കണ ട്വിറ്ററിൽ കുറിച്ചു.

ലോക്​സഭയിൽ രവി കിഷൻ കഴിഞ്ഞ ദിവസം നടത്തിയ പരമർശത്തിനെതിരെ രാജ്യസഭയിലെ സീറോ അവറിൽ സംസാരിച്ച ജയ ബച്ചൻ, രാജ്യത്തി​െൻറ സാമ്പത്തിക സ്ഥിതി നിരാശാജനകവും തൊഴിലില്ലായ്​മ ഏറ്റവും രൂക്ഷവുമായ ഒരു ഘട്ടത്തിൽ, ലഹരി മരുന്ന്​ കേസ്​ ഉയർത്തികാട്ടി ജനങ്ങളുടെ ശ്രദ്ധ തിരിക്കുകയാണെന്നും വിമർശിച്ചിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:AbhishekJaya BachchanShweta
Next Story